（ པར་ངོས་དང་པོར་མཐུད།）

དུས་རིམ་རྗེས་མར་ཆབ་སྲིད་ཀྱི་ཚུགས་གནས་སྤར་བ་དང་། བྱེད་ཐབས་ཞིབ་ཕྲ་དང་ཞན་ཆ་ཁ་གསབ་བྱས་ཏེ། དགོན་པ་དང་དགེ་འདུན་པར་འབྲེལ་བ་ཡོད་པའི་ལས་དོན་ཁག་ཁྲིམས་སྐྱོང་ཅན་གྱི་ལམ་བུར་ཧུར་ཐག་བཙུད་ནས། རང་རེའི་ཞིང་ཆེན་གྱི་བོད་བརྒྱུད་ནང་བསྟན་ལས་དོན་ཁྲིམས་སྐྱོང་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་གཏང་དགོས། མི་སྣ་དོ་དམ་དང་བྱེད་སྒོ་དོ་དམ། གནས་ཡུལ་དོ་དམ། རྒྱུ་ནོར་དོ་དམ། སློབ་དོན་དོ་དམ། བདེ་འཇགས་དོ་དམ་སོགས་འགག་རྩའི་ཐུག་ས་དམ་འཛིན་བྱས་ཏེ། ཆོས་ལུགས་ཀྱི་བྱེད་སྒོ་ཚུལ་མིན་རྣམས་ཁྲིམས་ལྟར་བཅོས་སྐྱོང་བྱས་ཏེ། ཁྲིམས་མཐུན་ལ་སྲུང་སྐྱོང་དང་ཁྲིམས་འགལ་བཀག་འགོག། ཐལ་དྲགས་བཀག་སྡོམ། སིམ་འཛུལ་ལ་བཀག་རྒོལ། ཉེས་གསོག་ལ་རྡུང་རྡེག་བཅས་བྱས་ཏེ། བོད་བརྒྱུད་ནང་བསྟན་གྱི་རྒྱུན་ལྡན་སྒྲིག་ལམ་སྲུང་སྐྱོང་ཏན་ཏིག་དང་འཆམ་མཐུན་བརྟན་ལྷིང་ཡོང་བར་འགན་ལེན་བྱ་དགོས། དགོན་པའི་མེ་ཟོན་དང་ས་གཤིས་གནོད་འཚེ་སོགས་བདེ་འཇགས་ཀྱི་མངོན་མེད་ཉེན་ཁ་བཅོས་སྐྱོང་དམ་འཛིན་ཡག་པོ་བྱེད་པ་དང་། དེང་རབས་ཅན་དང་ཆ་འཕྲིན་ཅན་གྱི་བྱེད་ཐབས་བེད་སྤྱོད་ཡག་པོ་བྱས་ནས་རིག་ནུས་མེ་ཟོན་འཛུགས་སྐྱོང་དང་ས་གཤིས་གནོད་འཚེ་ལྟ་ཞིབ་ཚད་ལེན་སོགས་ཀྱི་བྱ་ཐབས་ལ་སྐུལ་འདེད་བཏང་བར་བརྒྱུད། དགོན་པའི་གནོད་འཚེ་སྣ་ཚོགས་སྔོན་འགོག་དང་ཁ་གཏད་གཅོག་པའི་ཆུ་ཚད་རྒྱུན་མཐུད་ངང་མཐོ་རུ་གཏང་དགོས། ཁོངས་གཏོགས་ས་ཁུལ་གྱི་དོ་དམ་འགན་འཁྲི་སྔར་ལས་དམ་ཟབ་དང་། བཅོས་སྐྱོང་མ་ལག་ཚགས་གསེད་དང་། དགོན་པའི་དོ་དམ་སྒྲིག་གཞི་དང་དགོན་པའི་དོ་དམ་ལས་བྱེད་པའི་དཔུང་ཁག་འཛུགས་སྐྱོང་བྱེད་ཤུགས་ཆེ་རུ་གཏོང་བ་བཅས་བྱས་ཏེ། ལས་དོན་ཁག་གཅིག་གྱུར་འཆར་འགོད་ནུས་ལྡན་དང་མཐུན་སྦྱོར་བདེ་བླག་ཡོང་བ་དང་། སྟོབས་ཤུགས་གཅིག་སྒྲིལ་གྱིས་སྐུལ་འདེད་གཏོང་བར་འགན་ལེན་བྱ་དགོས་ཞེས་བསྟན།

