2024ལོར་དར་མདོ་གྲོང་ཁྱེར་སྲིད་གྲོས་ཀྱིས་ཞིང་ཆེན་དང་ཁུལ་སྲིད་གྲོས་ཀྱི་བཀོད་སྒྲིག་བླང་བྱ་ལྟར།“དོན་དག་ཡོད་ན་གྲོས་མོལ་བྱེད་པ”དེ་བརྒྱུད་རིམ་ཧྲིལ་པོའི་མི་དམངས་དམངས་གཙོའི་ལག་ལེན་བྱེད་པའི་ཐབས་ལམ་གལ་ཆེན་ཞིག་དང་ཀྲུང་གོ་ལུགས་ཀྱི་དེང་རབས་ཅན་ལ་རོགས་རམ་བྱེད་པའི་གསོན་ཉམས་ལྡན་པའི་ལག་ལེན་དུ་བརྩི་རྒྱུ་མཐའ་འཁྱོངས་ཏེ། ལས་ཀ་བྱེད་ཡུལ་མདུན་ཕྱོགས་སུ་སྤོ་རྒྱུར་སྐུལ་འདེད་བཏང་བ་དང་བསྒྱུར་བཅོས་གསར་གཏོད་ལ་སེམས་ཐག་བཅད་དེ་དུས་རབས་གསར་པའི་དར་མདོ་སྲིད་གྲོས་གྱི“དོན་དག་ཡོད་ན་གྲོས་མོལ་བྱེད་པ”ཡི་རིམ་པ་སྤར་ནས་གཞི་རིམ་དམངས་གཙོའི་གྲོས་མོལ་མཐར་ཕྱིན་དང་ཏན་ཏིག་ཡོང་བར་ཤུགས་ཡོད་རྒུས་བསྐུལ་ཡོད།

གཅིག་ནི་ཚད་ལྡན་ཁྲིད་སྟོན་མཐའ་འཁྱོངས་ནས་གྲོས་མོལ་སྟེགས་བུ་རིམ་འཇུག་རིམ་སྤར་བྱས། སྲིད་གྲོས་ཨུ་ཡོན་གྱི་བྱེད་པོའི་ནུས་པ་འདོན་སྤེལ་གང་ལེགས་བྱས་ཏེ། གྲོང་ཁྱེར་སྲིད་གྲོས་ཨུ་ཡོན139སྡེ་ཁུལ4ཡི་འགན་སྒྲུབ་ཚོ་ཆུང་དུ་བཙུད་དེ་གཞི་རིམ་རྩ་འཛུགས་དང་མང་ཚོགས་ལ་དཀའ་ངལ་བཟོ་བའི་དོན་དག་ཆེ་ཆུང་ལ་དོ་སྣང་བྱས་ཏེ། ཡུལ་དངོས་སུ་བརྟག་ཞིབ་བྱས་ཏེ་གཞི་རིམ་གྱི་གནས་ཚུལ་ངོ་མ་ཤེས་རྟོགས་དང་མང་ཚོགས་ཀྱི་རེ་འདུན་ངོ་མ་ཁོང་དུ་ཆུད་པ། དོན་ཆུང་དངོས་སུ་སྒྲུབ་པ་དང་དོན་དངོས་ལེགས་པར་སྒྲུབ་པར་བརྩོན་ལེན་བྱས་ཏེ། གྲོས་མོལ་སྲིད་གྲོས་ཀྱི་སྤུས་ཚད་དང་ལས་འགན་སྒྲུབ་པའི་ནུས་པ་རྒྱུན་ཆད་མེད་པར་མཐོ་རུ་བཏང་ཡོད། དེ་དང་ཆབས་ཅིག་སྒོར་ཁྲི20ལྷག་བཏང་ནས་གྲོང་ཁྱེར་རིམ་པའི“དར་མདོར་དམིགས་པའི་གྲོས་མོལ”སྟེགས་བུ་རིམ་སྤོར་བྱས་ཏེ། གྲོས་མོལ་དོན་གྲོས་བྱེད་སྒོ་ལ་ལྟ་ཞིབ་དང་བརྙན་ལམ་མཉམ་སྤྱོད། ཉམས་མྱོང་སྤེལ་རེས་སོགས་བྱེད་ཐབས་སྣ་ཚོགས་བརྒྱུད་དེ་སྲིད་གྲོས་དང་ཨུ་ཡོན། མང་ཚོགས་བཅས་ཀྱི་བར་ཐག་ཇེ་ཐུང་དུ་བཏང་སྟེ། གྲོས་མོལ་གྱི་རྒྱ་ཆེ་ཚད་དང་གཏིང་ཟབ་ཚད། ཕན་ནུས་བཅས་སྔར་བས་རྒྱ་སྐྱེད་བཏང་ཡོད།

གཉིས་ནི་དོན་འཁྱོལ་དང་མཐོར་འདེགས་རྒྱུན་འཁྱོངས་ནས་འཕེལ་རྒྱས་ལ་ཞབས་འདེགས་ཞུ་བ་ཤུགས་ཡོད་རྒུས་བསྐུལ་ཡོད། ཁྲིམས་དང་སྒྲིག་སྲོལ་གཞིར་བཟུང་བ་དང་གནས་ལུགས་དང་མཐུན་ཞིང་ལུགས་མཐུན་ཡིན་པ། སེམས་པ་དང་བརྩེ་བ་བཅས་གྲོས་མོལ་གྱི་བར་ཚིགས་ཁག་གི་བརྒྱུད་རིམ་ཧྲིལ་པོར་མཐའ་གཅིག་ཏུ་ཁྱབ་པར་བྱེད་ཅིང་། ཏང་སྲིད་ཀྱི་དོན་དག་གལ་ཆེན་དང་དམངས་འཚོ་ལེགས་སུ་གཏོང་བའི་དོན་དངོས་དང་། སྤྱི་ཚོགས་བཅོས་སྐྱོང་གི་དཀའ་གནད་བཅས་ལ་དམིགས་ཏེ། ལོ་ཧྲིལ་པོར་གྲོས་འཆར68བསྡུས་པ་དང་། གྲོས་མོལ་བྱེད་སྒོ་ཆུང་ཆུང་ཐེངས72སྤེལ་བ། དམངས་འཚོ་གནད་དོན51ཐག་བཅད་ཡོད། ( པར་ངོས་གསུམ་པར་གཟིགས།)