ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་བཞི་པའི་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་པ2025ལོའི་ཟླ་བ་དང་པོའི་ཚེས3ནས5བར་ལྕགས་ཟམ་རྫོང་དུ་འཚོགས།

ཚོགས་འདུར་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བྱས་པར་མཐའ་འཁྱོངས་དང་།ཀྲུང་གུང་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྙིང་དོན་དང་ཞིང་ཆེན་ཏང་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་དྲུག་པ་དང་ཁུལ་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བརྒྱད་པའི་ཐབས་ཇུས་བཀོད་སྒྲིག་སློབ་སྦྱོང་དང་ལག་ལེན་མཐར་ཕྱིན་བསྟར་ཏེ་ཁུལ་ཡོངས་ཀྱི་ལྟེ་བའི་ཁྱོན་ཡོངས་ལ་གཞིགས་ཏེ་གྲོལ་མོལ་སྲིད་གླིང་དང་འགན་འཁྲི་གཙང་སྒྲུབ་བྱས་ནས་གྲོས་རིམ་ཁག་ལེགས་གྲུབ་བྱུང་སྟེ་གྲུབ་འབྲས་གལ་ཆེན་ཐོབ་ཡོད། ཀྲུང་གུང་དཀར་མཛེས་ཁུལ་ཨུའི་ཧྲུའུ་ཅི་ཧྲེན་དབྱང་དང་ཁུལ་ཨུའི་ཧྲུའུ་ཅི་གཞོན་པ།ཁུལ་མི་དམངས་སྲིད་གཞུང་གི་ཁུལ་དཔོན་ཧྥུང་ཧྥ་ཀུའེ་སོགས་ཁུལ་མགོ་ཁྲིད་ཚོགས་འདུར་ཞུགས་ནས་ཨུ་ཡོན་ཚོ་དང་སྤེལ་རེས་ཟབ་མོར་བྱས་ཏེ་འཕེལ་རྒྱས་སྤུས་ཚད་མཐོན་པོ་དང་། བདེ་འཇགས་ཆུ་ཚད་མཐོན་པོ་ཡོང་བའི་སྐོར་ཐུན་མོང་གྲོས་འགོ་བཏོན་པ་དང་། དམངས་འཚོ་སྤུས་ཚད་མཐོན་པོ་ཡོང་བའི་སྐོར་ཐུན་མོང་ཐོག་འཚོལ་ཞིབ་བཅས་བྱས་ཡོད། ཚོགས་འདུར་བློ་མཐུན་ལིའུ་ཙུང་ཅན་གྱིས་ཁུལ་སྲིད་གྲོས་སྐབས་བཅུ་བཞི་པའི་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་ཚབ་ཞུས་ནས་ལས་དོན་སྙན་སེང་ཞུས་པར་གྲོས་ཞིབ་ཆོག་མཆན་ཐོབ་པ་དང་།བློ་མཐུན་ཚེ་རིང་དབང་མོས་གྲོས་གཞིའི་ལས་དོན་བསྒྲུབས་ཚུལ་སྐོར་གྱི་སྙན་སེང་ཞུས་པར་གྲོས་ཞིབ་ཆོག་མཆན་ཐོབ་ཅིང་།ཁུལ་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པའི་གྲོས་གཞིར་ཞིབ་བཤེར་བྱས་ཚུལ་སྙན་སེང་ལ་གྲོས་འཆམ་བྱུང་བ་རེད།བློ་མཐུན་ཀྲང་ཐུང་རུང་ཁུལ་སྲིད་གྲོས་སྐབས་བཅུ་བཞི་པའི་ཨུ་ཡོན་ལྷན་ཁང་གི་ཀྲུའུ་ཞི་དང་བློ་མཐུན་ཞང་ཧྥུང་སྲིད་གྲོས་དཀར་མཛེས་ཁུལ་སྐབས་བཅུ་བཞི་པའི་ཨུ་ཡོན་ལྷན་ཁང་