ཝང་ཞའོ་ཧུའེ་ཡིས་ད་དུང་ཞིང་ཆེན་ཡོངས་ཀྱི་བོད་འབྲེལ་ལས་དོན་ནན་ཏན་དང་ལེགས་པར་བསྒྲུབས་ནས་བོད་འབྲེལ་ས་ཁུལ་གྱི་ཁུལ་དང་རྫོང་རྒྱུད་རིམ་བཅོས་སྐྱོང་དང་། ཁྲིམས་ལྟར་བཅོས་སྐྱོང་། ཕྱོགས་བསྡུས་བཅོས་སྐྱོང་། འགོ་ཁུངས་བཅོས་སྐྱོང་བཅས་ལ་སྐུལ་འདེད་གཏང་དགོས། བསམ་བློ་དང་ཆབ་སྲིད་ཀྱི་སྣེ་ཁྲིད་ལ་སྔར་བས་ཤུགས་རྒྱག་པ་དང་། ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་འདུ་ཤེས་བརྟན་པོར་བཅང་རྒྱུ་དེ་ལས་དོན་ཁག་གི་གཙོ་ཕྱོགས་སུ་བརྩི་རྒྱུ་རྒྱུན་འཁྱོངས་ཏེ། ཆོས་ལུགས་ལས་རིགས་ནང་རྒྱལ་ཁབ་ཀྱི་འདུ་ཤེས་དང་། སྤྱི་དམངས་ཀྱི་འདུ་ཤེས། ཁྲིམས་སྐྱོང་འདུ་ཤེས་བཅས་ཀྱི་སློབ་གསོའི་བྱེད་སྒོ་ཏན་ཏིག་སྤེལ་ཏེ། མེས་རྒྱལ་རླབས་པོ་ཆེ་དང་། ཀྲུང་ཧྭ་མི་རིགས། ཀྲུང་ཧྭའི་རིག་གནས། ཀྲུང་གོ་གུང་ཁྲན་ཏང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བཅས་ཀྱི་ངོས་འཛིན་གཅིག་མཐུན་རྒྱུན་ཆད་མེད་པར་ཇེ་ཟབ་ཏུ་གཏང་དགོས། ཏང་གི་ཆོས་ལུགས་དད་མོས་རང་དབང་སྲིད་ཇུས་ཕྱོགས་ཡོངས་ནས་དོན་ལ་འཁྱོལ་ཏེ་བོད་བརྒྱུད་ནང་བསྟན་ཀྲུང་གོ་ཅན་དུ་སྐུལ་འདེད་ཧུར་ཐག་གཏོང་བ་དང་། བོད་བརྒྱུད་ནང་བསྟན་གྱི་ཆོས་གཞུང་འགྲེལ་བཤད་ལས་དོན་མཐར་ཕྱིན་སྤེལ་བ་དང་། ཀྲུང་ཧྭའི་སྲོལ་རྒྱུན་རིག་གནས་ཕུལ་བྱུང་བོད་བརྒྱུད་ནང་བསྟན་དུ་དྲངས་ནས་བོད་བརྒྱུད་ནང་བསྟན་སྤྱི་ཚོགས་རིང་ལུགས་ཀྱི་སྤྱི་ཚོགས་ལ་འཕྲོད་པར་ཁྲིད་སྟོན་ཧུར་ཐག་བྱེད་ཅིང་། དད་ལྡན་མང་ཚོགས་ཀྱིས་དུས་ཚོད་དང་ནུས་ཤུགས་སྔར་ལས་མང་བ་ཐོན་སྐྱེད་འཕེལ་རྒྱས་དང་འཚོ་བ་ལེགས་སུ་གཏོང་བ། ལས་བརྩོན་ཕྱུག་སྒྱུར་ཐད་ལ་སྤྱད་དགོས་པའི་ཁྲིད་སྟོན་བྱ་དགོས། བོད་བརྒྱུད་ནང་བསྟན་གྱི་འཐུས་ཚབ་མི་སྣ་རྙེད་པ་དང་། གསོ་སྐྱོང་། བསྐོ་སྤྱོད་བཅས་བྱེད་ཤུགས་ཆེ་རུ་བཏང་སྟེ་ཁོ་ཚོས་བློ་བརྟན་འགྱུར་མེད་ངང་ཏང་དང་བློ་མཐུན་ཕྱོགས་མཐུན་སྤྱོད་མཐུན་བྱེད་བར་སྐུལ་འདེད་གཏང་དགོས། ཏང་གིས་ཆོས་ལུགས་ལས་དོན་ལ་འགོ་ཁྲིད་བྱེད་པ་རྒྱུན་འཁྱོངས་དང་ཤུགས་བརྒྱབ་སྟེ། དོ་དམ་སྒྲིག་སྲོལ་དང་ལམ་སྲོལ་སྔར་བས་འཐུས་ཚང་དུ་གཏོང་ཞིང་། ཏང་ཨུས་འགོ་ཁྲིད་པ་དང་། སྲིད་གཞུང་གིས་དོ་དམ། སྤྱི་ཚོགས་ཀྱིས་མཐུན་སྦྱོར། ཆོས་ལུགས་ཀྱིས་རང་གཅུན་བཅས་བྱེད་པའི་ཆོས་ལུགས་ལས་དོན་བཅོས་སྐྱོང་གི་གནས་བབ་རྒྱུན་ཆད་མེད་པར་འཐུས་ཚང་དུ་གཏང་དགོས་ཞེས་བསྟན་པ་རེད།།

（ ཁམས་པ་བརྙན་འཕྲིན་ནས་དྲངས།）