ལོ་གསར་པའི་ནང་།
མི་རྣམས་ཐམས་ཅད།
བདེ་སྐྱིད་ཀྱི་དཔལ་ལ་ཁེངས་ཤིང་།
སྔར་བཞིན་འཚོ་བ་ལ་འོད་དང་ཟེར་གྱིས་
གཡོགས་པར་སྨོན།
སྔར་བཞིན་རྣམ་པ་འདི་མཛེས་སྡུག་རབ་ཏུ་
ལྡན་པར་ཤོག།
ལོ་གསར་པའི་ནང་།
ཡོད་ཚད་ནས་ཡོད་ཚད།
ནད་ངན་པའི་དྲི་མས་མ་གོས་ཤིང་།
སེམས་ལ་སྡུག་བསྔལ་གྱི་ཁུར་པོ་རྒྱབ་ཏུ་ལུས་པར་སྨོན།
སེམས་ལ་ན་ཟུག་གི་རྨ་ཁ་ཞར་ཡང་སོས་པར་ཤོག།
ལོ་གསར་པའི་ནང་།
བདེ་སྐྱིད་དང་འཚོ་བ།
ཞི་བདེ་དང་ལྷིང་འཇགས།
ཡོད་ཚད་ཕུན་སུམ་ཚོགས་པའི་རང་བཞིན་
ཞིག་ཏུ་ཆགས་པར་ཤོག།
ཡོད་ཚད་ལྟ་ན་སྡུག་པའི་རྣམ་པ་ཞིག་ཏུ་
འགྱུར་བར་སྨོན།
༼ གཉུག་མ། ༽