（ པར་ངོས་དང་པོར་མཐུད།)སྤུས་ཞན་ཐོན་རྫས་ཐོན་ཚད་ཆ་སྙོམས་བརྒྱ་ཆ50.2ཆག་པ། ཐཱན་འབུད་ཚད་ཆ་སྙོམས་བརྒྱ་ཆ20.4ཉུང་དུ་ཕྱིན་པ། སྤུས་འབྲས་ལེགས་གཉེར་བྱས་ནས་ཐཱན་འབུད་ཚད་ཉུང་དུ་བཏང་བའི་ཕན་འབྲས་མངོན་གསལ་དོད་པོ་བྱུང་བ་བཅས་ལས་རང་རྒྱལ་གྱི་བཟོ་སྐྲུན་ཁེ་ལས་གྲངས་འཛིན་ཅན་གྱི་ཕྱོགས་སྒྱུར་དང་རིག་ནུས་ཅན་གྱི་རིམ་སྤོར་གྱི་སྔོན་ཐོན་ཆུ་ཚད་མཚོན་གྱི་ཡོད།

རིག་ནུས་བཟོ་གྲྭ་ནི་རིག་ནུས་བཟོ་སྐྲུན་གྱི་གཞི་རྟེན་གཙོ་བོ་ཡིན་པ་དང་། དེ་ནི་བཟོ་སྐྲུན་ལས་རིགས་གྲངས་འཛིན་ཅན་གྱི་ཕྱོགས་སྒྱུར་དང་རིག་ནུས་ཅན་གྱི་རིམ་སྤོར་གྱི་གཡུལ་ས་གཙོ་བོ་ཞིག་རེད། ན་ནིང་བཟོ་ལས་དང་ཆ་འཕྲིན་ཅན་པུའུ་སོགས་སྡེ་ཚན་དྲུག་གིས་མཉམ་དུ2024ལོའི་ལོ་འཁོར་གྱི་རིག་ནུས་བཟོ་གྲྭའི་རིམ་པ་སྐྱེད་སྲིང་བྱ་སྤྱོད་སྤེལ་ནས། ཁེ་ལས་ཀྱིས་རྨང་གཞིའི་རིམ་པ་དང་། སྔོན་ཐོན་རིམ་པ། ཕུལ་བྱུང་རིམ་པ། སྣེ་ཁྲིད་རིམ་པ་བཅས་རིམ་པ་དབྱེ་ནས་རིག་ནུས་བཟོ་གྲྭ་བསྐྲུན་པར་རྒྱབ་སྐྱོར་བྱས་ཡོད། མིག་སྔར2024ལོའི་ཕུལ་བྱུང་རིམ་པའི་རིག་ནུས་བཟོ་གྲྭའི་མིང་ཐོ་དངོས་སུ་བཀྲམ་ཡོད།།

（ མི་དམངས་ཉིན་རེའི་ཚགས་པར་ནས་དྲངས།）