ཉེ་ཆར། དཔྱིད་ཤར་ནས་ཇེ་དྲོར་སོང་བ་དང་བསྟུན་ནས་ཕྱག་ཕྲེང་རྫོང་ཕྲེང་སྟོད་གྲོང་རྡལ་དུ་མ་རྨོས་ལོ་ཏོག་འདེབས་པའི་དུས་ཚོད་ཡག་ཤོས་ལ་སླེབས་ཡོད། ཡུལ་མི་ཚོས་འཕྲུལ་ཆས་ཀྱིས་གོ་རིམ་ཡོད་པས་དཔྱིད་རྨོད་སོན་འདེབས་བྱེད་པའི་རྣམ་པ་ནི་ཞིང་པ་ཚོས་ས་རྒྱུ་གཤིན་པོའི་ཞིང་སར་རེ་བ་ཁེངས་པའི་ས་བོན་འདེབས་པའི་རི་མོ་གསོན་ཉམས་དོད་པོ་ཞིག་ཏུ་གྱུར། ད་སྔར་ཕྲེང་སྟོད་གྲོང་རྡལ་གྱིས་དེང་རབས་ཅན་གྱི་མ་རྨོས་ལོ་ཏོག་འདེབས་འཛུགས་འཕྲུལ་ཆས་དྲངས་ནས་སྤྱོད་བདེ་ལ་ལས་ཆོད་ཇེ་ཆེར་སོང་ཞིང་མ་རྩ་ཡང་གྲོན་ཆུང་དུ་སོང་ཡོད། ཞིང་མུ་ཁར་དུས་རྒྱུན་དུ་ཡུལ་མི་ཚོས་ཕན་ཚུན་རོགས་རམ་བྱས་ནས་དགའ་དགའ་སྤྲོ་སྤྲོས་མ་རྨོས་ལོ་ཏོག་འདེབས་འཛུགས་བྱེད་བཞིན་པ་ལས་ཡུལ་མི་བར་དང་གྲོང་སྡེ་བར་དེ་བས་འཆམ་མཐུན་ཡིན་པ་མཚོན་ཐུབ།

དཔྱིད་རྨོད་ལས་ཀ་བདེ་བླག་ངང་བསྐུལ་ཆེད། ཕྲེང་སྟོད་གྲོང་རྡལ་སྲིད་གཞུང་གིས་སྔ་དུས་ནས་འཆར་འགོད་བྱས་ཏེ། ཕྱོགས་གཅིག་ནས་ཞིང་ལས་དངོས་རྫས་འདོད་སྤྲོད་མཐུན་སྦྱོར་ཧུར་ཐག་བྱེད་པ་དང་ཡུལ་མིར་སོན་དང་ལུད་རྫས། ཞིང་སྨན་སོགས་འདང་ངེས་ཡོད་པ་ཁག་ཐེག་བྱས་ཤིང་། ཕྱོགས་གཅིག་ནས་ཞིང་ལས་ལག་རྩལ་མི་སྣ་ཞིང་མུ་ཁར་བཏང་ནས་ཞིང་པར་ཆེད་ལས་ལག་རྩལ་ཁྲིད་སྟོན་བྱས་ནས་འདེབས་འཛུགས་བྱེད་རིམ་གྱི་དཀའ་ངལ་བསལ་བ་རེད།

ད་ལོར་ཕྲེང་སྟོད་གྲོང་རྡལ་དུ་མ་རྨོས་ལོ་ཏོག་མུའུ1750ལྷག་གདབ་རྒྱུ་དང་ཚོད་དཔག་བྱས་ན་འབྲུ་འབབ་ཏུན1000བསླེབ་རེ་ཡོད་པ་རེད།།

（ ལྷ་འཛོམས་ཀྱིས་བསྒྱུར།）