བྱང་ཟུར་སོགས་སྔོན་བྱོན་གསོ་རིག་མཁས་དབང་དག་གི་འཕྲིན་ལས་ལས་བྱུང་བའི་མདོ་ཁམས་འདིར་ཟུར་ལུགས་གཙོ་བོར་གྱུར་པའི་གསོ་རིག་གཞུང་ལུགས་ལག་ལེན་མན་ངག་བཅས་བསིལ་ལྗོངས་འདིར་ཁྱད་པར་བ་ཞིག་བྱུང་ལ་འཚོ་བའི་བརྒྱུད་རིམ་དུའང་འགྲོ་བ་ནད་པ་དང་བཅས་ལ་ཕན་འབྲས་གཡུར་དུ་སྨིན་པའི་ལྷོ་ལུགས་སམ་ཟུར་ལུགས་ཅེས་པ་བྱུང་བ། བར་སྐབས་སུ་ཤར་ཀཿཐོག་བའི་ཀ་དམ་པ་སློབ་རྒྱུད་བཅས་ཀྱིས་ལྔ་རིག་གི་བཤད་གྲྭ་དང་དེ་རྗེས་སི་ཏུ་པན་ཆེན་དང་མི་ཕམ་པས་ཤར་དཔལ་སྤུངས་སུ་སྨན་གྲྭ་བཙུགས་ནས་རིམ་བཞིན་སྨན་ལས་དར་ཞིང་རྒྱས་པར་བྱུང་བར་མ་ཟད་གསོ་རིག་མཁས་ཅན་དུ་མ་བྱུང་ཡོད། སྡེ་དགེ་བོད་སྨན་ཁང་གིས1980ལོར་མུ་ཏིག་བདུན་ཅུ་དང་རིན་ཆེན་གྲངས་སྦྱོར་སོགས་བོད་སྨན་རྩ་ཆེན་བཟོས་ཤིང་རྒྱལ་ཁབ་ཀྱི་ཚན་རིག་ཞིབ་འཇུག་སྡེ་ཚན་གཙོ་བོའི་གྲས་སུ་ཚུད་ཡོད།