སྤྱི་ཟླ་དང་པོའི་ཚེས13ཉིན་གྱི་སྔ་དྲོར།སི་ཁྲོན་ཞིང་ཆེན་ཏང་ཨུ་དྲིལ་བསྒྲགས་པུའུ་དང་སི་ཁྲོན་ཞིང་ཆེན་ཏང་ཨུ་དྲྭ་འཕྲིན་གཞུང་དོན་ཁང་སོགས་ཞིང་ཆེན་ཐད་གཏོགས་ལས་ཁུངས་ཀྱིས་མཉམ་དུ་གཉེར་བའི“རྒྱང་སྐྱོད་ལམ་བུ་ནས་སི་ཁྲོན་ལ་ལྟ”ཞེས་པའི་དྲིལ་བསྒྲགས་སློབ་གསོའི་བྱེད་སྒོ་ཆེ་གྲས་ཀྱི་དམག་སྐྱོད་མཛད་སྒོ་ལུའུ་ཀྲོའུ་གྲོང་ཁྱེར་ཀུའུ་ལིན་རྫོང་ཐའེ་ཕིང་གྲོང་རྡལ་ཀྲུང་གོ་བཟོ་ཞིང་དམར་དམག་གིས་ཁྲི་ཧྲུའེ་ཐེངས་བཞི་བརྒལ་པའི་ཐའེ་ཕིང་གྲུ་ཁ་འགྲེམས་སྟོན་ཁང་གི་ཐང་ཆེན་དུ་སྤེལ་བ་རེད།

བྱེད་སྒོའི་ནང་འཕྲིན་སྦྱོར་གསར་འགོད་པ་དང་ཆེད་རམས་པ་དང་མཁས་དབང་།གཞོན་ནུ་ལོ་ཆུང་སློབ་མ།རིག་རྩལ་ལས་དོན་པ།དང་བླངས་པའི་འཐུས་མི་བཅས110ལྷག་གདན་དྲངས་ནས“དཔུང་ཁག་ལྔ”སྒྲིག་འཛུགས་བྱས་ནས་ཉིན་བཞིའི་ནང“འོད་སྟོང་འཕྲོ་བའི་ལོ་རྒྱུས་བློ་ལ་བརྟན་པོར་ངེས་པ”དང“འོད་སྟོང་འཕྲོ་བའི་འགྱུར་ལྡོག་ཆེན་པོ་ཟིན་ཐོར་འགོད་པ།”“རྒྱང་སྐྱོད་ཀྱི་སྙིང་སྟོབས་དར་སྤེལ་གཏོང་བ།”“གསར་བརྗེའི་གཞི་རྒྱུ་རྒྱུན་འཛིན་བྱེད་པ།”“ཐོག་མའི་བསམ་འདུན་དང་འགན་འཁྲི་བརྗེད་མི་རུང”སོགས་གཙོ་དོན་བྱས་ཏེ། ཉམས་ལེན་དང་ཕན་ཚུན་སྤེལ་རེས་བྱེད་སྟངས་ལ་བརྟེན་ནས་སི་ཁྲོན་དུ་དམར་དམག་རྒྱང་སྐྱོད་བྱེད་པའི་གཡུལ་འགྱེད་གལ་ཆེན་དང་ཚོགས་འདུ་གལ་ཆེན།སེམས་འགུལ་ཐེབས་པའི་གཏམ་རྒྱུད་སོགས་ལ་དམིགས་ནས། གསར་བརྗེའི་གཏམ་རྒྱུད་སྒྲོག་འགྲེལ་དང་།གཙོ་དོན་བཅར་འདྲི་བཅས་ཀྱི་བྱེད་སྒོ་སྤེལ་ནས་རྒྱང་སྐྱོད་སྙིང་སྟོབས་དེ་སི་ཁྲོན་དུ་རྒྱུན་འཛིན་དང་འཕེལ་རྒྱས་བྱུང་བ་གསོན་ཉམས་ལྡན་པའི་ངང་མངོན་པར་བྱས་ཡོད།

དམག་སྐྱོད་མཛད་སྒོའི་ཐོག་ཞིང་ཆེན་རིག་གནས་དང་ཡུལ་སྐོར་ཐིང་གིས་གསར་བརྗེའི་ཡུལ་སྐོར་སྤུས་ལེགས་ལམ་ཐིག་དང་གསར་བརྗེ་ཞིབ་འཇུག་སློབ་སྦྱོང་སྤུས་ལེགས་ལམ་ཐིག་ཁྱབ་བསྒྲགས་བྱས་པ་རེད། དཀར་མཛེས་ཁུལ་ནི་དམར་དམག་རྒྱང་སྐྱོད་ལོ་རྒྱུས་ཐོག་གི་འཐབ་ཇུས་ཀྱི་ཁ་ཕྱོགས་སྒྱུར་ཡུལ་གལ་ཆེན་དང་གསར་བརྗེའི་བསམ་བློ་ཁྱབ་སྤེལ་གྱི་གནས་ཡུལ།མི་རིགས་མཐུན་སྒྲིལ་གྱི་དཔེ་སྟོན་ས་ཁོངས།རྒྱང་སྐྱོད་རིག་གནས་རྒྱུན་འཛིན་གྱི་བང་མཛོད་བཅས་ཡིན་པའི་ངོས་ནས་ད་ཐེངས་ཁྱབ་བསྒྲགས་བྱས་པའི་སྤུས་ལེགས་ལམ་ཐིག་ཚང་མ་དཀར་མཛེས་ཁུལ་དང་འབྲེལ་བ་ཡོད་པ་རེད།།

（ ལྷ་འཛོམས་ཀྱིས་བསྒྱུར།）