སློབ་གླིང་བཟང་པོ་ཞིག་གི་སྐྱེད་

མོས་ཚལ། །

ཀ་ཁའི་གདངས་དབྱངས་སྙན་མོ་

ངག་ཏུ་ཐོགས། །

ཡིད་འོང་དེབ་གཟུགས་ཁྱེར་ཏེ་སློབ་

ལ་བརྩོན། །

མ་འོངས་ཕུགས་བསམ་འཚོལ་བ་

བྱིས་པའི་མགོན། །

འགྲུལ་བཞུད་རིང་མོ་ཞིག་གི་ཕ་

རོལ་ན། །

སེམས་ལ་དགའ་མགུ་སྟེར་བའི་ནོམ་

པོ་ཚོགས། །

བྱིས་པའི་དུས་ནས་མྱོང་བའི་ལས་

སྐལ་དེ། །

ནར་སོན་བརྒྱུད་རིམ་ཁྲོད་ནས་ཅིས་

ཀྱང་མཁོ། །

ལས་སྐལ་ཇི་སྙེད་དཔུང་པའི་

འཚོ་བ་ཡང་། །

བྱིས་པའི་སྣང་བ་གཞོན་དུས་ལྷག་

ཏུ་མཛེས། །

ཤེས་རིག་མཐའ་རྒྱ་ཡངས་པའི་

རྒྱུགས་ལམ་དུ། །

རེ་བའི་རྟ་ཕོ་བཞོན་ནས་བརྩོན་

པས་བྲབ། །

ཕ་ཁྱིམ་དྲོན་མོ་གཅིག་སྟེ་སློབ་གླིང་

ལས། །

རྩེད་འཇོ་བཟང་པོ་ཞིག་སྟེ་

དབྱངས་གསལ་ཟུང་། །

སྤྲོ་དགའི་ལས་དབང་ཞིག་གིས་

ཡུན་གྱིས་རྩེ། །

བྱིས་དུས་སྣང་བ་དྭངས་པས་སྐྱིད་

ཀྱིས་ཁེངས། །

དོ་ནུབ་འདི་ལྟར་བསམ་ཞིང་

བསམ་པའི་མཐར། །

བྱིས་པའི་དུས་ཆེན་སླེབས་པར་ཁ་

ཐག་ཐུང་། །

སྤྲོ་དགའི་སྣང་བ་ཚོགས་ཀྱང་དྲན་

པ་ཙམ། །

ཡིན་ཡང་རྗེས་དྲན་བཟང་བས་

གཏན་དུ་དྲན། །

མཇུག་མཐར་རིགས་གཅིག་ཀུན་གྱི་

བྱིས་པ་ལ། །

ཕ་སྐད་མ་ཡིག་སྦྱོངས་པའི་རེ་

འདུན་ཞིག །

བྱིས་པའི་དུས་ཆེན་འདི་ལ་ལེགས་

སྐྱེས་ཚུལ། །

ལྷད་མེད་གངས་དཀར་སེམས་ཀྱིས་

ཕུལ་བ་ཡིན། །

༼ ཁམས་འོད་གསལ། ༽