རྡོག་པས་ཚེ་ཕྱེད་མ་ཐེབས་པའི།།
རྨི་ལམ་ཁྲོད་ཀྱི་དབུས་རི་དེ།།
ཚེ་འདིའི་རྒྱུད་སྐུད་ཕྲ་མོའི་སྟེང་།།
ལན་གཅིག་མཇལ་འཛོམ་བྱུང་བའི་ཚེ།།
བདག་ཡིད་པད་མའི་ཟེ་འབྲུ་ལ།།
མཛེས་པས་རྒྱགས་པ་མེད་ན་ཡང་།།
སྒྱུ་འཕྲུལ་ལས་གྲུབ་ཕོན་པོ་དེ།།
ཡིད་དབང་མགུ་བའི་གསོ་བྱེད་ཡིན།།
ཡིན་ཡང་དུབ་པའི་དབང་པོའི་ཚོགས།།
བདག་ལ་དབང་མེད་ཉག་གཅིག་སྟེ།།
ལས་སུ་བརྐོས་པའི་ཆེན་པོ་ཡིས།།
ཐམས་ཅད་རྒྱ་རུ་ཚུད་པར་བྱས།།
འོན་ཏང་དྲི་མེད་མེ་ལོང་ངོས།།
ཁྱེད་རང་ཧ་ཅང་བརྗིད་ཆགས་ཤིང་།།
སྡུ་གུ་ཞིག་གིས་བཀང་བས་ན།།
རེ་ཞིག་རེ་བ་བྱེད་པར་བྱ།།