སྤྱི་ཟླ་དང་པོའི་ཚེས4ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་ཧྲེན་དབྱང་སྲིད་གྲོས་དཀར་མཛེས་ཁུལ་ཨུ་ཡོན་ལྷན་ཁང་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་དཔལ་འབྱོར་དང་བཟོ་ཚོང་མཉམ་འབྲེལ་ཚོ་ཆུང་གི་གྲོས་བསྡུར་ཚོགས་རར་ཕེབས་ནས་སྲིད་གྲོས་ཨུ་ཡོན་གྱི་བསམ་འཆར་དང་གྲོས་འགོར་གསན་འཇོག་གནང་བ་རེད། ཁོང་གིས་ཁུལ་ཡོངས་ཀྱི་སྲིད་གྲོས་རྩ་འཛུགས་རིམ་པ་ཁག་དང་རྒྱ་ཆེའི་སྲིད་གྲོས་ཨུ་ཡོན་ཚོས་ཆབ་སྲིད་ཀྱི་འགན་འཁྲི་བློ་ལ་བརྟན་པོར་ངེས་པ་དང་།སྲོལ་རྒྱུན་བཟང་པོ་དར་སྤེལ་གཏོང་བ། སྲིད་ཞུགས་སྲིད་གྲོས་ཧུར་ཐག་བཅས་བྱས་ཏེ་འཕེལ་རྒྱས་ཀྱི་ཡིད་ཆེས་བརྟན་པོ་དང་།འཕེལ་རྒྱས་སྟོབས་ཤུགས་གཅིག་སྡུད་བྱས་ཏེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམིགས་འབེན་དང་ལས་འགན་ཁྱོན་ཡོངས་ནས་ལེགས་འགྲུབ་བྱ་ཆེད་སླར་ཡང་བྱས་རྗེས་གསར་པ་འཇོག་གང་ཐུབ་བྱ་དགོས་ཞེས་ནན་གསུང་གནང་བ་རེད།
ཁུལ་སྲིད་གྲོས་ཏང་ཚན་ཁག་གི་ཧྲུའུ་ཅི་ཀྲང་ཐུང་རུང་གིས་ཚོགས་འདུ་གཙོ་སྐྱོང་གནང་།
མཉམ་འབྲེལ་ཚོ་ཆུང་ཚོགས་འདུའི་ཐོག་པའེ་དབྱིན་ཁྲུན་དང་།ཟླ་བ་སྒྲོལ་མ།ཐའོ་ཡུང་།དབྱང་ཧྥན།ཅིང་ཁའེ་ཁྲུན།ཏའེ་ནེ་ཅུན།འཇམ་དབྱངས་ཕུན་ཚོགས་སོགས་ཨུ་ཡོན་རྣམ་པས་རང་ཉིད་ཀྱི་དོན་དངོས་དང་ཟུང་འབྲེལ་བྱས་ཏེ་ཁུལ་ཨུའི་ལས་དོན་བཀོད་སྒྲིག་གལ་ཆེན་དོན་འཁྱོལ་དང་།རྒྱལ་དབང་མ་རྩ་ལེགས་ཤིང་སྟོབས་ཆེ་བཟོས་པ་དང་དམངས་གཉེར་དཔལ་འབྱོར་འཕེལ་རྒྱས་ཤུགས་ཆེན་གཏོང་བ་སོགས་ཀྱི་ཐད་ནས་རང་ཉིད་ཀྱི་ངོས་འཛིན་དང་མྱོང་ཚོར།（ པར་ངོས་གཉིས་པར་གཟིགས།）