སྤྱི་ཟླ12པའི་ཚེས24ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཡིས་ཁུལ་མི་དམངས་སྲིད་གཞུང་སྐབས་བཅུ་གསུམ་པའི་ཚང་འཛོམས་གྲོས་ཚོགས་ཐེངས་བདུན་པ་གཙོ་སྐྱོང་ནས།《སྲིད་གཞུང་གི་ལས་ཀའི་སྙན་སེང(གྲོས་བསྡུར་མ་ཟིན)》དང《འཆར་གཞིའི་འཆར་ཟིན་སྙན་སེང(གྲོས་བསྡུར་མ་ཟིན)》《ནོར་སྲིད་སྔོན་རྩིས་འཆར་ཟིན་སྙན་སེང་(གྲོས་བསྡུར་མ་ཟིན)》《ཡུལ་སྡེ་དར་རྒྱས་ལས་ཀའི་གནས་ཚུལ་སྙན་སེང(གྲོས་བསྡུར་མ་ཟིན)》བཅས་ལ་གྲོས་ཞིབ་བྱས་པ་དང་། 2024ལོའི་ལས་ཀར་ཕྱོགས་བསྡོམས་དང2025ལོའི་གཙོ་གནད་ལས་ཀར་བཀོད་སྒྲིག་བྱས་པ་རེད།

ཧྥུང་ཧྥ་ཀུའེ་ཡིས་འདས་ཟིན་པའི2024ལོར་རིམ་པ་ཁག་དང་སྡེ་ཁག་སོ་སོས་ད་ལོའི་རྒྱལ་ཁ་ཕམ་ཉེས་ལ་ཕྱོགས་བསྡོམས་ནན་ཏན་བྱས་ནས་ལོ་མཇུག་གི་ལས་ཀ་ཡག་པོ་བསྒྲུབ་དགོས་པར་མ་ཟད། ཀྲུང་དབྱང་དང་ཞིང་ཆེན་གྱི་སྲིད་ཇུས་དང་བསྡུར་ནས་སང་ལོའི་ལས་ཀའི་བྱ་ཐབས་འཆར་འགོད་བྱས་ཏེ་ད་ལོའི་ལོ་མཇུག་ཡག་པོ་བསྡུ་བ་དང་སང་ལོའི་ལས་འགོ་ཡག་པོ་བརྩམ་པར་འགན་ལེན་བྱ་དགོས་ཞེས་ནན་གསུང་གནང་བ་རེད། ཧྥུང་ཧྥ་ཀུའེ་ཡིས་འཕེལ་རྒྱས་དང་དམངས་འཚོ། ཉེན་མེད་ཐོན་སྐྱེད། ད་ལོའི་ལོ་མཇུག་ཡག་པོར་བསྡུ་བར་དཔྱད་ཞིབ་དོ་སྣང་བྱ་དགོས། གཅིག་ནས་འཕེལ་རྒྱས་ལ་དམ་འཛིན་བྱ་དགོས་པ་དང་གཉིས་ནས་དམངས་འཚོ་ལས་ཀར་དམ་འཛིན་བྱ་དགོས། གསུམ་ནས་ཉེན་མེད་ཐོན་སྐྱེད་ལ་དམ་འཛིན་བྱ་དགོས། བཞི་ནས་དཔྱད་ཞིབ་ལས་ཀར་དམ་འཛིན་བྱ་དགོས་ཞེས་བསྟན་པ་རེད།

ཧྥུང་ཧྥ་ཀུའེ་ཡིས2025ལོ་ནི“ལོ་ལྔའི་འཆར་འགོད་བཅུ་བཞི་པ”མཇུག་འགྲིལ་བའི་ལོ་ཡིན་ལ།“ལོ་ལྔའི་འཆར་འགོད་བཅོ་ལྔ་པར” ཇུས་འགོད་བྱེད་པའི་ལོ་ཡང་ཡིན་ཞིང་། ལས་ཀའི་ལས་འགན་དཀའ་ཚེགས་ཆེ་བས་ལས་ཀར་དེ་བས་འབད་བརྩོན་ལྷོད་མེད་བྱ་དགོས་ཞེས་བླང་བྱ་བཏོན་པ་རེད།། （བདེ་སྐྱིད་ཀྱིས་བསྒྱུར།）