（ པར་ངོས་དང་པོར་མཐུད།）

ཁུལ་ཁྲིམས་ཁང་གི་ལས་དོན་སྙན་སེང་།ཁུལ་ཞིབ་དཔྱོད་ཁང་གི་ལས་དོན་སྙན་སེང་དང་འབྲེལ་ཡོད་གྲོས་གཞི་དང་དོན་དག་བཅས་ལ་གྲོས་ཞིབ་བྱས་ཏེ།ཐུན་མོང་ཐོག་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་ཧུར་ཐག་འབྲི་བར་བསམ་འཆར་དང་ཐབས་ཇུས་འདོན་ཞིང་།སེམས་ཤུགས་གཅིག་སྡུད་བྱས་པ་རེད།

ཧྲུའུ་ཏ་ཁྲུན་གྱིས་ཚོགས་འདུའི་གྲོས་ཞིབ་ལ་ཕུལ་བའི་ལས་དོན་སྙན་སེང་ཁག་ལ་རྦད་དེ་མོས་མཐུན་གནང་བ་དང་།ཁོང་གིས་སྲིད་གཞུང་གི་ལས་དོན་སྙན་སེང་ཆབ་སྲིད་ཀྱི་གནས་བབ་མཐོ་བ་དང་།ལས་ཀའི་གནས་ཚུལ་དངོས་ཕྱོགས་སྡོམ་བྱས་པ།གནས་བབ་དབྱེ་ཞིབ་གཏིང་ཟབ་པ་དང་ལས་ཀའི་འཆར་འགོད་ཡང་དག་པ་བཅས་ཡིན་ཞིང་།ཁུལ་ཨུའི་སྤྱིའི་ལས་ཀའི་རྣམ་པར་གཞིགས་ཏེ་གྲངས་གཞི་ཞིབ་ཕྲ་དང་དཔེ་དངོས་ཕུན་སུམ་ཚོགས་པར་བརྟེན2024ལོའི་ཁུལ་སྲིད་གཞུང་གིས་དཔལ་འབྱོར་བརྩོན་ལེན་དང་།བདེ་འཇགས་སྲུང་སྐྱོང་།སྐྱེ་ཁམས་ལེགས་སྒྱུར།དམངས་འཚོར་ཕན་ཐོགས་སོགས་ཀྱི་གྲུབ་འབྲས་ལ་ཕྱིར་མིག་བལྟས་ཤིང་།ད་སྔའི་དཀར་མཛེས་ཁུལ་གྱི་འཕེལ་རྒྱས་གོ་སྐབས་དང་།འཕེལ་རྒྱས་ཆ་རྐྱེན།འཕེལ་རྒྱས་སྒུལ་ཤུགས་བཅས་ལ་དབྱེ་ཞིབ་ཟབ་པོ་བྱས་འདུག་ཅེས་གསུངས་པ་རེད།

