ཉུལ་ཉུལ་བའི་མཐར་གང་ཡང་མ་རྙེད་
པའི་མི་ཚོགས།
སོ་སོའི་མདུན་ནས་ས་ལ་འགྱེལ་
ཞིང་ཡར་ལ་ལངས།
མཁྲེགས་པོར་གྱུར་པའི་ཁོ་ཚོའི་རེ་འདབས་ནི་
རྡོ་བ་ཞིག་ལྟར།
ག་ཙམ་བྱིལ་བྱིལ་བྱས་ཀྱང་དེ་ལས་
ལྡོག་ཏེ་སྒུལ་ཙམ་ཡང་མ་ནུས།
མི་ཚེ་ནི་མངར་སྐྱུར་གྱི་རྡོ་རིང་ཞིག་དང་།
མི་ཚོགས་ནི་དེ་ལ་འཐམ་པའི་གྲོག་མ་
རྐང་ལག་ལྡན་ཙམ་ཞིག།
ཁྱེད་ཀྱིས་མཐོང་སོང་ངམ་ཁྱེད་ཀྱིས་
ཤེས་སོང་ངམ།
གཙང་པོ་ནི་ཁྱེད་དང་ཁ་ཐག་ཇེ་རིང་རེད།
ངལ་དུབ་ལ་བདེ་མོ་འཇོག་འདོད་
བཞིན་ངལ་དུབ་ཀྱིས་གླུ་བླངས།
འཁོར་བའི་བདེ་སྡུག་མིག་གིས་འཚོལ་
བཞིན་ཕ་རོལ་ལ་འཕྲིན་ཡིག་བྲིས།