ད་ལོ།
ཆེས་སྤྱིར་བཏང་མ་ཡིན་པའི་
མདོ་དབུས་གཉིས་འཇམ་འཇགས་གེར།
བདེ་ཞིང་སྐྱིད་པར་གནས་འདུག་ཡོད་བསམས་སོང་།
ཁོར་ཡུག་རེ་རེ་ནས་བྱ་གཞག་གང་ཞིག།
སྒྲུབ་བཞིན་སྒྲུབ་བཞིན་བསྒྲུབ་མ་ཚར་བར།
མགོ་ལ་ཆག་སྒོ་ལྷུང་བ་འདི་ཡང་།
ཁྱེད་ཅག་དང་འུ་ཅག་གིས།
ནམ་ཡང་དང་ལེན་བྱེད་དཀའ་བའི་
ལས་ཀའི་གོམས་གཤིས་ཤིག།
མྱུར་མྱུར་ངང་མི་རྟག་པའི་གསལ་འདེབས་བྱེད་པ་འདྲ།
དགུན་རླུང་གི་ངར་ཁ་བཙན་པོའི་ཁྲོད།
འདི་ལྟར་ཚེ་སྲོག་གི་དབུགས་རྒྱུན་ཞིག་འགག་པར་སྒྲོག།
མཐོ་སྒང་གི་མཚན་མོའི་སྨག་རུམ་ནས།
གྲང་ཟུག་གི་ཤུར་སྒྲའི་སེམས་པ་ཡང་ཡང་གཙེས།
དིང་རི། དིང་རི་རྫོང་།
ཁྱེད་ཅག་དབུས་གཙང་ནས་སྐྱེས་ཤིང་།
སླར་ཡང་དབུས་གཙང་ལ་ཐིམ་པར་སྐྱོ་སྣང་མེད་པར།
སྔ་བཞུད་གནང་བའི་སྐྱེ་འགྲོ་རྣམས་ཕངས་སེམས་
ཚད་མེད་བྱུང་།
ད་ནི།
ཁྱེད་ཅག་དགའ་བའི་དབུས་གཙང་དང་།
ཁྱེད་ཅག་འཁྲེང་བའི་ཤུལ་བཞག་གི་ཡོད་ཚད།
ཁྱེད་ཅག་གི་བསམ་པའི་སྨོན་པ་བཞིན།
བདེ་ཞིང་སྐྱིད་པའི་སྨོན་ལམ་འདེབས།
༼ རྒྱ་ཚང་སྨོན་ལམ། ༽