གི་རྒྱུན་ལས་ཨུ་ཡོན་ལ་འདེམས་བསྐོ་བྱས། ཨུ་ཡོན་རྣམས་དཀར་མཛེས་ཁུལ་མི་དམངས་འཐུས་ཚོགས་སྐབས་བཅུ་གསུམ་པའི་གྲོས་ཚོགས་ཐེངས་བཞི་པར་ཟུར་ཞུགས་བྱས་ནས་ཁུལ་དཔོན་ཧྥུང་ཧྥ་ཀུའེ་ཡིས་གནང་བའི་སྲིད་གཞུང་གི་ལས་དོན་སྙན་སེང་ལ་ཉན་ཞིང་གྲོས་བསྡུར་བྱས་པ་དང་།ཁུལ་འབྲིང་རིམ་མི་དམངས་ཁྲིམས་ཁང་དང་ཁུལ་མི་དམངས་ཞིབ་དཔྱོད་ཁང་གི་ལས་དོན་སྙན་སེང་སོགས་ལ་ཉན་པ་དང་གྲོས་བསྡུར་བྱས་ཏེ་མོས་མཐུན་བྱས་པ་དང་འབྲེལ་བསམ་འཆར་དང་གྲོས་འགོ་བཏོན་པ་རེད།

ཚོགས་འདུ་ལས་བསྟན་དོན།2024ལོ་ནི་ཀྲུང་གུང་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྙིང་དོན་ལག་ལེན་མཐར་ཕྱིན་བསྟར་ནས་ཧུར་བརྩོན་ཆེན་པོས་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་བྲིས་པའི་ལོ་གལ་ཆེན་ཞིག་ཡིན་པའི་ངོས་འཛིན་གནང་། འདས་ཟིན་པའི་ལོ་གཅིག་ནང་ཛ་དྲག་དང་རྙོག་འཛིང་ཆེ་བའི་གནས་བབ་དང་དཀའ་ངལ་དང་འགྲན་སློང་མང་པོའི་མདུན་དུ་ཀྲུང་གུང་དཀར་མཛེས་ཁུལ་ཨུས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་དང་སི་ཁྲོན་ལས་དོན་སྐོར་ལ་གནང་བའི་མཛུབ་སྟོན་གལ་ཆེན་རབ་དང་རིམ་པ་ལག་ལེན་མཐར་ཕྱིན་བྱས་ཏེ།ཞིང་ཆེན་ཏང་ཨུའི་ཅན་བཞི་དུས་མཉམ་དང་།གྲོང་ཡུལ་མཉམ་འབྲེལ།ཁུལ་ལྔ་མཉམ་དར་བཅས་ཀྱི་འཕེལ་རྒྱས་འཐབ་ཇུས་ལ་དམིགས་ཏེ།ཁུལ་ཨུའི་སྤྱིའི་ལས་ཀའི་བཀོད་སྒྲིག་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་བའི་དམིགས་འབེན་ལ་དམིགས་ནས་དོན་འཁྱོལ་དམ་འཛིན་བྱེད།བྱ་སྤྱོད་དངོས་ལ་ལྟ།ཕན་འབྲས་ཐོན་པར་བྱེད་ཅེས་པའི་བྱེད་སྒོ་སྤེལ་བ་དང་།ཏང་ཀྲུང་དབྱང་དང་ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་དོན་དུ་འཁྱོལ་བར་ནན་འཛིན་དང་།ཁུལ་ཡོངས་ཀྱི་སྤྱི་ཚོགས་ཁྱོན་ཡོངས་སྔར་བས་བརྟན་བརླིང་དང་།འཕེལ་རྒྱས་རྣམ་པ་སྔར་བས་ལེགས་སུ་འགྲོ་བ།སྐྱེ་ཁམས་གཞི་མདངས་སྔར་བས་མངོན་གསལ་ཆེ་བ།དམངས་འཚོ་འགན་སྲུང་སྔར་བས་བརྟན་ཏུ་ཕྱིན་པ།ཏང་འཛུགས་སྐྱོང་སྔར་བས་སྟོབས་དང་ལྡན་པ་བཅས་སྤྱི་ཚོགས་རིང་ལུགས་དེང་རབས་ཅན་གྱི་དཀར་མཛེས་ཁུལ་འཛུགས་སྐྱོང་ལ་ཐོབ་པའི་འཕེལ་རྒྱས་ཆེན་པོ་དེས་མི་རྣམས་ལ་སྐུལ་མ་ཐེབས་པ་དང་། ཡིད་ཆེས་ཀྱིས་ཁེངས་པ།ངར་ཤུགས་ལྡབ་འགྱུར་བྱུང་ཡོད།

