ནགས་ཀྱི་ཚལ་དུ་མ་ཆགས་
ནགས་འདབ་ཅིག །
ཡིད་འོང་དལ་གྱིས་འཕེལ་
བའི་བདག་སེམས་འདི། །
བག་ཕེབས་རྩེད་འཇོ་ངང་དུ་
ཡུན་རིང་འཁྱམ། །
བརྩེ་བའི་ཕ་མས་བཅོལ་ཞིང་
ལས་ཀྱིས་གནང་། །
གངས་འདབས་ཡུལ་ལུང་ནང་
ནས་བྱེ་བྲག་ཅིག །
བདག་ཡིད་ཞེན་ཆགས་ལུས་
སའི་ཡུལ་གྲུ་ཡང་། །
སྙིང་ལ་སྡུག་པ་ཚོགས་ནས་ཆུང་
ཆུང་ཞིག །
ལས་འཕྲོའི་བཀོད་པ་འོག་ཏུ་སྙིང་
ལ་འདྲིས། །
འདི་ཡང་རི་ཆུ་འཛོམས་སའི་ཕ་
ཡུལ་ཏེ། །
སྤྲོ་གར་རིང་ནས་རིང་དུ་རྒྱུད་
བཞིན་ངང་། །
དོན་དུ་ཚོར་བས་རུམ་པའི་ཕ་
ཡུལ་ལགས། །
དགའ་སྤྲོའི་སྣང་བ་འཁྲེང་པའང་
མི་ཉུང་ངོ་། །
རྒྱང་ཐག་ཉེ་རིང་གང་དུ་
འགྲུལ་བཞུད་ཀྱང་། །
ཡིད་ལ་ཐོགས་པའི་ཕ་ཡུལ་འདི་
ཉིད་ལ། །
གློ་སྙིང་གཏན་དུ་སྐྱུར་ནས་ལུས་
ཕུང་འགྲིམ། །
ངོ་མཚར་རབ་ཏུ་བཀོད་ལ་སྙིང་
པོའི་ཚོགས། །
རྣམ་དག་བརྩེ་བ་འཆང་ཡུལ་
གཞི་ཆུང་འདི། །
ལས་དང་སྣང་བ་གཉིས་ཀྱིས་
འཁྲེང་ཞིང་ཞེན། །
མ་སྡང་མ་ཁྲོའི་ངང་ནས་
གནས་འདིར་འཚོ། །
འདི་ཡང་དགའ་ཚོགས་འཕེལ་
བའི་རྣམ་པ་སྟེ། །
ཞི་འཇམ་དབྱངས་ཀྱི་འགྲོས་
སུ་བླ་ལྷག་ཏུ། །
ཁྱེད་ཀྱི་མཛེས་སྡུག་སྟོང་གི་ཡང་
སྙིང་འཐེན། །
རྒྱུན་ལྡན་མངོན་དུ་གསལ་
བའི་ཁྲ་མིག་འདི། །
བརྩེ་བའི་མིག་ཟུང་གྱུར་ནས་
ཕྱོགས་སུ་ལྷུང་། །
གངས་འདབས་དེ་ཡི་དབུས་
སུ་ཡི་རང་བྱུང་། །
༼ ཁམས་འོད་གསལ། ༽