ཁེར་བུར་འཚོ་དུས།
དྲན་ངོགས་ན་སྐར་མ་བཞིན་འཚེར་བ་ནི།
བྱིས་དུས་དང་ལང་ཚོ་ཡིན་པས།
དྲན་སླ་བ་དང་དྲན་འདོད་པ་དག་ཡིན་ནོ།
ན་སོན་པ་ནི་ཐོབ་ཤོར་གཉིས་ཀྱིས་གྲུབ་པ་ཞིག་སྟེ།
མང་པོ་མང་པོ་ཞིག་རང་ཡིད་ཚིམ་པ་ཞིག་ཐོབ་ཡོང་ལ།
འགའ་ཞིག་ཁྱོད་དང་རིང་ནས་གྱེས་ཏེ་བོར་འགྲོ་བ་ཡིན།
ལང་ཚོ་དར་ལ་སྨིན་པའི་དུས་དེར།
སེམས་པའི་གཏིང་རུམ་ན།
བག་ཆགས་སྟུག་པོའི་ཆུ་ཐིགས་འཁྱིལ།
ལང་ཚོ་ཡོལ་ཟིན་དུས།
ཆུ་ཐིགས་རེ་རེས་དྲན་གདུང་གི་མེ་ཏོག་གསོ་ཡོང་།
དྲན་གདུང་གི་གླུ་སྐད་རེ་དང་།
དུང་བརྗོད་ཀྱི་སྙན་ངག་རེ་རེ་ནི།
ཕྱིར་དྲན་ཀློང་གི་ཉེ་བའི་མིས་སྦྲུམ་པས།
ངས་འཇིག་རྟེན་གྱི་གྲུ་ག་གཞན་ཞིག་ན་རྟག་ཏུ་འཚོལ་བཞིན་པ་ནི
ཁྱོད་དང་ཁྱོད་ཀྱི་གྲིབ་མ་དེ་ཡིན་ནོ།