དེ་རིང་སློབ་གླིང་དུ་ཉི་མའི་དྲི་མ་
ཞིག་ཀྱང་ཚོར་གྱིན་མི་འདུག།
ང་རང་འཛིན་ཁང་གི་སྒེའུ་ཁུང་འགྲམ་དུ་
བསྡད་ནས།
སྐྱ་མདོག་གི་གྲོང་ཁྱེར་ལ་ཅེར་བཞིན་
ཕ་ཡུལ་གྱི་ཉི་འོད་དྲན།
མིག་ཟུང་གི་འཁོར་ཕྱོགས་དང་དྲན་པའི་
བཞུར་རྒྱུན་གཉིས།
རྦད་དེ་ཡ་བྲལ་དུ་སོང་བའི་སྐབས་འདིར།
ཞེན་ཆགས་ཀྱི་ཐ་གུ་ལ་བསྒྲིམས་པའི་དྲོད་ཐིག་སྟེ།
རྒྱང་རིང་གི་གདུང་བ་ཞིག་ལས་མ་འདས།
ཉི་འོད་དང་ཁ་ཐག་ཉེ་བའི་ཕ་ཡུལ་གྱི་
པང་དུ་ཡོད་དུས།
ང་རང་གཞན་ཡུལ་གྱི་མཛེས་སྡུག་ལ་
ཕྱོགས་པར་མོས།
ཐག་རིང་གི་གནས་མལ་ལ་མུན་པ་འཐིབ་དུས།
གཞི་ནས་རང་ཡུལ་གྱི་མེ་དྲོད་དང་
ཁ་བའི་རང་མདངས་ཚོར་འོང་།
དེ་ལྟར་དྲན་པ་ལ་གཤོག་པ་ཐོགས་
ནས་གནམ་འཕང་གཅོད་ཐེངས་རེར།
འདུ་འབྲལ་གྱི་འཁོར་བ་ལོངས་སུ་སྤྱོད་
ཀྱིན་པའི་ཕལ་བའི་མི་དག།
དྲན་གདུང་དང་བྲེལ་འཚུབ་ཀྱི་ཀློང་ནས།
འཇིག་རྟེན་གྱི་མཛེས་པ་ཡོད་ཚད།
ཐག་རིང་ཐག་རིང་ཞིག་ལ་ཡོད་སྣང་གིས།
རང་ལ་དབང་བའི་ལོ་ཟླའི་རླབས་རིས་
མཐའ་དག་ཆུ་བོའི་གཞུང་ལ་བཏབ་དུས།
མི་ཚེ་ནི་སྒལ་ཚིགས་དང་བྲལ་བའི་ཅི་འདྲའི་
ཁྲེལ་གཞུང་མེད་མཁན་ཞིག་རེད་ཨང་སྙམ།
སློབ་གྲོགས་ལགས། ཁྱོད་ཀྱིས་བསམས་ན།
འདི་ལ་ཆོས་ཉིད་ཅེས་པའི་ཐ་སྙད་དེ་མཛའ་
མོ་རང་འདུག་གམ།
༼ ལྷ་ཚང་ཚུལ་བསྟན།༽