སྙན་ངག་བྲིས་ན་ཁྱོད་རང་དྲན་པ་ཕྲིས།།
དྲན་པའི་ནང་ན་ཁྱོད་ཀྱི་མཛེས་པ་ཕྲིས།།
མཛེས་པ་ནང་ན་ཁྱོད་རང་ཡོད་པ་ཕྲིས།།
ཁྱོད་ཀྱི་མཛེས་པ་དེ་དག་མཐོང་བ་ཕྲིས།།
སྙན་ངག་བྲིས་ན་ཁྱོད་ཀྱི་གཤིས་ཀ་ཕྲིས།།
གཤིས་ཀ་རང་བཞིན་ཚུལ་དུ་རེ་རེ་ཕྲིས།།
ཁྱོད་ཀྱི་རང་གཤིས་ངོ་མ་འདི་ནས་ཕྲིས།།
ཁྱོད་ཀྱི་གཤིས་ཀ་དེ་དག་མཐོང་བ་ཕྲིས།།
སྙན་ངག་བྲིས་ན་ཁྱོད་ཉིད་ལང་ཚོ་ཕྲིས།།
ལང་ཚོ་དར་མ་བཅུ་དྲུག་གཞོན་ནུ་ཕྲིས།།
གཞོན་ནུ་མེ་ཏོག་པདྨ་རང་བཞིན་ཕྲིས།།
ཁྱོད་ཀྱི་ཡིད་འོང་དེ་དག་མཐོང་བ་ཕྲིས།།
སྙན་ངག་བྲིས་ན་ཁྱོད་ཀྱི་སེམས་པ་ཕྲིས།།
སེམས་པ་ཁ་བ་བཞིན་དུ་དཀར་པོ་ཕྲིས།།
དཀར་པོ་ཁྱོད་དང་ཁ་དོག་འདྲ་བོ་ཕྲིས།།
ཁྱོད་ཀྱི་སེམས་པ་དེ་དག་མཐོང་བ་ཕྲིས།།
སྙན་ངག་བྲིས་ན་ཁྱོད་ཀྱི་འཇིག་རྟེན་ཕྲིས།།
འཇིག་རྟེན་ར་བ་མེ་ཏོག་ཞིང་ཁམས་ཕྲིས།།
ཞིང་ཁམས་དེ་ལས་ཡག་པ་མེད་པ་ཕྲིས།།
ཁྱོད་ཀྱི་འཇིག་རྟེན་དེ་དག་མཐོང་བ་ཕྲིས།།
༼ བཞག་ཚ། ༽