པེ་ཅིང་ནས་སྤྱི་ཟླ2ཚེས10ཉིན་གློག་འཕྲིན་འབྱོར་གསལ། གསར་འགོད་པས་བཟོ་ལས་དང་ཆ་འཕྲིན་ཅན་པུའུ་ནས་ཤེས་རྟོགས་བྱས་པར་གཞིགས་ན། མིག་སྔའི་བར། རྒྱལ་ཡོངས་སུ་རྨང་གཞིའི་རིམ་པའི་རིག་ནུས་བཟོ་གྲྭ་ཁྲི3ལྷག་ཙམ་དང་། སྔོན་ཐོན་རིམ་པའི་རིག་ནུས་བཟོ་གྲྭ1200ལྷག་ཙམ། ཕུལ་བྱུང་རིམ་པའི་རིག་ནུས་བཟོ་གྲྭ230ལྷག་ཙམ་བཅས་བསྐྲུན་ནས་རིག་ནུས་བཟོ་གྲྭའི་རིམ་པ་སྐྱེད་སྲིང་བྱ་སྤྱོད་ལ་ཕན་འབྲས་རགས་ཙམ་ཐོན་ཡོད།

བསྡོམས་རྩིས་བརྒྱབ་པ་ལྟར་ན། ཕུལ་བྱུང་རིམ་པའི་རིག་ནུས་བཟོ་གྲྭ་དེ་དག་ཞིང་ཆེན31ཏུ་ཁྱབ་ཡོད་པ་དང་། ཁེབས་ཚད་བཟོ་སྐྲུན་ལས་རིགས་ཀྱི་རིགས་ཆེ་གྲས་བརྒྱ་ཆ80ལྷག་ཙམ་ལ་ཁྱབ་ཡོད། ཁྱོན་བསྡོམས་རིག་ནུས་མཛོད་ཉར་དང་། དྲ་ཐོག་རིག་ནུས་ཞིབ་དཔྱད། ཐོན་རྫས་གྲངས་འཛིན་ཅན་གྱི་ཞིབ་འཇུག་གསར་སྤེལ་དང་ཇུས་འགོད། རིག་ནུས་ཐོན་སྐྱེད་སྙོམས་སྒྲིག་བཀོད་གཏོང་། སྤུས་ཚད་ཁུངས་འདེད་དང་དབྱེ་ཞིབ་ལེགས་བཅོས་སོགས་ཕུལ་བྱུང་ལས་རྣམ2000ཙམ་བཏོད་ཡོད། བཟོ་གྲྭའི་ཐོན་རྫས་ཞིབ་འཇུག་གསར་སྤེལ་དུས་འཁོར་གྱི་ཆ་སྙོམས་བརྒྱ་ཆ28.4ཐུང་དུ་ཕྱིན་པ་དང་། ཐོན་སྐྱེད་ལས་ཕྱོད་ཆ་སྙོམས་བརྒྱ་ཆ22.3མཐོ་རུ་ཕྱིན་པ། （པར་ངོས་གཉིས་པར་གཟིགས།）