ནམ་ཟླ་འཁྱག་ལ་བུད་སོང་། །
གནམ་མཐའི་རླུང་བུ་བསིལ་བསིལ། །
བདག་ལ་རེག་ཙམ་བྱས་པས། །
སྙིང་སྡུག་བུ་མོ་དྲན་སོང་། །
སྟོན་མཇུག་ལོ་མ་སེར་ཆེན། །
ངེས་མེད་ཐང་ལ་སྤུར་སོང་། །
དྲན་པའི་སྣང་བའི་རི་མོ། །
སྙིང་ཉེ་འགྲམ་དུ་ཤོར་སོང་། །
སྤྲིན་པ་དཀར་ཆུང་ལང་ལོང་། །
མུ་མེད་གང་སར་ཆས་པས། །
སྙིང་སྡུག་བྱམས་པའི་བརྩེ་བ། །
དྲན་གདུང་སྙིང་ལ་ལྕི་སོང་། །
སྟོན་ཁའི་ཚོར་བ་མག་མོག །
རང་སེམས་བཟི་བ་བྱས་དུས། །
སྙིང་གཅེས་ཞལ་རས་འཇམ་པོ། །
ཚོར་བའི་ནང་ན་ཤར་སོང་། །
སྟོན་མཇུག་རྨི་ལམ་ནང་ནས། །
འཕྲད་པའི་སྙིང་སྡུག་བུ་མོས། །
བདག་ལ་འཛུམ་ཙམ་གནང་དུས། །
སེམས་པ་ཤོར་བ་མང་སོང་། །
རྩྭ་འཇག་རླུང་གིས་སྤུར་ཏེ། །
སྟོན་ཁའི་རྣམ་པ་ཡོང་བས། །
དྲན་པའི་སྙིང་གི་ཟླ་བ། །
ཞལ་འཛོམ་བྱུང་ན་བསམས་བྱུང་། །
ནམ་ཟླ་གྲང་ལ་ཚེས་དུས། །
སྙིང་ཉེ་དྲན་པ་མང་སོང་། །
ཧ་ཅང་བརྩེ་བའི་བུ་མོར། །
སྟོན་མཇུག་འདི་ནས་དྲན་སོང་། །
དྲན་པས་སྣང་བ་བསྒུལ་ཏེ། །
སྤྲིན་པ་གཅིག་གཉིས་གསེང་ནས། །
གཅིག་རྗེས་ཐོན་པར་བྱས་ཏེ། །
དྲན་ཡིག་རྒྱང་ལ་བསྐུར་ཡོད། །
དྲན་པ་སྤྱིར་བཏང་མ་རེད། །
དྲན་པ་ཞིབ་ཕྲ་ཡིན་པས། །
སྙིང་ནད་ལངས་པ་འདུག་ལ། །
སྙིང་ཁོག་གཟེར་བ་གནང་བྱུང་། །
སྟོན་ཁར་སྙིང་ཉེ་དྲན་པ། །
ཚོར་བས་ལུས་སེམས་མྱོས་ནས། །
དྲན་པའི་ཚོར་འདུའི་རྦ་རླབས། །
ཤོག་ངོས་བྲིས་པ་བྱས་ཡོད། །
༼ སྙན་རྐང་གླིང་། ༽