སྙན་སེང་ནང་བཏོན་པའི2025ལོའི་ཁུལ་སྲིད་གཞུང་ལས་དོན་གྱི་གཞི་རྩའི་བསམ་ཕྱོགས་དང་།སྔོན་དཔག་དམིགས་འབེན།གཙོ་གནད་ལས་འགན་བཅས་ཀྱིས་དཀར་མཛེས་ཁུལ་གྱི་གནས་འཁེལ་ལས་འགན་གནད་ལ་འཁེལ་བ་དང་།མང་ཚོགས་ཀྱི་དགོས་མཁོ་དངོས་དང་བསྟུན་པས་ལག་ལེན་དུ་འཁྱོལ་ཐུབ་ངེས་ཡིན་པ་རེད།འཆར་གཞིའི་སྙན་སེང་དང་སྔོན་རྩིས་སྙན་སེང་ནང་མི་དམངས་གཙོ་བོར་འཛིན་པའི་འཕེལ་རྒྱས་ཀྱི་བསམ་བློ་ལག་ལེན་བསྟར་བ་དང་།“བརྟན་ཐོག་ཡར་འཕེལ”གྱི་སྤྱིའི་གཞི་མཐའ་འཁྱོངས་དང་།ཀྲུང་དབྱང་དང་ཞིང་ཆེན་ཏང་ཨུའི་དཔལ་འབྱོར་ལས་དོན་ཚོགས་འདུའི་སྙིང་དོན་ལག་ལེན་བསྟར་ནས་དངོས་ཐོག་བདེན་འཚོལ་གྱིས་དམིགས་འབེན་གཏན་འཁེལ་དང་བྱེད་ཐབས་གཏན་འབེབས་བྱས་ཏེ་རང་ཁུལ་གྱི་དོན་དངོས་དང་མཐུན་པ་རེད། ཁུལ་ཁྲིམས་ཁང་གི་ལས་ཀའི་སྙན་སེང་དང་ཁུལ་ཞིབ་དཔྱོད་ཁང་གི་ལས་ཀའི་སྙན་སེང་གིས་ཞི་ཅིན་ཕིང་གི་ཁྲིམས་སྐྱོང་དགོངས་པ་ལག་ལེན་མཐར་ཕྱིན་བསྟར་ནས་འདས་ཟིན་པའི་ལོ་གཅིག་གི“ཁྲིམས་སྐྱོང་དཀར་མཛེས”འཛུགས་སྐྱོང་གི་གྲུབ་འབྲས་དང་ཉམས་མྱོང་མངོན་པ་དང་།ད་ལོའི་ལས་ཀའི་འཆར་འགོད་ལག་ལེན་དུ་འཁྱོལ་ཐུབ་ངེས་ཡིན་པ་རེད། ཁོང་གིས་མི་དམངས་འཐུས་ཚོགས་ཀྱི་འཐུས་མི་ཚོས་ད་ཐེངས་ཀྱི་ཁུལ་མི་དམངས་འཐུས་མིའི་ཚོགས་ཆེན་གྱི་སྙིང་དོན་སློབ་སྦྱོང་དང་དྲིལ་བསྒྲགས་བྱེད་པར་སྣེ་ཁྲིད་རྒྱུ་དང་། འགན་འཁྲི་ནན་གྱིས་བསྒྲུབས་ནས་ཚོགས་འདུའི་བཀོད་སྒྲིག་དོན་འཁྱོལ་བྱེད་པར་ལྟ་སྐུལ་དང་སྐུལ་འདེད་གཏོང་རྒྱུའི་རེ་བ་བཏོན་པ་རེད།

ཧྲུའུ་ཏ་ཁྲུན་གྱིས་ཁུལ་སྲིད་གཞུང་གི་ལས་དོན་སྙན་སེང་ནང“རྟའུ་ཡི་གྲུབ་འབྲས”དང“རྟའུ་ཡི་གོ་སྐབས”ཐེངས་མང་གླེང་ཡོད་པ་དེ་ནི་ཁུལ་ཨུ་དང་ཁུལ་སྲིད་གཞུང་གིས་རྟའུ་རྫོང་གི་ན་ནིང་ལས་དོན་ལ་ཁས་ལེན་པ་ཡིན་ལ་ད་ལོའི་རྟའུ་རྫོང་གི་ལས་དོན་ཐད་བླང་བྱ་ནན་པོ་བཏོན་པ་ཞིག་ཀྱང་ཡིན། རྟའུ་རྫོང་གིས་བདམས་པའི་ཁུལ་མི་དམངས་འཐུས་ཚོགས་ཀྱི་འཐུས་མི་ཞིག་ཡིན་པའི་ཆ་ནས་ད་ཐེངས་ཀྱི་ཁུལ་ཚོགས་འདུ་གཉིས་ཀྱི་སྙིང་དོན་ལག་ལེན་མཐར་ཕྱིན་བསྟར་རྒྱུ་དང་།2025ལོའི་འཕེལ་རྒྱས་དམིགས་འབེན་དང་ལས་འགན་འཆར་འགོད་ཡག་པོ་དང་དོན་འཁྱོལ་ཡག་པོ་བྱས་ཏེ་ངེས་ཤུགས་རྒྱུན་འཁྱོངས་དང་། ཡིད་ཆེས་བརྟན་པོ།དམིགས་ཚད་གཏན་འཁེལ་དང་རྒྱུན་མཐུད་ཤུགས་འདོན་བཅས་ཀྱིས་རྣམ་པ་གསར་པར་ཧུར་བརྩོན་དང་བྱས་རྗེས་གསར་པ་འཇོག་པའི་རེ་བ་ཡོད་ཅེས་གསུངས་པ་རེད།།

（ ནོར་བུས་བསྒྱུར།）