ཚོགས་འདུ་ལས་བསྟན་དོན། ཁུལ་ཨུའི་ཧྲུའུ་ཅི་ཧྲེན་དབྱང་དཔལ་འབྱོར་བཟོ་ཚོང་མཉམ་འབྲེལ་ཚོ་ཆུང་ལ་ཞུགས་ནས་གསུང་བཤད་གནང་བ་དང་། ཀྲུང་དབྱང་དང་ཞིང་ཆེན་ཏང་ཨུའི་དཔལ་འབྱོར་ལས་དོན་ཚོགས་འདུའི་སྙིང་དོན་ཁྱོན་ཡོངས་ནས་ལག་ལེན་བསྟར་ཡོད། འདས་པའི་ལོ་གཅིག་རིང་གི་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གྲུབ་འབྲས་གལ་ཆེན་ཕྱོགས་བསྡོམས་བྱས་ཤིང་།ཁུལ་ཡོངས་ཀྱི2025ལོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱིའི་བླང་བྱ་དང་།གཙོ་གནད་ལས་འགན།

བསམ་ཕྱོགས་དང་བྱེད་ཐབས་བཅས་གསལ་སྟོན་བྱས་ཏེ།ཁུལ་ཡོངས་ཀྱི་སྲིད་གྲོས་རིམ་པ་ཁག་གི་རྩ་འཛུགས་དང་རྒྱ་ཆེའི་སྲིད་གྲོས་ཨུ་ཡོན་རྣམས་བསྒྱུར་བཅོས་སྔར་བས་གཏིང་ཟབ་ཏུ་གཏོང་བ་དང་།ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་སྤུས་ཚད་མཐོན་པོ་ཡོང་བར་ཞབས་འདེགས་ཞུ་བ། དཀར་མཛེས་ཁུལ་གྱི“ལོ་ལྔའི་འཆར་འགོད་བཅོ་ལྔ་པ”ཡི་འཆར་འགོད་བཟོ་བར་རེ་བ་ཆེན་པོ་དང་བླང་བྱ་གསལ་པོ་བཏོན་ཡོད། ཁུལ་ཨུའི་ཧྲུའུ་ཅི་ཧྲེན་དབྱང་གིས་གསུང་བཤད་ལངས་ཕྱོགས་མཐོ་ཞིང་རྒྱང་རིང་བ་དང་།ཁྱོན་ཡོངས་གཅིག་གྱུར། འབད་བརྩོན་ཡར་སྐུལ་བཅས་ཆབ་སྲིད་ཀྱི་རང་བཞིན་དང་།བསམ་བློའི་རང་བཞིན།མཛུབ་སྟོན་གྱི་རང་བཞིན་བཅས་ཧ་ཅང་ཆེན་པོ་ལྡན། 2025ལོའི་ཁུལ་ཡོངས་ཀྱི་སྲིད་གྲོས་ལས་དོན་ཡག་པོར་བསྒྲུབ་པར་ཁ་ཕྱོགས་གསལ་སྟོན་དང་།ལག་ལེན་གྱི་ཐབས་ལམ་གཏན་འཁེལ།འགན་སྒྲུབ་ཀྱི་གཙོ་གནད་བཏོན་པ་བཅས་བྱས་ཡོད། ཁུལ་ཡོངས་ཀྱི་སྲིད་གྲོས་རྩ་འཛུགས་རིམ་པ་ཁག་དང་རྒྱ་ཆེའི་སྲིད་གྲོས་ཨུ་ཡོན་ཚོས་སློབ་སྦྱོང་དང་གོ་བ་ནན་ཏན་ལོན་པར་བྱས་ཏེ་ལག་ལེན་མཐར་ཕྱིན་དང་དོན་ལ་འཁྱོལ་ཏེ་དེང་རབས་ཅན་གྱི་དཀར་མཛེས་ཁུལ་འཛུགས་སྐྱོང་གི་ལམ་བུའི་ཁྲོད་འབད་བརྩོན་དང་འགན་འཁུར་དགོས།

