སྣང་བ་འཚུབ་པའི་ལོ་ཟླ་རིང་མ་ཐུང་། །
ལས་སྐལ་ཞིག་གི་འཆར་སྒོ་འདྲ་མ་ཚོགས། །
མ་བཅོས་ངང་དུ་ཡིད་རྟོན་དམ་མ་ལྷོད། །
སྤྲོས་པའི་འཚོ་བ་སྐྱོ་གདུང་སྣ་ཚོགས་ཤིག །
དལ་བུར་བཞུད་པའི་སྣང་ཚུལ་རེ་རེ་ལ། །
ཡིད་འགྱུ་ཀློང་ནས་སྙིང་གི་བརྩེ་བ་རེ། །
འཁོར་བའི་མེ་ལོང་ཕྱི་ནང་གཉིས་ཀ་ལ། །
སྡིག་པའི་མེ་ཏོག་རབ་རིབ་བྲལ་བའི་ཚུལ། །
བར་ཐག་ནང་གི་བྱུང་བ་སྣ་ཚོགས་པ། །
ལས་ཀྱིས་མྱོང་བའི་འོག་གྲབས་ཡིན་པ་སྟེ། །
ལུས་ཀྱི་ན་ཟུག་ཇི་སྙེད་ལྡང་ཞིང་བྱུང་། །
ངག་གི་སྨྲེང་བ་གྱ་གྱུ་ཡིན་སྣང་གིས། །
ཡིད་ཀྱི་གདུང་བས་འཚོ་བ་སྐྱོ་རུ་བཅུག །
སྤྲོས་པའི་མེ་ལོང་སྲིད་པ་ནག་པོའི་དཔེ། །
༼ ཁམས་འོད་གསལ། ༽