སྤྱི་ཟླ3པའི་ཚེས24ནས25ཉིན་བར། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་དཀར་མཛེས་དང་བྲག་མགོ་རྫོང་དུ་ཕེབས་ནས་རྒྱལ་ཡོངས་ཚོགས་ཆེན་གཉིས་ཀྱི་སྙིང་དོན་སྒྲོག་འགྲེལ་དང་སྦྲགས་སྐྱེ་ཁམས་ཁོར་ཡུག་སྲུང་སྐྱོང་དང་དམངས་འཚོ་ལེགས་སུ་གཏོང་བ། ནགས་རི་དང་རྩྭ་ཐང་གི་མེ་ཟོན་མེ་གསོད། དགོན་པ་ཁྲིམས་ལྟར་དོ་དམ་ཚད་ལྡན་སོགས་གཙོ་གནད་ལས་ཀར་བརྟག་ཞིབ་ཁྲིད་སྟོན་དང་མཐུན་འབྲེལ་མང་ཚོགས་ལ་འཚམས་འདྲི་གནང་བར་མ་ཟད། ད་དུང་ཉག་ཆུ་འབབ་རྒྱུད་དཀར་མཛེས་རྫོང་ཁོངས་ཆུ་རྒྱུད་ལ་སྐོར་གཡེང་གནང་བ་རེད།

ཧྥུང་ཧྥ་ཀུའེ་ཡིས་ནན་གསུང་གནང་དོན། སྲ་བརྟན་འགྱུར་མེད་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ཁྲིད་སྟོན་དུ་བྱས་ཏེ། བརྟན་བརླིང་དང་འཕེལ་རྒྱས། སྐྱེ་ཁམས། དམངས་འཚོ་བཅས་དོན་ཆེན་བཞི་གཅིག་གྱུར་འཆར་འགོད་ཀྱིས་ལེགས་འཛིན་བྱས་ནས་ཁུལ་ཡོངས་ཡུན་རིང་བདེ་འགོད་དང་འཕེལ་རྒྱས་སྤུས་ཚད་མཐོན་པོར་ཡོང་བར་རྒྱུན་སྲིང་ངང་སྐུལ་འདེད་གཏང་དགོས།། （ ལྷ་འཛོམས་ཀྱིས་བསྒྱུར།）