སྡེ་དགེའི་སྨན་ཤོད་ནི་ཐག་རིང་ལུང་ཁུག་ན་གནས་ཀྱང་གྲོང་སྡེ་ཕལ་བ་གཞན་དང་མི་འདྲ་སྟེ། དེར་རྫ་ནག་དང་བལ་ཁུ་བསླས་འཐག། ཟངས་རྡུང་། ཐང་ག། ཤིང་རྐོ། བོད་སྨན། བོད་སྤོས། གསེར་དངུལ་ལས་བཟོ། འཚེམ་དྲུབ་སོགས་བོད་བརྒྱུད་ལག་ཤེས་བཟོ་རྩལ་རིགས15ཡོད་ཅིང་། ལག་རྩལ་ཕུན་སུམ་ཚོགས་པ་ནི་ང་ཚོའི་བློས་དཔོག་ལས་ཡོངས་སུ་འདས།

སྨན་ཤོད་ཀྱི་བྱེད་ཐབས་དང་གནས་བབ་ལ་མིག་དཔེ་རང་བཞིན་ཡོད་ཅིང་འབྱུང་འགྱུར་ཕྱོགས་བསྡུས་ཀྱི་བོད་བརྒྱུད་སྲོལ་རྒྱུན་ལག་རྩལ་བཟོ་རྩལ་ས་ཁོངས་ཤིག་ཏུ་བརྩིས་ནས་རྒྱལ་ཁབ་ལ་གཟུགས་མེད་རིག་གནས་ཤུལ་བཞག་གི་ལས་གཞི་རེ་ཞུ་བྱ་འོས་པ་ཞིག་རེད།

སྨན་ཤོད་འཇམ་དབྱངས་དགེ་ལེགས་ཀྱི་རྫ་ནག་བཟོ་རྩལ་དང་། བཀྲ་ཤིས་དཔའ་མོའི་བལ་ཁུ་བསླས་འཐག་ལག་རྩལ། བཞག་ནང་ཉི་མའི་ཟངས་རྡུང་ལག་རྩལ། ཚེ་འཕེལ་གྱི་ཐང་གའི་བྲིས་རྩལ། ཚེ་དབང་ཕུན་ཚོགས་ཀྱི་ཤིང་རྐོ་ལག་རྩལ་སོགས་སྐད་གྲགས་ཆེ།