（ པར་ངོས་དང་པོར་མཐུད།）སྤྱི་ཚོགས་ཀྱི་སྤྱི་ཡོངས་སྔར་བས་བརྟན་བརླིང་དང་འཕེལ་རྒྱས་ཀྱི་གནས་ཕྱོགས་སྔར་བས་ཇེ་བཟང་དུ་སོང་བ། སྐྱེ་ཁམས་ཀྱི་རང་མདངས་སྔར་བས་གསལ་དུ་སོང་བ། དམངས་འཚོ་འགན་སྲུང་སྔར་བས་སྲ་ཞིང་བརྟན་པ་བཅས་ཀྱི་རྣམ་པ་བཟང་པོ་རྒྱུན་མཐུད་དེ་སྲ་བརྟན་ཐུབ་ཡོད་ཅིང་། ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གསར་པ་འཛུགས་པར་གོམ་སྟབས་སྲ་མོ་སྤོས་ཐུབ་ཡོད། 2024ལོ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བཙུགས་ནས་ལོ75འཁོར་བའི་ལོ་དང་རྒྱལ་ཡོངས་མི་དམངས་འཐུས་མི་ཚོགས་ཆེན་བཙུགས་ནས་ལོ70འཁོར་བའི་ལོ་ཞིག་ཡིན་ལ། མི་རིགས་ས་ཁོངས་རང་སྐྱོང་བཅའ་ཁྲིམས་ལག་བསྟར་བྱས་ནས་ལོ40འཁོར་བའི་ལོ་ཞིག་ཀྱང་ཡིན། ལོ་གཅིག་རིང་ཁུལ་ཨུའི་འགྱུར་མེད་སྟོབས་ལྡན་གྱི་འགོ་ཁྲིད་འོག་ཁུལ་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གིས་རྩ་ཁྲིམས་དང་བཅའ་ཁྲིམས་ཀྱིས་དཀྲིས་པའི་འགན་འཁྲི་ཏན་ཏིག་བསྒྲུབས་ཡོད། ས་གནས་ཀྱི་རྒྱལ་ཁབ་དབང་ཆའི་ལས་ཁུངས་ཀྱི་ནུས་པ་འདོན་སྤེལ་གང་ལེགས་བྱས་ནས། རང་རྟོགས་ངང་ཀྲུང་གོ་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་པའི་ཆབ་སྲིད་ལས་ཁུངས་འཛུགས་པ་གཙོ་ཕྱོགས་སུ་བྱས་ཏེ། ཆབ་སྲིད་འཛུགས་སྐྱོང་ཚད་གཞི་མཐོན་པོ་དེ་མི་དམངས་འཐུས་ཚོགས་ཀྱི་བརྒྱུད་རིམ་ཧྲིལ་པོར་དོན་ལ་འཁྱོལ་ཡོད། མི་དམངས་རང་ཁྱིམ་རང་བདག་ལ་ཁག་ཐེག་བྱེད་པའི་རྒྱལ་ཁབ་ཀྱི་དབང་ཆའི་ལས་ཁུངས་འཛུགས་པ་གཙོ་འགན་དུ་བྱས་ཏེ། བརྒྱུད་རིམ་ཧྲིལ་པོའི་མི་དམངས་དམངས་གཙོ་དེ་མི་དམངས་འཐུས་ཚོགས་ཀྱི་ལས་དོན་བར་ཚིགས་ཁག་ཏུ་ཁྱབ་པར་བྱས་ཡོད། རྩ་ཁྲིམས་དང་བཅའ་ཁྲིམས་ཀྱིས་སྤྲད་པའི་འགན་ནུས་ཕྱོགས་ཡོངས་ནས་ཁུར་བའི་ལས་དོན་ལས་ཁུངས་འཛུགས་པ་གཙོ་ལས་སུ་བྱས་ཏེ། གསར་གཏོད་རང་བཞིན་གྱི་འགན་སྒྲུབ་འགན་ཁུར་དེ་མི་དམངས་འཐུས་ཚོགས་ལས་དོན་གྱི་ཕྱོགས་ཁག་ལ་མཚོན་པར་བྱས་ཡོད། མི་དམངས་མང་ཚོགས་དང་འབྲེལ་བ་དམ་ཟབ་མཐའ་གཅིག་ཏུ་བྱེད་པའི་འཐུས་མིའི་ལས་ཁུངས་འཛུགས་པ་དམིགས་ཡུལ་དུ་བྱས་ཏེ། ཕྱོགས་ཡོངས་ནས་འཐུས་མིས་འགན་ནུས་སྒྲུབ་པ་དེ་མི་དམངས་འཐུས་ཚོགས་ཀྱི་ལས་དོན་ཁྱབ་ཁོངས་ཁག་ཏུ་སྤྱོད་ཐུབ་པ་བྱས་ཡོད། ཁུལ་ཡོངས་ཀྱི་རིམ་ཁག་མི་དམངས་འཐུས་ཚོགས་ཀྱི་འཐུས་མིས་འཐབ་ཕྱོགས་ཁག་དང་སོ་སོའི་ལས་གནས་སུ་བྱས་རྗེས་ཧུར་ཐག་བཞག་པ་དང་། བྱ་སྤྱོད་དངོས་ཀྱི་ཐོག་ནས་མི་དམངས་ཀྱི་ཚབ་བྱེད་པ་དང་མི་དམངས་ཀྱི་ཆེད་དུ་ལས་དོན་སྒྲུབ་པ། མི་དམངས་ལ་ཞབས་འདེགས་ཞུ་བ་བཅས་ཀྱི་འགན་འཁྲི་གཟི་བརྗིད་ལྡན་པ་ལག་ལེན་བསྟར་ཏེ། ཁུལ་སྐབས་བཅུ་གསུམ་པའི་མི་དམངས་འཐུས་ཚོགས་ཀྱི་གྲོས་ཚོགས་ཐེངས་གསུམ་པར་གཏན་ལ་ཕབ་པའི་ལས་ཀའི་ལས་འགན་ཁག་ཕུན་སུམ་ཚོགས་པའི་ངང་གྲུབ་ཡོད་པ་རེད། ལམ་ལུགས་ཀྱི་ལེགས་ཆ་ནི་རྒྱལ་ཁབ་ཅིག་གི་ལེགས་ཆ་ཆེ་ཤོས་དེ་རེད། མི་དམངས་འཐུས་མི་ཚོགས་ཆེན་གྱི་ལམ་ལུགས་ནི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལམ་ལུགས་ཀྱི་གྲུབ་ཆ་གལ་ཆེན་ཡིན་ལ། རྒྱལ་ཁབ་ཀྱི་བཅོས་སྐྱོང་མ་ལག་དང་བཅོས་སྐྱོང་ནུས་པ་འདེགས་སྐྱོར་གྱི་རྩ་བའི་ཆབ་སྲིད་ལམ་ལུགས་ཀྱང་ཡིན། དུས་རབས་གསར་པར་མདུན་སྐྱོད་དང་རྒྱང་ལམ་གསར་པར་གོམ་པ་སྤོ་བར་ང་ཚོས་ཐོག་མཐའ་བར་གསུམ་དུ་མི་དམངས་འཐུས་མི་ཚོགས་ཆེན་གྱི་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་བ་དང་། མི་དམངས་འཐུས་མི་ཚོགས་ཆེན་ལམ་ལུགས་ཀྱི་ལག་ལེན་ཁྱད་ཆོས་དང་དུས་རབས་ཁྱད་ཆོས་རྒྱུན་ཆད་མེད་པར་ཕུན་སུམ་ཇེ་ཚོགས་སུ་གཏོང་ཞིང་། ལམ་ལུགས་ཀྱི་ཁྱད་ཡོན་དེ་བཅོས་སྐྱོང་གི་ཕན་ནུས་སུ་བསྒྱུར་ཏེ། རྩ་བའི་ཆབ་སྲིད་ལམ་ལུགས་དེ་བས་མི་སེམས་སུ་འཇགས་ནས་རྩ་བ་ཚུགས་པར་བྱ་དགོས། ཚོགས་ཆེན་བདེ་བླག་ངང་མཇུག་བསྒྲིལ་བའི་སྨོན་འདུན་ཞུས།།