国内统一刊号:CN51-0018-Z 中共甘孜州委机关报·甘孜日报社出版凝聚正能量·传播好声音






གསར་འགྱུར་གནད་བསྡུས།

༄༅།། ཉེ་ཆར། རང་ཁུལ་གྱིས་ལས་ཆོད་ཆེན་པོས་བྱ་བ་གཅིག་སྒྲུབ་ཅེས་པའི་ལས་དོན་གཟུགས་ལམ་བཀོད་གཏོང་ཚོགས་འདུ་འཚོགས་པ་རེད། ཚོགས་འདུར་ཞིང་ཆེན་ཡོངས་ཀྱི་ལས་ཆོད་ཆེན་པོས་བྱ་བ་གཅིག་སྒྲུབ་ཅེས་པའི་ལས་དོན་གཟུགས་ལམ་བཀོད་གཏོང་ཚོགས་འདུའི་སྙིང་དོན་བརྒྱུད་བསྒྲགས་དང་ཉེ་དུས་ཀྱི་སྲིད་དོན་ཞབས་ཞུའི་གཙོ་གནད་ལས་དོན་བཀོད་སྒྲིག་བྱས་པ་རེད།

༄༅།། ཉེ་ཆར། ཁུལ་བཟོ་ཚོང་མཉམ་འབྲེལ་ལྷན་ཚོགས་ཀྱི་ཁོངས་གཏོགས་ཚོང་ཚོགས་ཕྱོགས་བསྡུས་ཏང་ཨུའི་ཆོག་མཆན་ཐོབ་པར་བརྒྱུད་དཀར་མཛེས་ཁུལ་ཞིང་ལས་ཁྱད་ལྡན་ཐོན་ལས་ཚོང་ཚོགས་བྱེད་ནུས་རང་བཞིན་གྱི་ཏང་ཀྲི་པུའུ་དངོས་སུ་བཙུགས་པར་མ་ཟད། འདེམས་བསྐོའི་ལས་དོན་ཡང་བདེ་བླག་ངང་ལེགས་གྲུབ་བྱུང་བ་ལས་རང་ཁུལ་སྤྱི་ལ་དབང་བའི་ལམ་ལུགས་མིན་པའི་ཁྱབ་ཁོངས་ཀྱི་ཏང་འཛུགས་སྐྱོང་གི་ལས་དོན་ལ་མཆོང་རྒལ་ཆེན་པོ་བྱུང་ཡོད་པ་མཚོན་ཐུབ།

༄༅།། སྤྱི་ཟླ3པའི་ཚེས15ཉིན། དཀར་མཛེས་རྫོང་མི་དམངས་སྲིད་གཞུང་དང་དཀར་མཛེས་ཁུལ་ཞིང་ལས་ཚན་རིག་ཁང་གིས་གཙོ་གཉེར་བྱས་པའི་ཚན་རྩལ་ལ་བརྟེན་ནས་ཀྱི་ཐོན་ལས་འབྲེལ་ཐག་ཡོངས་ཀྱི་སྤུས་ཚད་ལེགས་སུ་གཏོང་བ་དང་ཕན་འབྲས་ཆེ་རུ་གཏོང་བའི་སྐུལ་འདེད་ཚོགས་འདུ་དཀར་མཛེས་རྫོང་དུ་འཚོགས་པ་རེད། དེའི་དམིགས་ཡུལ་ནི་མཐུན་སྦྱོར་གསར་གཏོད་ལ་བརྟེན་ནས་ཚན་རིག་ཞིབ་འཇུག་དང་། ལག་རྩལ། ཁྲོམ་རའི་ཐོན་ཁུངས་བཅས་ལེགས་པར་བསྡེབས་ཏེ་ནས་ཐོན་ལས་འཕེལ་རྒྱས་ཀྱི་བཀག་རྒྱ་ལས་བརྒལ་རྒྱུ་དེ་རེད།

༄༅།། སྤྱི་ཟླ3པའི་ཚེས15ཉིན། དར་མདོ་མཛའ་གཞས་ཐང་ཆེན་དུ་རྔ་རྡུང་བའི་སྒྲ་དང་དགའ་བསུའི་ཐལ་སྒྲས་བར་སྣང་ཁེངས་ཡོད། རང་ཁུལ་གྱི2025ལོའི་ལོ་སྟོད་ཀྱི་དམག་མི་གསར་པ་དམག་དཔུང་དུ་ཞུགས་པའི་དགའ་བསུ་མཛད་སྒོ་དར་མདོ་མཛའ་གཞས་ཐང་ཆེན་དུ་སྤེལ་བ་རེད།།

( སྐལ་བཟང་རྒྱ་མཚོས་བསྒྱུར།)