དེ་རིང་། སྲིད་གྲོས་དཀར་མཛེས་ཁུལ་ཨུ་ཡོན་ལྷན་ཁང་སྐབས་བཞི་པའི་གྲོས་ཚོགས་ཐེངས་བཞི་པ་འཚོག་འགོ་འཛུགས་པ་རེད། སྤྱི་ཚོགས་ལས་རིགས་ཁག་ནས་ཡོང་བའི་སྲིད་གྲོས་ཨུ་ཡོན་ཚོས་ཁུལ་ཡོངས་ཀྱི་མི་དམངས་ཀྱི་རེ་སྒུག་དང་མངགས་བཅོལ་ཡིད་ལ་བཅངས་ཤིང་། དུས་རབས་ཀྱིས་སྤྲད་པའི་འགན་འཁྲི་ཕྲག་ཏུ་ཁུར་ནས་མཉམ་དུ་འཛོམས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་ཧུར་ཐག་བརྩམ་པར་ཐབས་འབུལ་ཇུས་འབུལ་བྱས་པ་རེད། ཚོགས་ཆེན་འཚོག་པར་རྟེན་འབྲེལ་ཞུ་བ་དང་ཆབས་ཅིག་སྲིད་གྲོས་ཨུ་ཡོན་ཚོ་ལ་གུས་འདུད་བླ་ན་མེད་པ་དང་མཛའ་བརྩེའི་འཚམས་འདྲི་བྱ་རྒྱུ་ཡིན།

མི་དམངས་སྲིད་གྲོས་བཙུགས་པ་ནས་བཟུང་། ཏང་དང་རྒྱལ་ཁབ་འཕེལ་རྒྱས་དང་དབུགས་ལམ་གཅིག་པ་དང་། མི་དམངས་ཀྱི་བདེ་སྐྱིད་དང་ལས་དབང་གཅིག་མཐུན་མཐའ་གཅིག་ཏུ་བྱས་ནས། མཐུན་སྒྲིལ་ལ་སྐུལ་སྤེལ་དང་དམངས་གཙོ་གྲོས་མོལ་སོགས་ཀྱི་ཐད་ལ་ནུས་པ་ཚབ་བྱེད་མི་ཐུབ་བཏོན་ཡོད།

ཐེངས་འདིའི་གྲོས་ཚོགས་ནི་ཁུལ་ཡོངས་ཀྱིས་གོང་འོག་ཚང་མས་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལག་ལེན་ལ་སྐུལ་བའི་སྐབས་སུ་འཚོག་པའི་གྲོས་ཚོགས་གལ་ཆེན་ཞིག་དང་ཁུལ་ཡོངས་ཀྱི་མི་དམངས་ཚོའི་ཆབ་སྲིད་འཚོ་བའི་ཁྲོད་ཀྱི་དོན་ཆེན་ཞིག་ཀྱང་རེད། ཕྱོགས་ཁག་ནས་ཡོང་བའི་སྲིད་གྲོས་ཨུ་ཡོན་རྒྱ་ཆེན་གྱིས་ལས་རིགས་ཁག་གི་སེམས་སྒྲ་དང་འདོད་བློ་བསྡུས་ཏེ་འགན་སེམས་ཆེན་པོས་རྒྱལ་ཁབ་ཀྱི་དོན་དུ་འགན་ནུས་བསྟར་བ་དང་མི་དམངས་ཀྱི་ཆེད་དུ་ལས་འགན་བསྒྲུབས་དང་སྒྲུབ་བཞིན་ཡོད། ཐེངས་འདིའི་གྲོས་ཚོགས་ཡག་པོ་ཞིག་འཚོག་ཐུབ་ན། ལས་རིགས་ཁག་གི་བསམ་བློ་བྱ་སྤྱོད་གཅིག་གྱུར་དང་ཕྱོགས་ཁག་གི་བློ་རིག་སྟོབས་ཤུགས་གཅིག་ཏུ་བསྒྲིལ་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་མཉམ་དུ་བརྩམ་པར་དོན་སྙིང་ཆེན་པོ་ཡོད་པ་རེད།