ཚོགས་འདུ་ལས་བསྟན་དོན། ལོ་གཅིག་རིང་ཁུལ་སྲིད་གྲོས་ཀྱིས་ཐོག་མཐའ་བར་གསུམ་དུ་ཀྲུང་གོ་གུང་ཁྲན་ཏང་གི་ཁྱོན་ཡོངས་ཀྱི་འགོ་ཁྲིད་མཐའ་འཁྱོངས་དང་།ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་རྒྱུན་ལྡན་ཅན་དུ་སློབ་སྦྱོང་དང་ལག་ལེན་བསྟར་ཏེ།“གྲོས་གཞི་དང་པོའི”ལམ་ལུགས་ནན་ཏན་དོན་ལ་འཁྱོལ་ཏེ།　 སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གསར་ཤོས་དང་།མིང་རྟགས་བཀོད་པའི་རྩོམ་རིག། གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་དྲིལ་བསྒྲགས་ལག་ལེན་མཐར་ཕྱིན་བསྟར་དགོས། ཁུལ་ཡོངས་ཀྱི་སྲིད་གྲོས་རྩ་འཛུགས་རིམ་པ་ཁག་དང་།ཞུགས་མཁན་སྡེ་ཚན་ཁག།རྒྱ་ཆེའི་སྲིད་གྲོས་ཨུ་ཡོན།མི་རིགས་ཁག་དང་ལས་རིགས་ཁག་གི་མི་སྣ་བཅས་ཀྱིས“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་སྔར་བས་ཤེས་རྟོགས་ཟབ་མོར་བྱས་ཏེ།“འདུ་ཤེས་བཞི”ཇེ་དྲག་དང་།“ཡིད་ཆེས་བཞི”བརྟན་པོ་སྲུང་བ།“སྲུང་སྐྱོང་གཉིས”ལེགས་པོར་སྒྲུབ་པ་བཅས་བྱ་དགོས། བློ་འགུགས་བླ་སྐྱོང་ལ“ཆབ་སྲིད་སྐྱོང་བ”དང་།ཁྱོན་ཡོངས་ཞབས་ཞུར “འགན་འཁྲི་འཁུར་བ”། མི་སེམས་གཅིག་སྒྲིལ་ལ“མཐུན་སྒྲིལ་བྱེད་པ”།མང་ཚོགས་ཞབས་ཞུར“དམིགས་ཡུལ་འཛིན་པ།” དུས་བསྟུན་མདུན་སྐྱོད་ལ“གསར་གཏོད་བྱེད་པ”། དཔུང་ཁག་སྟོབས་ལྡན་འཛུགས་པར“དམ་ནན་བྱེད་པ”མཐའ་འཁྱོངས་ཏེ།དེང་རབས་ཅན་གྱི་དཀར་མཛེས་ཁུལ་འཛུགས་སྐྱོང་བྱེད་པར་ལེགས་སྐྱེས་གལ་ཆེན་ཕུལ་ཡོད། ཀྲུང་གུང་དཀར་མཛེས་ཁུལ་ཨུས་ཁུལ་སྲིད་གྲོས་ཀྱི“ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ལག་ལེན་ལ་སེམས་གཅིག་བློ་གཅིག་གིས་སྐུལ་བ”ཡི་ཆེད་དོན་བྱ་སྤྱོད་དང་།“ངས་འཕེལ་རྒྱས་སྤུས་ཚད་མཐོན་པོ་ཡོང་བར་ཐབས་ཇུས་འབུལ་བ”ཡི་བྱེད་སྒོ་དང“དོན་དག་ཡོད་ན་གྲོས་མོལ་བྱེད”སོགས་ཀྱི་ལས་དོན་ལ་ཚད་མཐོའི་གདེང་འཇོག་བྱས་པ་དང་།མི་དམངས་སྲིད་གྲོས་ཀྱི་ཆེད་དོན་གྲོས་མོལ་སྒྲིག་གཞིའི་ནུས་པ་འདོན་སྤེལ་གང་ལེགས་བྱས་ཤིང་། བརྒྱུད་རིམ་ཧྲིལ་པོའི་མི་དམངས་དམངས་གཙོས་དཀར་མཛེས་ཁུལ་དུ་ལག་ལེན་ནུས་ལྡན་བྱས་ཡོད།

