སྤྱི་ཟླ2པའི་ཚེས11ཉིན།ཁུལ་ཡོངས་ཀྱི་ས་གཤིས་གནོད་འཚེ་འགོག་བཅོས་དང་།ནགས་རྩྭ་མེ་ཟོན་མེ་གསོད།ཉེན་མེད་ཐོན་སྐྱེད་ལས་ཀ་དང་།ཁུལ་ཉེན་མེད་ཐོན་སྐྱེད་ཨུ་ལྷན་གྱི2025ལོའི་ཁོངས་མི་ཡོངས་ཀྱི་བརྙན་ལམ་ཚོགས་འདུ་ཐེངས་དང་པོ་དར་མདོར་འཚོགས་ཤིང་།ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཚོགས་འདུར་ཞུགས་པར་མ་ཟད་གསུང་བཤད་གནང་བ་རེད། ཁོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དབྱི་པིན་གྲོང་ཁྱེར་ཅུན་ལན་རྫོང་གི་རི་ཉིལ་བའི་གནོད་འཚེར་གནང་བའི་མཛུབ་སྟོན་གལ་ཆེན་གྱི་དགོངས་དོན་ལ་གོ་བ་ཟབ་པོ་དང་སློབ་སྦྱོང་གཏིང་ཟབ་བྱས་ཏེ།ཞིང་ཆེན་ཏང་ཨུ་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་དང་ཞིང་ཆེན་ཡོངས་ཀྱི་ས་གཤིས་གནོད་འཚེ་འགོག་བཅོས་དང་།ནགས་རྩྭ་མེ་ཟོན་མེ་གསོད་ལས་ཀ། ཞིང་ཆེན་ཉེན་མེད་ཐོན་སྐྱེད་ཨུ་ལྷན་གྱི2025ལོའི་ཁོངས་མི་ཡོངས་ཀྱི་བརྙན་ལམ་ཚོགས་འདུ་ཐེངས་དང་པོའི་སྙིང་དོན་ཁྱོན་ཡོངས་ནས་དོན་འཁྱོལ་བྱས་ཏེ། ཉེན་ཁའི་འདུ་ཤེས་བརྟན་པོ་འཆང་བ་དང་།ཉེན་ཁའི་མངོན་མེད་རྐྱེན་ངན་ཞིབ་བཤེར་ལ་ཤུགས་རྒྱག་པ།འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་བ་བཅས་བྱས་ནས་གནོད་འཚེ་དང་དོན་རྐྱེན་ཚབས་ཆེན་འབྱུང་བར་སྔོན་འགོག་མཐའ་གཅིག་ཏུ་བྱས་ཏེ།མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་ཉེན་མེད་ཡོང་བར་འགན་ལེན་ཏན་ཏིག་བྱ་དགོས་ཞེས་ནན་གསུང་གནང་བ་རེད།

ཧྥེང་ཧྥ་ཀུའེ་ཡིས་རང་འགུལ་ངང་འགོག་ཟོན་ཏན་ཏིག་བྱ་དགོས་པ་དང་།ཆེད་ལས་པ་དང་མང་ཚོགས་མཉམ་འབྲེལ་དང་ཁོངས་མི་ཡོངས་ཞུགས་བྱས་ཏེ་ཁྱོན་ཡོངས་ནས་ཞིབ་བཤེར་ནུས་ལྡན་བྱ་དགོས། “དམངས་ཡོངས་མཉམ་ཞུགས།ཁོངས་ཡོངས་གནོད་སེལ”གྱིས་ནགས་རྩྭ་མེ་སྐྱོན་གྱི་མངོན་མེད་རྐྱེན་ངན་གཙང་སེལ་བྱས་ཏེ་ཕན་འབྲས་དངོས་ཐོན་པར་བྱ་དགོས་ཞེས་ནན་གསུང་གནང་བ་རེད།

（པར་ངོས་གཉིས་པར་གཟིགས།）