ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་མེ་ཏོག་ཡིན།
མེ་ཏོག་ནང་གི་ཨུཏྤལ་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་རྨི་ལམ་ཡིན།
རྨི་ལམ་ནང་གི་ལྷ་མོ་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་སྙིང་སྡུག་ཡིན།
སྙིང་སྡུག་སེམས་ཀྱི་འཁྲི་ཤིང་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་བདུད་རྩི་ཡིན།
བདུད་རྩིས་མྱོས་པའི་བརྩེ་དུང་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་རྒྱུ་སྐར་ཡིན།
རྒྱུ་སྐར་ནང་གི་རྒྱལ་པོ་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་རྒྱ་མཚོ་ཡིན།
རྒྱ་མཚོའི་ནང་གི་ནོར་བུ་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་ཚིག་ཡིན།
ཚིག་གི་ནང་གི་རྒྱན་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་མིག་ཡིན།
མིག་གི་ནང་གི་རྣོ་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་ཟས་ཡིན།
ཟས་ཀྱི་ནང་གི་བཅུད་ཡིན།
ཁྱོད་ནི་འཁོར་བའི་མི་ཡིན།
འཁོར་བའི་ཁྲོད་ཀྱི་མེ་ཡིན།
མེ་ཡི་ནང་གི་དྲོད་ཡིན།