གྲོས་ཚོགས་སུ་བསྟན་དོན། 2025ལོ་ནི་བསྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བར་བསྐུལ་བའི་ལོ་གལ་ཆེན་ཞིག་དང་། “ལོ་ལྔའི་འཆར་འགོད་བཅུ་བཞི་པ”ལག་ལེན་བསྟར་བའི་མཇུག་བསྡུའི་ལོ་དང་།དེང་རབས་ཅན་གྱི་དཀར་མཛེས་ཁུལ་འཛུགས་སྐྱོང་བྱེད་པའི་འབད་འབུངས་ཡར་བརྩོན་གྱི་ལོ་ཞིག་ཀྱང་ཡིན། ཁུལ་ཡོངས་ཀྱི་སྲིད་གྲོས་རྩ་འཛུགས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ཁྲིད་སྟོན་དུ་བྱས་ཤིང་། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་སྙིང་དོན་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིད་གྲོས་ཀྱི་ལས་དོན་ལ་ཤུགས་སྣོན་དང་ལེགས་བཅོས་བྱ་རྒྱུའི་སྐོར་གྱི་དགོངས་པ་གལ་ཆེན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སི་ཁྲོན་ལས་དོན་ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་ལེན་མཐར་ཕྱིན་བསྟར་བ།ཞིང་ཆེན་ཏང་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་དྲུག་པའི་ཐབས་ཇུས་སྲིད་གཅོད་གལ་ཆེན་དང་ཁུལ་ཨུའི་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བརྒྱད་པའི་བཀོད་སྒྲིག་གལ་ཆེན་ཁྱོན་ཡོངས་ནས་དོན་ལ་འཁྱོལ་བ་དང་། ཁུལ་ཨུའི་སྤྱིའི་ལས་དོན་བཀོད་སྒྲིག་ལ་དམ་པོར་དམིགས་ནས་དམངས་གཙོ་དར་སྤེལ་དང་མཐུན་སྒྲིལ་ཟབ་གཏོང་། ཐབས་འདོན་ཇུས་འདོན། ཐུན་མོང་ངོས་འཛིན་བཅས་ཕྱོགས་གཉིས་ཀྱི་སྟོབས་ཤུགས་རྒྱུན་འཁྱོངས་ཏེ། ཆེད་དོན་གྲོས་མོལ་ལས་ཁུངས་ཀྱི་ནུས་པ་སྔར་ལས་ལྷག་པར་འདོན་པ་དང་།དོན་ལ་གནས་པའི་གྲོས་འགོ་མང་པོ་འདོན་པ་དང་རྣམ་དཔྱོད་ལྡན་པའི་ཐབས་ཇུས་མང་པོ་འདོན་པ། དམངས་ལ་ཕན་ཐོགས་པའི་བྱ་བ་མང་པོ་སྒྲུབ་པ། མཐུན་སྒྲིལ་གྱི་སྟོབས་ཤུགས་མང་པོ་བསྡུ་བ་བཅས་བྱས་ཏེ། རང་ཁུལ་གྱི་འཕེལ་རྒྱས་སྤུས་ཚད་མཐོན་པོ་དང་ཆུ་ཚད་མཐོ་བའི་བདེ་འཇགས་ལ་སྟོབས་ཤུགས་དང་བྱས་རྗེས་འབུལ་དགོས།

གྲོས་ཚོགས་སུ་ནན་སྟོན་གནང་དོན། ཁུལ་ཡོངས་ཀྱི་སྲིད་གྲོས་རྩ་འཛུགས་རིམ་པ་ཁག་དང་རྒྱ་ཆེ་བའི་སྲིད་གྲོས་ཨུ་ཡོན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་བཙུགས་ནས་ལོ་ངོ75འཁོར་བར་རྟེན་འབྲེལ་ཞུ་བའི་ཚོགས་ཆེན་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་ལག་ལེན་མཐར་ཕྱིན་བསྟར་བ་དང་། མཐུན་སྒྲིལ་དང་དམངས་གཙོའི་གཙོ་དོན་ཆེན་པོ་གཉིས་རྒྱུན་འཁྱོངས་ཤིང་། ཆབ་སྲིད་ཀྱི་ཚུགས་གནས་སྤར་བ་དང་། ཐོག་མའི་བསམ་འདུན་བརྟན་པོར་འཛིན་པ། ངེས་ཤུགས་ཆེ་རུ་བཏང་ནས་ལྷག་བསམ་བསྲུང་དགོས། ལས་དོན་གཙོ་བོ་དང་སྤྱི་ཡོངས་ལ་དམིགས་ཏེ་འཕེལ་རྒྱས་ཀྱི་དགོས་མཁོར་ཞབས་འདེགས་ཞུ་བ་དང་། རིག་སྟོབས་སྤེལ་ཞིང་འགན་འཁུར་དགོས། དམངས་ལ་བཅངས་པའི་བརྩེ་སེམས་ཆེ་རུ་གཏོང་ཞིང་། དམངས་ཀྱི་ཆེད་དུ་འགན་འཁྲི་སྒྲུབ་ཅིང་ལག་ལེག་བསྟར་བ་དང་། ཤུགས་ཡོད་རྒུས་བདེ་རྩ་དོན་དུ་གཉེར་དགོས། འཐབ་ཕྱོགས་གཅིག་གྱུར་གྱི་ནུས་པ་འདོན་སྤེལ་བྱེད་ཅིང་། སེམས་མཐུན་འཁོར་རྒྱ་བསྐྱེད་པ་དང་། མཉམ་ཤུགས་བསྒྲིལ་ཏེ་མཐུན་སྒྲིལ་ཡོང་བར་བྱ་དགོས། ཐོག་མཐའ་བར་གསུམ་དུ་ལས་འགན་སྒྲུབ་པའི་སྤུས་ཚད་དང་ཕན་འབྲས་ཆེ་རུ་གཏོང་རྒྱུར་མཐོང་ཆེན་བྱས་ཏེ། ལས་དོན་གཙོ་བོ་དང་སྤྱི་ཡོངས་ལ་བྱས་རྗེས་འབུལ་ཚད་རྒྱུན་ཆད་མེད་པར་མཐོ་རུ་གཏང་དགོས། རྒྱ་ཆེ་བའི་སྲིད་གྲོས་ཨུ་ཡོན་རྣམས་ཀྱིས“སྲིད་གྲོས་ཤེས་པ་དང་གྲོས་མོལ་མཁས་པ།སྲིད་གླེང་འཇོན་པ། སྒྲིག་ཁྲིམས་སྲུང་བ།སྲོལ་བཟང་དར་སྤེལ།སྤྱོད་ལམ་མཐོང་ཆེན”བཅས་བྱས་ཏེ། ཨུ་ཡོན་གྱི་གཟི་བརྗིད་དང་ཐོབ་ཐང་གཙིགས་སུ་འཛིན་ནས་སྲིད་ཞུགས་སྲིད་གླེང་སྔོན་ཐོན་དང་དམངས་གཙོ་ལྟ་སྐུལ་རྐང་འཛིན་པ།མང་ཚོགས་དང་འབྲེལ་བའི་ཟམ་ཆེན་དང་། སྒྲིག་ཁྲིམས་བརྩི་སྲུང་གི་དཔེ་བཟང་བཅས་བརྩོན་ལེན་བྱ་དགོས།

ཚོགས་འདུར་ཁུལ་ཡོངས་ཀྱི་སྲིད་གྲོས་རྩ་འཛུགས་རིམ་པ་ཁག་དང་རྒྱ་ཆེ་བའི་སྲིད་གྲོས་ཨུ་ཡོན་རྣམས་ཀྱིས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཀྲུང་གུང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་བས་དམ་ཟབ་བྱེད་ཅིང་། ཀྲུང་གུང་དཀར་མཛེས་ཁུལ་ཨུའི་འགྱུར་མེད་སྟོབས་ལྡན་གྱི་འགོ་ཁྲིད་འོག་མཐུན་སྒྲིལ་རྡོག་རྩ་གཅིག་སྒྲིལ་དང་གསར་གཏོད་གསར་སྐྲུན། འབད་འབུངས་དངོས་སྒྲུབ།སྙིང་སྟོབས་ཆེར་སྐྱེད་བཅས་ཀྱིས་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་རྩོམ་ཆེད་བྱས་རྗེས་གསར་པ་སྔར་ལས་ཆེ་བ་འབུལ་དགོས།།

（ ཀུན་དགའ་དང་བདེ་ཆེན་གྱིས་བསྒྱུར།）