ཀུན་རྟོག་སྤྲོས་པ་བྲལ་བ། །
སེམས་ལ་འཁྲུངས་པར་བསམ་ཡང་། །
མཛེས་སྡུག་ཡིད་འོང་མེ་ཏོག །
སྲིད་པའི་ཐང་ན་བཞད་པས། །
ཡིད་ལ་རང་དབང་མ་བྱིན། །
ང་ནི་རི་བོའི་རྩེ་ནས། །
ཁེར་རྐྱང་འདུག་འདོད་མ་བྱུང་། །
ཡིད་འོང་མཛེས་མའི་མཆུ་སྒྲོས། །
འཁྲེང་སེམས་འགོག་ཐབས་མེད་པས། །
ང་ལ་གནང་བ་ཨེ་སྦྱིན། །
ཁྱོད་ནི་གསེར་དངུལ་བཞིན་དུ། །
ང་ལ་བླུ་རིན་མེད་ཀྱང་། །
རང་སྲོག་རིང་ནས་དོར་ཏེ། །
ལས་ཐབས་ཨེ་ལོང་ལྟ་ཡོང་། །
ཁྲེལ་གཞུང་ཕྱི་ཐག་ཅན་པོ། །
གངས་ལྷའི་འཛུམ་དཀར་མི་བཙལ། །
ཁྱོད་ཀྱི་གྲིབ་གཟུགས་འཚོལ་ཡོད། །
ངག་རིག་དབྱངས་ཀྱི་མེ་ཏོག །
ཁྱོད་ལ་སྐྱེས་སུ་བཏེགས་པས། །
ཡང་ནས་གཟིགས་རོགས་མཛོད་དང་། །
ཀུན་རྟོག་འཁྲུལ་བར་མ་བལྟ། །
མཛེས་དང་མི་མཛེས་མ་སྙམ། །
སྡེབ་ལེགས་ཚིག་གི་དབུས་ནས། །
དུང་བའི་རི་མོ་འགྲེམ་ཡོད། །
ཡིད་འོང་སྙིང་གི་དགའ་མ། །
བསིལ་ལྡན་གངས་རིའི་ལྗོངས་ནས། །
སྙན་ཆར་ངག་གི་ཟིལ་མ། །
གཞན་ལ་འབུལ་འདོད་མ་བྱུང་། །
ཁྱོད་ཀྱི་གཤིས་བཟང་མཐོང་དུས། །
བུ་ལ་རང་དབང་མི་སྟེར། །
༼ ཁམས་ཟླ་སྲས། ༽