༄༅།། སྤྱི་ཟླ་དང་པོའི་ཚེས10ཉིན། དཀར་མཛེས་ཁུལ་དང་གཡག་རྔ་བར་གྱི་ས་ཁོངས་མཉམ་ལས་ཟབ་སྤེལ་དང་། མིང་དབྱང་ཚོགས་པ་དང་འཐབ་ཇུས་མཉམ་ལས་ཀྱི་གན་རྒྱ་བཞག་པའི་མཛད་སྒོ་གཡག་རྔ་རུ་སྤེལ། ཁུལ་ཨུའི་ཧྲུའུ་ཅི་ཧྲེན་དབྱང་དང་གཡག་རྔ་གྲོང་ཁྱེར་གྱི་ཧྲུའུ་ཅི་ཞ་ཧྥུང་ཅན་གན་རྒྱ་བཞག་པའི་མཛད་སྒོར་ཕེབས་པ་དང་འབྲེལ་ཤིས་ཚིག་ཕུལ་བ་རེད། ཧྲེན་དབྱང་དང་ཞ་ཧྥུང་ཅན་རྣམ་གཉིས་ཀྱིས་ས་ཁོངས་མཉམ་ལས་འཕེལ་ཁ་གསར་པ་མཉམ་དུ་ཇུས་འགོད་བྱས་ནས་ས་གནས་དང་ཁེ་ལས་བར་གཉིས་ཁེ་ཡོང་བའི་ཐབས་ལམ་གསར་པ་གཏོད་དགོས་ཞེས་གསུངས།།
༄༅།།ཁུལ་ཨུའི་ཧྲུའུ་ཅི་ཧྲེན་དབྱང་དང་ཁུལ་དཔོན་ཧྥུང་ཧྥ་ཀུའེ་ཡི་མངགས་བཅོལ་ལྟར། ཁུལ་ཨུའི་ཧྲུའུ་ཅི་གཞོན་པ་དང་སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀའོ་ཀྲན་གྱིས་རུ་ཁག་སྣེ་ཁྲིད་དེ་དར་མདོ་གྲོང་ཁྱེར་དུ་ལོ་སར་གྱི་འཚམས་འདྲི་བྱེད་སྒོ་སྤེལ་ནས་སྲིད་ཁྲིམས་ལས་བྱེད་པ་དང་ཉེན་རྟོག་པ།དམག་ཁོངས་ནས་ཕྱིར་འཐེན་བྱས་པའི་དམག་མི། གཟིགས་སྐྱོང་བྱ་ཡུལ་གྱི་འཐུས་མི། རིམ་པ་མཐོ་བའི་ཤེས་ལྡན་མི་སྣའི་འཐུས་མི་བཅས་ལ་འཚམས་འདྲི་བྱས་པ་དང་། ཁོང་ཚོར་ཏང་ཨུ་དང་སྲིད་གཞུང་གིས་སེམས་ཁུར་གནང་བར་མ་ཟད། ལོ་སར་གྱི་སྨོན་འདུན་ཞུས་པ་རེད།།