（ པར་ངོས་གཉིས་པར་མཐུད།）

ཚང་འཛོམས་གྲོས་ཚོགས་སུ་བཏོན་དོན། སི་ཁྲོན་གྱི་ཁྱད་ཆོས་དང་ལེགས་ཆ་ལྡན་པའི་དེང་རབས་ཅན་གྱི་ཐོན་ལས་མ་ལག་བསྐྲུན་དགོས། བཟོ་ལས་དར་རྒྱས་ཆེ་བའི་ཞིང་ཆེན་དང་བཟོ་སྐྲུན་སྟོབས་ལྡན་ཞིང་ཆེན་བསྐྲུན་པ་དང་། ཐོན་ལས་ལེགས་པོ་ཇེ་བརྟན་དང་མཐོར་འདེགས་གཏོང་བ། ཐོན་ལས་གཙོ་བོའི་ར་བ་འཛུགས་ཤིང་འཁོར་འབྲེལ་གཙོ་བོ་སྟོབས་ཆེར་གཏོང་བ། ཐོན་ལས་མ་ལག་དང་མཁོ་འདོན་མ་ལག་གི་བབ་བསྟུན་རང་བཞིན་དང་ཉེན་མེད་རང་བཞིན་ཇེ་དྲག་གཏོང་དགོས། གསར་དར་ཐོན་ལས་དང་མ་འོངས་པའི་ཐོན་ལས་གསོ་སྐྱོང་བྱེད་པ། འཐབ་ཇུས་རང་བཞིན་གྱི་ཐོན་ལས་གསར་པ་གཅིག་བསྡུས་བྱེད་པ། མིག་རྒྱང་རིང་བའི་སྒོས་མ་འོངས་པའི་ཐོན་ལས་བཀོད་སྒྲིག་དང་འཕེལ་རྒྱས་གཏོང་བ། ལག་རྩལ་གསར་པ་དང་ཐོན་རྫས་གསར་པ། བཀོལ་ས་གསར་པ་བཅས་བེད་སྤྱོད་དང་དཔེ་སྟོན་ལ་བསྐུལ་བ། ཞབས་ཞུའི་ལས་རིགས་སྤུས་མཐོ་དང་ཕན་འབྲས་མཐོ་བའི་འཕེལ་རྒྱས་བཏང་ནས། ཐོན་སྐྱེད་རང་བཞིན་གྱི་ཞབས་ཞུའི་ལས་རིགས་འཕེལ་རྒྱས་དང་རྒྱ་སྐྱེད་པ། འཚོ་བའི་རང་བཞིན་གྱི་ཞབས་ཞུའི་ལས་རིགས་སྤུས་མཐོ་དང་སྣ་མང་། སྟབས་བདེ་ཅན་དུ་འཕེལ་རྒྱས་གཏོང་དགོས། དྲ་བ་སྟོབས་ལྡན་ཞིང་ཆེན་དང་ཨང་ཀིའི་སི་ཁྲོན་མགྱོགས་མྱུར་བསྐྲུན་པ་དང་། ཕྱོགས་ཡོངས་ནས་མིས་བཟོས་རིག་ནུས་རྒྱས་པའི་བྱ་སྤྱོད་ལག་བསྟར་བྱེད་པ། དངོས་གཉེར་དཔལ་འབྱོར་དང་ཨང་ཀིའི་དཔལ་འབྱོར་ཟུང་འབྲེལ་ཟབ་མོ་བྱས་ནས། ཕྱོགས་ཡོངས་ནས་དན་གྲངས་རྒྱུ་རྐྱེན་བསླང་དགོས། དེང་རབས་ཅན་གྱི་རྨང་གཞིའི་སྒྲིག་ཆས་མ་ལག་བསྐྲུན་པ་དང་། རྒྱལ་ཁབ་ཀྱི་ཕྱོགས་བསྡུས་ལངས་གཟུགས་འགྲིམ་འགྲུལ་གནས་བསྐྲུན་པ། དེང་རབས་ཅན་གྱི་དྲ་བ་འཛུགས་པ། ཚན་རིག་དང་མཐུན་པའི་སྒོས་ནུས་ཁུངས་མ་ལག་གསར་པར་འཆར་འགོད་དང་འཛུགས་སྐྲུན་བྱས་ནས། རྨང་གཞིའི་སྒྲིག་ཆས་གསར་པ་སྔ་མོ་ནས་བསྐྲུན་དགོས།

