སྤྱི་ཟླ2ཚེས12ཉིན་ནི་ལོ་སར་གྱི་ཚེས་བཅོ་ལྔ་ཡིན་ལ་དཔྱིད་གསར་དུས་ཆེན་དང་བོད་ལོ་སར་གྱི་གུང་གསེང་མཇུག་འགྲིལ་རྗེས་ལས་ཞུགས་ཀྱི་ཉིན་དང་པོ་ཡིན་པས།ཁུལ་ཨུའི་ཧྲུའུ་ཅི་ཧྲེན་དབྱང་གིས་ཁུལ་ཐད་གཏོགས་འབྲེལ་ཡོད་སྡེ་ཚན་ལ་འཚམས་འདྲི་དང་བརྟག་དཔྱད་གནང་ནས་ལས་བྱེད་དང་ལས་བཟོ་པར་དུས་ཆེན་གྱི་འཚམས་འདྲི་ཞུས་པ་དང་། ཁོ་ཚོས་འདས་ཟིན་པའི་ལོ་གཅིག་རིང་དཀའ་སྤྱད་འབད་བརྩོན་བྱས་པར་ཐུགས་རྗེ་ཆེ་ཞུ་རྒྱུ་དང་། ལོ་གསར་པའི་ནང་ཚང་མས་མུ་མཐུད་དེ་འབད་བརྩོན་ལྷོད་མེད་དང་གོ་སྐབས་དམ་འཛིན་བྱས་ནས་ལེགས་སྤེལ་ཞན་གསབ་བྱ་རྒྱུ་དང་།བྱ་གཞག་ཁག་སྒྲུབ་པའི་མྱུར་ཚད་མགྱོགས་སུ་གཏོང་བ་དང་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་བཏང་སྟེ། ཁུལ་ཡོངས་ཀྱི་ཡུན་རིང་བརྟན་བརླིང་དང་དཔལ་འབྱོར་དང་སྤྱི་ཚོགས་འཕེལ་རྒྱས་སྤུས་ཚད་མཐོན་པོ་ཡོང་བར་ལེགས་སྐྱེས་སྔར་ལས་ཆེ་བ་འབུལ་རྒྱུ་དང་འགན་འཁྲི་སྔར་ལས་ཆེ་བ་མངོན་པར་བྱ་དགོས་ཞེས་ནན་གསུང་གནང་བ་རེད།།