ཉིན་དེའི་ཞོགས་པར།
གནམ་རྒན་མ་ཐུགས་དགྱེས་འདུག།
གདོང་ལ་སྤྲིན་དཀར་གྱི་འཛུམ་མདངས་མངོན།
ཕྱག་ཟུང་པད་ཀོར་གྱི་གཟུགས་སུ་བྱས་ཏེ།
གནམ་རྒན་མ་གཞན་ཞིག་ལ་མཆོད་
པ་འབུལ་གྱིན་འདུག།
དོ་མི་མཉམ་པའི་གནམ་ས་གཉིས་ཀྱི་བར་ནས།
གནམ་རྒན་མས་ཤིན་ཏུ་འཐད་པའི་
རྣམ་འགྱུར་ཅིག།
གདོང་ལ་ལེན་གྱིན་གནམ་རྒན་མ་གཞན་དག་ལ།
མཆོད་པ་དང་སྨོན་ལམ་ནན་ཞུ་བྱེད་ཀྱིན་འདུག།
ས་སྟེང་གི་ང་དང་ང་ཚོ་འདྲ་བའི་རྩི་
ཤིང་ཆུང་ཆུང་དག།
ཕན་ཚུན་གྱི་གདོང་ལ་ལྟ་ཙམ་
ལྟ་ཙམ་བྱེད་པ་ལས།
ངག་ནས་ཚིག་གཅིག་ཀྱང་འཁྲོལ་
གྱིན་མེད་ལ་སྨྲ་ཡང་མི་ནུས།
གནམ་ལ་ཅེར་ནས་གནམ་རྒན་
མ་ཁོ་ན་ལ་རེ་འབོད་བྱས།
ཉིན་དེའི་ཕྱི་དྲོ་ཙམ་ན།
ཁུར་མོང་གི་འདབ་མ་འགའ།
ནམ་མཁའ་ལ་ཆས་བཞིན་འདུག
ངའི་སེམས་སུ་གནམ་རྒན་མ་ལ་རེ་ཞུ་དང་།
སྨོན་འདུན་ཁུར་ཏེ་འགྲོ་བ་ཨེ་ཡིན་སྙམ།
༼ ཧུན • དུར་རོ། ༽