འདི་ན་མི་ཚོགས་ཁྲི་སྟོང་ཞིག །
འ་འུར་འདུ་འཛིའི་གྲོང་གསེབ་ལ། །
རང་རང་བདེ་དོན་རྒྱུགས་པའི་སར། །
དཀའ་ངལ་ཅི་ཡང་འཛེམས་དོགས་མེད། །
ངས་ནི་དབྱངས་ཀྱི་རྒྱུད་མངས་འཚོལ། །
འཚོལ་བའི་གོམ་ཁ་ལྷོད་མེད་ཡིན། །
ཡིན་ཡང་ལྷ་མོའི་མཛེས་པ་ལ། །
ལ་ལ་རིང་ནས་བཟི་བར་དྲགས། །
འཆར་ཡན་རྟོགས་པའི་རྦ་རླབས་ཀྱིས། །
ནང་སེམས་རྒྱ་མཚོའི་ལྷིང་འཇགས་དཀྲུག །
ངས་ནི་དྭངས་སྨན་མཛེས་པའི་ཏོག །
ཚིག་གི་གླེགས་ནས་ཡང་དུ་འཚོལ། །
བཅུ་དྲུག་ལང་ཚོའི་མཚན་མ་ཡི། །
མགོ་བོ་ཀྲོག་ཀྲོག་བྱས་པ་དེས། །
ཆགས་ཞེན་གཡུ་ཡི་སྦྲང་མ་ཡང་། །
ཅི་ཡང་མིན་པར་བསླུས་སོ་སྐད། །