སྤྱི་ཟླ་དང་པོའི་ཚེས29ཉིན་ནས་སྤྱི་ཟླ2པའི་ཚེས1ཉིན་བར་ཁུལ་ཨུའི་ཧྲུའུ་ཅི་ཧྲེན་དབྱང་ལྕགས་ཟམ་དང་དུང་དཀར་ལུང་པ་སོགས་སུ་གུང་གསེང་རིང་ཡུལ་སྐོར་དང་ཉེན་མེད་ཐོན་སྐྱེད་སོགས་ཀྱི་ལས་དོན་ལ་བརྟག་དཔྱད་ཞིབ་འཇུག་དང་ལྟ་སྐུལ་མཛུབ་ཁྲིད་གནང་བ་དང་གཞི་རིམ་ཏང་མི་དང་ལས་གནས་དང་པོའི་ལས་བྱེད་མང་ཚོགས་ལ་འཚམས་འདྲི་གནང་བར་མ་ཟད།ཚང་མར་ལོ་སར་གྱི་བཀྲ་ཤིས་སྨོན་འདུན་ཞུས་པ་རེད། ཁོང་གིས་དུས་ཆེན་རིང་གི་ལས་དོན་ཁག་གཅིག་གྱུར་འཆར་འགོད་བྱས་ནས་སྤྱི་ཚོགས་བརྟན་བརླིང་གོ་རིམ་ལྡན་པའི་ངང་འགན་ལེན་ཐུབ་པ་དང་།ནུས་ཤུགས་ཡོད་རྒུས་ཁུལ་ཡོངས་ཀྱི་མི་རིགས་ཁག་གི་མི་དམངས་ཚོས་སྤྲོ་སྐྱིད་བག་འཕེལ་དང་བདེ་ཐང་འཆམ་མཐུན་གྱི་དཔྱིད་གསར་དུས་ཆེན་ལ་རོལ་ཐུབ་པའི་འགན་ལེན་བྱ་དགོས་ཞེས་ནན་གསུང་གནང་བ་རེད། ལོ་སར་གྱི་ཉིན་དང་པོར། དུང་དཀར་ལུང་པའི་ལྗོངས་ཁུལ་དུ་ཡུལ་སྐོར་བའི་གྲངས་འབོར་དུས་མཚུངས་ལས་འཕར་ཡོད། ཧྲེན་དབྱང་སྔ་རྗེས་སུ་ཡུལ་སྐོར་ལྗོངས་ཁུལ་གྱི་ཡུལ་སྐོར་ལྟེ་གནས་དང་།སྒར་ས་ཨང་གཉིས་པའི་ཆུ་ཚན་སྤྲོ་གསེང་མགྲོན་ཁང་།སྒར་ས་ཨང་བཞི་པ་སོགས་སུ་ཕེབས་ཏེ་ཡུལ་སྐོར་ལྗོངས་ཁུལ་གྱི་ཡུལ་སྐོར་བའི་གྲངས་ཚད་དང་རིག་གནས་ཡུལ་སྐོར་བྱེད་སྒོ་བཀོད་སྒྲིག་སོགས་ཀྱི་གནས་ཚུལ་ལ་ཆ་རྒྱུས་བླངས་ཤིང་། ཁོང་གིས་བསྟན་དོན།ཡུལ་སྐོར་ཞབས་ཞུའི་འགན་ལེན་ཡག་པོ་བྱ་རྒྱུ་ནི་དཀར་མཛེས་ཁུལ་གྱི་རྒྱལ་སྤྱིའི་སྐྱེ་ཁམས་རིག་གནས་ཡུལ་སྐོར་དམིགས་ས་གཏོད་པའི་ནང་དོན་གལ་ཆེན་ཞིག་ཡིན་ལ། མཛེས་སྡུག་ལྡན་པའི་དཀར་མཛེས་ཁུལ་གྱི་གཟུགས་བརྙན་བཟང་པོ་མངོན་པའི་སྒེའུ་ཁུང་གལ་ཆེན་ཞིག་ཀྱང་ཡིན། ཁུལ་ཡོངས་ཀྱི་ས་གནས་ཁག་གི་ལྗོངས་ཁུལ་སོ་སོས་ཡུལ་སྐོར་བའི་ཉེན་མེད་བདེ་ཐང་དང་ཡུལ་སྐོར་ཉམས་ལེན་བྱ་རྒྱུ་དེ་ཨང་དང་པོར་བརྩིས་ནས་ཉེན་མེད་འགན་སྲུང་བྱེད་ཐབས་ཁག་དོན་འཁྱོལ་ནན་པོ་དང་། མངོན་མེད་རྐྱེན་ངན་ཞིབ་བཤེར་བཅོས་སྐྱོང་ལ་ཤུགས་བསྣན་ཏེ་བློ་བདེ་ཞིང་སྤྲོ་སྐྱིད་བག་འཕེལ་གྱི་ཡུལ་སྐོར་ཁོར་ཡུག་ཅིག་བསྐྲུན་དགོས། ཧྲེན་དབྱང་གིས“9·5”ལྕགས་ཟམ་ཁའི་ས་འགུལ་གྱི་གནོད་རྗེས་བསྐྱར་སྐྲུན་ལས་དོན་ལ་ཐུགས་ཁུར་ཆེན་པོ་གནང་ཞིང་། སྔ་རྗེས་སུ་འབོ་ཞབས་གྲོང་རྡལ་རི་འཐག་ཕུ་གྲོང་ཚོའི་འབྲི་ཏ་འདེབས་འཛུགས་རྟེན་གཞི་དང་དུང་དཀར་ལུང་པའི་གངས་འཁྱགས་ཆུ་ལས་སྤྱི་གཉེར་ཁང་སོགས་དང་ལྕགས་ཟམ་རྫོང་སྡེ་དབུས་གྲོང་རྡལ་གཅིག་བསྡུས་བཀོད་སྒྲིག་བྱ་ཡུལ་སོགས་སུ་ཕེབས་ནས་ཡུལ་དེ་གའི་ཐོན་ལས་འཕེལ་རྒྱས་དང་རྨང་གཞིའི་སྒྲིག་བཀོད་འཐུས་ཚང་དུ་གཏོང་བ།（པར་ངོས་གཉིས་པར་གཟིགས།）