（ པར་ངོས་དང་པོར་མཐུད།）

ཕུའུ་ཅིང་གིས་གསུངས་དོན། ཨུ་རུ་སུ་ཕྱོགས་ཀྱིས་ཀྲུང་གོའི་དབར་གྱི་འབྲེལ་བར་ཚད་མཐོའི་མཐོང་ཆེན་བྱེད་ཀྱི་ཡོད་ལ། ལོ་གསར་པར་ཀྲུང་གོ་ཕྱོགས་དང་མཐོ་རིམ་འགྲོ་འོང་རྒྱུན་འཁྱོངས་དང་དངོས་གཉེར་མཉམ་ལས་ཟབ་ཏུ་བཏང་སྟེ་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བ་དང་ཀྲུང་གོ་མི་དམངས་ཀྱི་རི་འགོག་དམག་འཁྲུག་ལ་རྒྱལ་ཁ་ཐོབ་ནས་ལོ80འཁོར་བར་མཉམ་དུ་དྲན་གསོ་ཞུ་རྒྱུའི་རེ་སྒུག་བྱེད་བཞིན་ཡོད། ཀྲུང་གོ་དང་འབྲེལ་བ་འཕེལ་རྒྱས་གཏོང་རྒྱུ་ནི་ཨུ་རུ་སུ་ཕྱོགས་ཀྱི་ཕུགས་ལ་དམིགས་པའི་འཐབ་ཇུས་ཀྱི་གདམ་ག་ཞིག་ཡིན་པ་ལས། སྐབས་བསྟུན་བྱེད་ཐབས་ཤིག་གཏན་ནས་མིན་ལ་དུས་སྐབས་གཅིག་དང་བྱ་བ་གཅིག་གི་ཤུགས་རྐྱེན་ཐེབས་མི་སྲིད་པ་དང་ཕྱི་ཕྱོགས་ཀྱི་རྒྱུ་རྐྱེན་གྱི་འགོག་རྐྱེན་ཡང་ཕོག་མི་ཐུབ། མིག་སྔའི་དུས་བབ་འོག་ཨུ་ཀྲུང་གིས་འབྲེལ་གཏུག་དམ་ཟབ་རྒྱུན་འཁྱོངས་རྒྱུ་དེ་རྒྱལ་ཁབ་གཉིས་པོའི་དུས་རབས་གསར་པའི་སྤྱི་ཡོངས་ཀྱི་འཐབ་ཇུས་མཉམ་ལས་རོགས་ཟླའི་འབྲེལ་བའི་དགོངས་དོན་དང་མཐུན་པར་མ་ཟད། རྒྱལ་སྤྱིའི་ལས་དོན་ཁྲོད་ཨུ་ཀྲུང་གིས་ནུས་པ་བརྟན་པོ་འདོན་པའི་དགེ་མཚན་ལྡན་པའི་བརྡ་རྟགས་ཀྱང་གཏོང་ཐུབ་རྒྱུ་རེད།

ཕུའུ་ཅིང་གིས་ཨུ་རུ་སུ་དང་ཨ་རིའི་དབར་འབྲེལ་གཏུག་བྱས་པའི་གནས་ཚུལ་གསར་ཤོས་དང་ཡུག་རེན་གྱི་ཉམས་ཉེན་གནད་དོན་ཐད་ཨུ་རུ་སུ་ཕྱོགས་ཀྱི་རྩ་བའི་ལངས་ཕྱོགས་ངོ་སྤྲོད་གནང་སྟེ་ཨུ་རུ་སུ་ཕྱོགས་ཀྱིས་ཨུ་རུ་སུ་དང་ཡུག་རེན་གྱི་གདོང་ཐུག་གི་འབྱུང་རྩ་མེད་པ་བཟོ་རྒྱུར་གཞོལ་ནས་རྒྱུན་མཐུད་ཆོག་པ་དང་ཡུན་རིང་གི་ཞི་བའི་ཇུས་གཞི་འཇོག་རྒྱུ་ཡིན་ཞེས་གསུངས་པ་རེད།

ཞི་ཅིན་ཕིང་གིས་ནན་གསུང་གནང་དོན། ཡུག་རེན་གྱི་ཉམས་ཉེན་ཕྱོགས་ཡོངས་ནས་ཆེ་རུ་འགྲོ་བའི་ཐོག་མའི་དུས་སུ་ངས་ཉམས་ཉེན་ཐག་གཅོད་བྱེད་པའི་ཐད“སྒྲུབ་དགོས་པ་བཞི”སོགས་གཞི་རྩའི་འདོད་ཚུལ་བཏོན་ཡོད། ན་ནིང་ཟླ་བ9པར་ཀྲུང་གོས་པར་ཙིར་དང་མཉམ་དུ་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཁག་གཅིག་དང་མཉམ་དུ་ཡུག་རེན་གྱི་ཉམས་ཉེན་གྱི“ཞི་བདེའི་མཛའ་གྲོགས”ཚོགས་ཆུང་བཙུགས་ཏེ་ཆབ་སྲིད་ལ་བརྟེན་ནས་ཉམས་ཉེན་ཐག་གཅོད་བྱ་རྒྱུར་སྐུལ་འདེད་གཏོང་ཆེད་ཁོར་ཡུག་དང་མཐུན་རྐྱེན་བསྐྲུན་ཡོད། ཀྲུང་གོ་ཕྱོགས་ཀྱིས་ཨུ་རུ་སུ་དང་འབྲེལ་ཡོད་ཕྱོགས་ཁག་གིས་ཉམས་ཉེན་སེལ་ཆེད་འབད་བརྩོན་ཧུར་ཐག་བྱེད་པ་མཐོང་འདོད་ཡོད།

ཕྱོགས་གཉིས་པོས་མུ་མཐུད་བྱ་ཐབས་སྣ་ཚོགས་སྤྱད་དེ་འབྲེལ་གཏུག་དང་མཐུན་སྦྱོར་རྒྱུན་འཁྱོངས་བྱ་རྒྱུའི་མོས་མཐུན་གནང་བ་རེད།།（ མི་དམངས་ཉིན་རེའི་ཚགས་པར་ནས་དྲངས།）