བཀྲ་ཤིས་རྒྱལ་མཚན་གྱི་གསེར་དངུལ་ཟངས་ཆས་བཟོ་གྲྭ་ནི་བོད་ལྗོངས་གཞིས་ཀ་རྩེ་གྲོང་ཁྱེར་བསམ་འགྲུབ་རྩེ་ཆུས་སུ་གནས་ཡོད་ཅིང་། བཟོ་པ་རོགས་རེས་ཚོ་ཆུང་ནས་འཕེལ་རྒྱས་བྱུང་བའི་ལག་ཤེས་བཟོ་ལས་ཁེ་ལས་ཤིག་ཡིན། 2011ལོར་བཀྲ་ཤིས་རྒྱལ་མཚན་གྱི་གསེར་དངུལ་ཟངས་རྡུང་ལག་རྩལ་དེ་རྒྱལ་ཁབ་རིམ་པའི་གཟུགས་མེད་རིག་གནས་ཤུལ་བཞག་ཁག་གསུམ་པའི་མིང་ཐོའི་ནང་ཚུད་པ་རེད།

བཟོ་གཙོ་ལྷག་པ་ཆོས་དར་ནི་གཟུགས་མེད་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་བརྒྱུད་འཛིན་པ་ཡིན། ད་ཆ་ཁོང་གིས་བཟོ་པ་དང་དགེ་ཕྲུག18ཀྱི་སྣེ་ཁྲིད་དེ་བཟོ་གྲྭ་ལས་ཀ་ཡག་པོ་སྒྲུབ་བཞིན་ཡོད། 2024ལོར་ཆ་སྙོམས་བཟོ་པ་རེ་རེར་ཟླ་རེའི་ཡོང་འབབ་སྒོར7000ལྷག་ལ་ཟིན་པ་དང་། གཟུགས་མེད་རིག་གནས་ཤུལ་བཞག་གི་ལག་རྩལ་ལ་བརྟེན་ནས་མཉམ་དུ་ཕྱུག་པོར་གྱུར་ཡོད།

ལྷག་པ་ཆོས་དར་གྱིས་བཀྲ་ཤིས་རྒྱལ་མཚན་དེ་སྔོན་བཀྲ་ཤིས་ལྷུན་པོའི་ཆེད་སྤྱོད་བཟོ་ཁང་ནས་མང་ཚོགས་དཀྱུས་མའི་འཚོ་བའི་མཁོ་ཆས་ལས་སྣོན་བྱེད་སའི་བར་འཕེལ་རྒྱས་ལ་ཕྱིན་པ་དང་། ང་ཚོས་ཐོག་མཐའ་བར་གསུམ་དུ་ཁྲོམ་ར་དེ་བས་ཆེ་བ་འཚོལ་བཞིན་ཡོད། ད་ལྟ་ད་དུང་ཡུལ་སྐོར་དྲན་རྟེན་དངོས་རྫས་ཞིབ་འཇུག་གསར་སྤེལ་དང་བཟོ་སྐྲུན་བྱས་ནས་ཡུལ་སྐོར་བར་བོད་ལྗོངས་ནས་འཁུར་ཆོག་པའི་འབུལ་རྟེན་མཁོ་འདོན་བྱེད་བཞིན་ཡོད་ཅེས་བཤད་པ་རེད།།