（ པར་ངོས་དང་པོར་མཐུད།）ཐབས་ཇུས་བཟང་པོ་འབུལ་བ་བཅས་བྱས་པ་རེད། ཧྲེན་དབྱང་གིས་གསན་ཞོར་ཟིན་བྲིས་ཕབ་སྟེ་ཨུ་ཡོན་གྱིས་བཏོན་པའི་བསམ་འཆར་དང་གྲོས་འགོར་ལན་གནང་ཞིང་། ཁོང་གིས་ཨུ་ཡོན་རྣམ་པས་རང་ཉིད་ཀྱི་ལས་གནས་ཐོག་འབད་བརྩོན་དང་ལེགས་སྐྱེས་ཕུལ་བ་དང་ཚང་མས་དཀར་མཛེས་ཁུལ་ལ་འཆང་བའི་བརྩེ་སེམས་དང་འགན་འཁྲི་འཁུར་བ་གང་ལེགས་མཚོན་གྱི་ཡོད་པས། ཚང་མས་ལོ་གཅིག་རིང་དཀའ་སྤྱད་འབད་བརྩོན་གྱིས་ལས་ཀ་བསྒྲུབས་ཏེ་དཀར་མཛེས་ཁུལ་གྱི་དཔལ་འབྱོར་དང་སྤྱི་ཚོགས་བྱ་གཞག་ཁག་རྒྱུན་ཆད་མེད་པར་ཡར་ཐོན་ཡོང་བར་བསྐུལ་ཏེ་ལེགས་སྐྱེས་ཕུལ་བར་ཐུགས་རྗེ་ཆེ་ཞུ་བ་ཡིན་ཞེས་གསུངས། འབྲེལ་ཡོད་འགན་འཁྲི་སྡེ་ཁག་གིས་འབྲེལ་ཡོད་བསམ་འཆར་དང་གྲོས་འགོར་ཞིབ་འཇུག་དང་བསྡུ་ལེན་ནན་པོ་བྱས་ཏེ་ལས་ཀའི་བྱེད་ཐབས་སྔར་བས་འཐུས་ཚང་དུ་བཏང་ནས་དོན་ཚན་ཚང་མར་ལན་སློག་རྒྱུ་ཡོད་པ་དང་།དོན་ལ་འཁྱོལ་ཡོད་པ།ཕན་འབྲས་ཐོན་བཞིན་ཡོད་པ་བཅས་ཁག་ཐེག་བྱ་དགོས་ཞེས་གསུངས།
ཧྲེན་དབྱང་གིས་དུས་རབས་གསར་པའི་དཀར་མཛེས་ཁུལ་འཕེལ་རྒྱས་སྤུས་ཚད་མཐོན་པོ་ཡོང་བར་ཡིད་ཆེས་དང་ཆོད་སེམས་བརྟན་པོ་ཡོད་དགོས་པ་དང་། ཐུན་མོང་ཕྱུག་པོར་ཡོང་བའི་དམིགས་འབེན་ལ་གཞིགས་ནས་འགན་འཁྲི་ཡག་པོ་བསྒྲུབ་དགོས། དམངས་གཉེར་དཔལ་འབྱོར་འཕེལ་རྒྱས་སྤུས་ཚད་མཐོན་པོ་ཡོང་བར་སྔར་བས་སྐུལ་དགོས་པའི་ནན་གསུང་གནང་།
ཁུལ་གྱི་མགོ་ཁྲིད་ཡིའུ་ཞང་ཧྥེ་དང་ཡན་ལེ། ཁྲེན་པོ་ཐའོ།ཝང་ཞིན་ཆོན།ནན་ཧུང་བཅས་དང་།ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་དང་སྲིད་གྲོས་དཀར་མཛེས་ཁུལ་ཨུ་ཡོན་ལྷན་ཁང་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་དཔལ་འབྱོར་དང་བཟོ་ཚོང་ཚོ་ཆུང་གི་ཨུ་ཡོན་རྣམས་ཚོགས་འདུར་ཞུགས་པ་རེད།།
（ ལྷ་འཛོམས་ཀྱིས་བསྒྱུར།）