ཨ་རོ།
སྤྲིན་དཀར་གྱི་སྟེང་ནས།
གཡུ་འབྲུག་སྔོ་མོ་འཁྱུག་འཁྱུག་གནང་གིན།
ལོ་གཡང་འབོད་ཀྱིན་འབོད་ཀྱིན།
ཚེ་རིང་ནད་མེད་ཀྱི་བདུད་རྩི་ཁྱེར་ནས།
ལོ་གཡང་བསུ་རུ་འགྲོ།
ཨ་རོ།
མཛེས་འཛུམ་དཔལ་གྱི་དགོད་སྒྲ་ལ་འཇུས་ནས།
སྒྱུ་རྩལ་གར་གྱིས་མེ་ཏོག་ཕབ་ཀྱིན།
གཡང་དཀར་འབྲི་མོའི་འོ་མ་མཆོད་ཀྱིན།
དཀོན་མཆོག་གསུམ་ལ།
ལོ་ཡག་འབུལ་དུ་འགྲོ།
ཨ་རོ།
ཀླུ་རྒྱལ་གཙུག་ན་རིན་ཆེན་གྱི་ཚ་མོ།
འཇོ་སྒེག་ཕྲ་རྒྱན་གྱིས་བརྒྱན་པའི་སྲས་མོ།
སྦྲུལ་མོ་འཛུམ་དཀར་མ།
མེ་ཏོག་དཀར་དམར་གྱི་གདན་ལ།
ལོ་གཡང་ཀླུ་རྒྱལ་གྱི་བང་མཛོད་ཁྱེར་ནས།
སེམས་ཕྱི་ནང་བར་གསུམ་ནས།
བསུ་མ་དང་། ལོ་གཡང་འབོད་དུ་འགྲོ།
༼ དབྱངས་ཞི་བ། ༽