ཁུལ་སྐབས་བཅུ་གསུམ་པའི་མི་དམངས་འཐུས་ཚོགས་ཀྱི་གྲོས་ཚོགས་ཐེངས་བཞི་པ་འཚོག་འགོ་འཛུགས་པར་སྤྲོ་སེམས་ཆེན་པོས་རྟེན་འབྲེལ་ཞུས།
ཁུལ་ཡོངས་ཀྱི་མི་རིགས་ཁག་གི་མི་དམངས་ཀྱི་རེ་སྒུག་ཁྲོད་དུ་དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པ་འཚོག་འགོ་འཛུགས་པ་རེད། ཐེངས་འདིའི་གྲོས་ཚོགས་ནི་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྙིང་དོན་དང་ཞིང་ཆེན་ཏང་ཨུ་སྐབས་བཅུ་གཉིས་པའི་གྲོས་ཚོགས་ཐེངས་དྲུག་པ། ཁུལ་ཨུ་སྐབས་བཅུ་གཉིས་པའི་གྲོས་ཚོགས་ཐེངས་བརྒྱད་པའི་ཐབས་ཇུས་བཀོད་སྒྲིག་བཅས་ལག་ལེན་མཐར་ཕྱིན་བསྟར་ནས་སྔར་བས་བསྒྱུར་བཅོས་ཁྱོན་ཡོངས་ནས་ཟབ་ཏུ་སྤེལ་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་ཧུར་ཐག་བརྩམ་པའི་དུས་སྐབས་གལ་ཆེན་དུ་འཚོག་པའི་ཚོགས་འདུ་གལ་ཆེན་ཞིག་རེད་ལ། ཁུལ་ཡོངས་ཀྱི་མི་དམངས་ཚོའི་ཆབ་སྲིད་འཚོ་བའི་ཁྲོད་ཀྱི་དགའ་འོས་པའི་དོན་ཆེན་ཞིག་ཀྱང་རེད། ཁུལ་ཡོངས་ཀྱི་འཐབ་ཕྱོགས་ཁག་དང་ལས་རིགས་སོ་སོ་ནས་ཡོང་བའི་མི་དམངས་འཐུས་ཚོགས་ཀྱི་འཐུས་མི280ལྷག་གིས་མི་དམངས་ཀྱི་མངགས་བཅོལ་ཟབ་མོ་བཅངས་ནས་རྒྱང་སྐྱོད་ལམ་གསར་གྱི་དཀར་མཛེས་ཁུལ་འཕེལ་རྒྱས་ཀྱི་ཇུས་ཆེན་མཉམ་དུ་བགྲོ་བ་དང་དུས་རབས་གསར་པའི་དཀར་མཛེས་ཁུལ་གྱི་འཕེལ་རྒྱས་འཆར་རིས་མཉམ་དུ་བྲི་བར་བརྩོན་པས། ང་ཚོས་ཚོགས་ཆེན་འཚོག་པར་སྤྲོ་སེམས་ཆེན་པོས་རྟེན་འབྲེལ་ཞུ་རྒྱུ་ཡིན།
2024ལོར། དུས་བབ་ཛ་དྲག་ཆེ་བ་དང་དཀའ་ངལ་འགྲན་སློང་སྣ་མང་གི་མདུན་དུ། ཁུལ་ཨུའི་འགོ་ཁྲིད་སྲ་བརྟན་འོག། ཁུལ་ཡོངས་ཀྱི་མི་རིགས་ཁག་གི་མི་དམངས་ཚོས་མཐུན་སྒྲིལ་རྡོག་རྩ་གཅིག་སྒྲིལ་དང་འགག་སྒྲོལ་དཀའ་སེལ་བྱས་པས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་གྲུབ་འབྲས་ཆེན་པོ་ཐོབ་ཡོད། （པར་ངོས་གསུམ་པར་གཟིགས།）