༄༅།། ཉེ་ཆར། སྲིད་གྲོས་དཀར་མཛེས་ཁུལ་ལས་ཁུངས་ཀྱིས་གཙོ་དོན་ཏང་སྐྱོང་དང་བུད་མེད་འཛུགས་སྐྱོང་ཟུང་དུ་སྦྲེལ་བའི་བྱེད་སྒོ་ཕུན་སུམ་ཚོགས་པ་ཞིག་སྤེལ་བ་རེད། བྱེད་སྒོའི་གཙོ་དོན་ནི་དཔེ་ཀློག་ལ་བརྟེན་ནས་བུད་མེད་ཀྱི་གཤིས་ཉམས་སྐྱོང་ཞེས་པ་དེ་ཡིན་ཞིང་། སློབ་སྦྱོང་དང་དཔེ་ཀློག། བགོས་རོལ། འགུལ་སྐྱོད་བཅས་ཕྱོགས་མང་མཉམ་སྤེལ་གྱི་སྒོ་ནས་བུད་མེད་ཚོར་དུས་ཆེན་གྱི་རྟེན་འབྲེལ་ཞུས་པ་རེད།

༄༅།། ཉིན་བསྟུད་མའི་རིང་ལ། ཁུལ་ཨུ་སློབ་གསོ་ལས་དོན་ཨུ་ལྷན་དང་། ཁུལ་སློབ་གསོ་ལུས་རྩལ་ཅུས་ཀྱིས་སྣེ་ཁྲིད་དེ་རང་ཁུལ་སློབ་གྲྭ་ཁག་གིས་ལེ་ཧྥེང་སྙིང་སྟོབས་དར་སྤེལ་མཐར་ཕྱིན་གཏོང་བ་དང་དཔེ་བཟང་གི་སྟོབས་ཤུགས་འཛིན་པ་གཙོ་དོན་དུ་བྱས་ནས་རྒྱལ་དར་འོག་ཏུ་གཏམ་བཤད་པ་དང་གཙོ་དོན་འཛིན་ཚོགས། དཔེ་ཀློག་བགོས་རོལ། སྙན་ངག་གྱེར་འདོན། སྣང་ཚུལ་འཁྲབ་སྟོན། ལག་བྲིས་ཚགས་པར། རི་མོ་འབྲི་བ་སོགས་ལེ་ཧྥེང་ལ་སློབ་སྦྱོང་བྱེད་པའི་བྱེད་སྒོ་ཕུན་སུམ་ཚོགས་པ་སྤེལ་ཏེ་བྱ་སྤྱོད་དངོས་ཀྱི་ཐོག་ནས་དཔེ་བཟང་ལ་ཁ་མིག་ཡར་ལྟོས་དང་ལེ་ཧྥེང་གི་སྙིང་སྟོབས་བསྐྱངས་པ་རེད།

༄༅།། ཉེ་ཆར། གུང་གཞོན་ཚོགས་པ་དར་མདོ་གྲོང་ཁྱེར་ཨུ་ལྷན་གྱིས་ལེ་ཧྥེང་ལ་སློབ་སྦྱོང་བྱེད་པའི་ལང་ཚོའི་འགྲུལ་བཞུད་ཞེས་པའི་གཙོ་དོན་བྱེད་སྒོ་སྤེལ་ནས་བྱ་སྤྱོད་དངོས་ཀྱི་ཐོག་ནས་ལེ་ཧྥེང་གི་སྙིང་སྟོབས་སྐྱོང་བ་དང་ལང་ཚོའི་འགན་འཁྲི་མངོན་པ་རེད།

༄༅།། ཉེ་ཆར། ལི་ཐང་རྫོང་བསམ་པའི་དཔལ་ཡོན་གཞུང་ལས་ཁང་གིས་རྫོང་སྤྱི་ཚོགས་ལས་དོན་ཁང་དང་སྤྱི་ཁུལ6གི་དང་བླངས་པ་ལ་མཉམ་འབྲེལ་བྱས་ནས་ལི་ཐང་རྫོང་ལྟེ་གནས་རྒན་གསོ་ཁང་དུ་སོང་ནས་ལེ་ཧྥེང་ལ་སློབ་སྦྱོང་བྱེད་པ་དང་དཔལ་ཡོན་ལག་ལེན་ང་ཡིས་བྱེད་ཅེས་པའི་གཙོ་དོན་བྱེད་སྒོ་སྤེལ་ཏེ་བྱ་སྤྱོད་དངོས་ཀྱི་ཐོག་ནས་རྒན་རྒོན་ཚོར་གཅེས་སྐྱོང་བྱས་པ་རེད།

༄༅།། ད་ལོ་ནས་བཟུང་། ཁུལ་ཨུ་སློབ་གསོ་ལས་དོན་ཨུ་ལྷན་དང་ཁུལ་སློབ་གསོ་ལུས་རྩལ་ཅུས་ཀྱིས་རིག་ནུས་ལྟ་སྐུལ་དོ་དམ་དང་ཁྲིམས་སྐྱོང་སློབ་གསོ། ཕྱོགས་མང་འགོག་སྲུང་བཅས་ཀྱི་སློབ་གྲྭའི་ཉེན་མེད་སྲུང་སྟངས་གསར་པ་བཙུགས་ནས་ཁུལ་ཡོངས་ཀྱི་དགེ་སློབ་ཚོར་ཉེན་མེད་ཀྱི་སྲུང་ར་བསྐྲུན་པ་རེད།