འདས་མ་ཐག་པའི2024ལོ་ནི་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལག་ལེན་ཚ་ཚན་འབྲི་བའི་གནད་འགག་གི་ལོ་ཡིན། ལོ་གཅིག་གི་རིང་ལ་ཁུལ་ཨུའི་སྲ་བརྟན་མགོ་ཁྲིད་འོག། ཁུལ་སྲིད་གྲོས་དང་དེའི་རྒྱུན་ལས་ཨུ་ལྷན་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ཁྲིད་སྟོན་དུ་བྱས་ཤིང་། ཀྲུང་དབྱང་གི་སྲིད་ཆེན་བྱེད་ཕྱོགས་དང་ཞིང་ཆེན་ཏང་ཨུ་དང་ཁུལ་ཨུའི་ཐབས་ཇུས་བཀོད་སྒྲིག་བཅས་ལག་ལེན་མཐར་ཕྱིན་བསྟར་བ། མཐུན་སྒྲིལ་དང་དམངས་གཙོའི་གཙོ་དོན་ཆེན་པོ་གཉིས་རྒྱུན་འཁྱོངས་ཤིང་། ཁུལ་ཨུའི“གཅིག་གཉིས་གསུམ་བཞི་ལྔའི”སྤྱིའི་ལས་དོན་གྱི་བཀོད་སྒྲིག་ལ་དམ་པོར་དམིགས་ཏེ། དུས་རབས་ཀྱི་འཕེལ་ཕྱོགས་ཆེན་པོ་སྟངས་འཛིན་དང་དུས་རབས་ཀྱི་གོམ་སྟབས་རྗེས་སུ་དམ་པོར་འབྲངས་པ། དུས་རབས་ཀྱི་འགན་འཁྲི་ཁུར་བ། ཏང་དང་བློ་སེམས་གཅིག་མཐུན་དང་ཁུལ་ཨུའི་ལས་དོན་གཙོ་བོ་དང་གཅིག་རམ་གཅིག་འདེགས། ཁུལ་ཡོངས་ཀྱི་འཕེལ་རྒྱས་བརྟན་བརླིང་དང་ཕྱོགས་མཐུན་ཤུགས་མཐུན་བཅས་མཐའ་གཅིག་ཏུ་བྱས་ཤིང་། ཆབ་སྲིད་གྲོས་མོལ་ཐད་དོན་ཆེན་ལ་དམིགས་པ་རྒྱུན་འཁྱོངས་དང་། དམངས་གཙོ་ལྟ་སྐུལ་ཐད་དཀའ་གནད་ལ་ཕྱོགས་པ་མཐོང་ཆེན། སྲིད་ཞུགས་སྲིད་གླེང་ཐད་དོན་དངོས་ལ་དོ་ཁུར་བྱེད་ཤུགས་ཆེ་རུ་གཏོང་བ་བཅས་ཀྱི་སྒོ་ནས་དཀར་མཛེས་ཁུལ་ཡུན་རིང་བདེ་འགོད་དང་འཕེལ་རྒྱས་སྤུས་ཚན་མཐོན་པོར་ཡོང་བའི་ལག་ལེན་པ་དང་སྐུལ་འདེད་པ། བྱས་རྗེས་པ་བཅས་ཡག་པོ་ནན་ཏིག་བྱས་ནས། སྲིད་གྲོས་ཀྱི་འགན་ཁུར་མངོན་པ་དང་སྲིད་ཀྱི་བྱས་འབྲས་མཚོན་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་བརྩམ་པར་བྱས་རྗེས་ཧུར་ཐག་བཞག་པར་བརྟེན། སྲིད་གྲོས་ཨུ་ཡོན་རྒྱ་ཆེན་དང་སྲིད་གྲོས་ལས་སྒྲུབ་པ་ཚོར་གུས་བཀུར་བླ་ན་མེད་པ་ཞུ་རྒྱུ་ཡིན།

2025ལོ་ནི་བསྒྱུར་བཅོས་སྔར་བས་ཁྱོན་ཡོངས་ནས་ཟབ་ཏུ་སྤེལ་བའི་ལོ་གལ་ཆེན་ཡིན་ལ་དེང་རབས་ཅན་གྱི་དཀར་མཛེས་ཁུལ་འཛུགས་པའི་ཧུར་སྐྱོད་ཀྱི་ལོ་ཡང་ཡིན། དུས་བབ་ཛ་དྲག་ཆེ་བ་དང་དཀའ་ངལ་འགྲན་སློང་སྣ་མང་ལ་འཕྲད་དུས་ཅི་འདྲ་བྱས་ནས་ཞིང་ཆེན་ཏང་ཨུ་དང་ཁུལ་ཨུའི་སྤྱིའི་ལས་དོན་བཀོད་སྒྲིག་ལ་དམ་པོར་དམིགས་ནས་འགན་ནུས་སྒྲུབ་པའི་འབད་ཕྱོགས་གཙོ་བོ་གནད་ལ་འཁེལ་པོ་བཙལ་ཐུབ་པ་དང་། ཅི་འདྲ་བྱས་ནས་ཁུལ་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བརྒྱད་པའི་སྙིང་དོན་སློབ་སྦྱོང་དང་ལག་ལེན་བསྟར་བ། ཅི་འདྲ་བྱས་ནས་རིག་གནས་ཡུལ་སྐོར་དང་ཁྱད་ཆོས་ཞིང་འབྲོག་ལས། ནུས་རྒྱུ་གཙང་མ་བཅས་དོན་ཆེན་གསུམ་བསྒྲུབ་པར་རོགས་རམ་བྱ་དགོས་པ།

（ པར་ངོས་གསུམ་པར་གཟིགས།）