ཚང་འཛོམས་གྲོས་ཚོགས་སུ་བཏོན་དོན། ཚན་རྩལ་གསར་གཏོད་ལ་བརྟེན་ནས་སྤུས་གསར་ཐོན་སྐྱེད་ནུས་ཤུགས་འཕེལ་རྒྱས་གཏོང་བར་སྣེ་ཁྲིད་དགོས། ཐོག་མའི་གསར་གཏོད་དང་ལག་རྩལ་འགག་སྒྲོག་ནུས་པ་ཆེ་རུ་གཏོང་བ། འཐབ་ཇུས་ཚན་རྩལ་སྟོབས་ཤུགས་ཀྱི་གཞོགས་འདེགས་གནས་གལ་ཆེན་བསྐྲུན་པ། རྨང་གཞིའི་ཞིབ་འཇུག་ཇེ་དྲག་དང་རྨང་གཞིའི་ཞིབ་འཇུག་བེད་སྤྱོད་པ། ལག་རྩལ་གཙོ་བོ་འགག་སྒྲོལ་བྱེད་ཤུགས་ཆེ་རུ་གཏོང་དགོས། ཚན་རྩལ་གསར་གཏོད་དང་ཐོན་ལས་གསར་གཏོད་ཟུང་འབྲེལ་དམ་པོ་བྱེད་པ། ཚན་རྩལ་གྲུབ་འབྲས་ལུགས་བསྒྱུར་མ་ལག་འཐུས་ཚང་གཏོང་བ། ཁེ་ལས་ཀྱི་ཚན་རྩལ་གསར་གཏོད་བྱེད་པའི་གོ་གནས་ཇེ་དྲག་གཏོང་བ། དམག་དམངས་གྱི་ཚན་རྩལ་མཐུན་སྦྱོར་དང་གསར་གཏོད་བྱེད་དགོས། སློབ་གསོ་ཚན་རྩལ་འཇོན་མི་གཞི་གཅིག་ཅན་དུ་འཕེལ་རྒྱས་གཏོང་བ། རིགས་དབྱེ་ནས་མཐོ་རིམ་སློབ་གྲྭའི་བཅོས་བསྒྱུར་དང་འཕེལ་རྒྱས་ལ་སྐུལ་འདེད་གཏོང་བ། ཚན་རྩལ་ལམ་ལུགས་བཅོས་བསྒྱུར་བྱས་ནས་གསར་གཏོད་དང་ལས་བཏོད་ཀྱི་འཇོན་མི་གཅིག་བསྡུས་བྱེད་དགོས།

ཚང་འཛོམས་གྲོས་ཚོགས་སུ་བཏོན་དོན། ས་ཁོངས་མཐུན་སྦྱོར་འཕེལ་རྒྱས་གཏོང་བའི་བཀོད་པ་གསར་པ་མགྱོགས་མྱུར་བསྐྲུན་དགོས། ཁྲེང་ཏུའུ་དང་ཁྲུང་ཆིང་ས་ཁུལ་གཉིས་ཀྱི་དཔལ་འབྱོར་ཁུལ་གྱི་སྤྱིའི་འགྲན་རྩོད་ནུས་ཤུགས་མཐུན་སྦྱོར་ངང་མཐོར་འདེགས་གཏོང་བ་དང་། དཔལ་འབྱོར་གྱི་གཞོགས་འདེགས་དང་འགྱེད་འཕྲོ་སྣེ་ཁྲིད་བྱེད་ནུས་ཇེ་དྲག་གཏོང་བ། གསར་གཏོད་ཀྱི་ཐོན་ཁུངས་གཅིག་བསྡུས་དང་ལུགས་བསྒྱུར་བྱེད་ནུས་ཇེ་དྲག་གཏོང་བ། བཅོས་བསྒྱུར་གཅིག་འདུས་དང་སྒོ་འབྱེད་བྱེད་ནུས་ཇེ་དྲག་བཏང་ནས། མི་འབོར་ནང་འདྲེན་དང་ཕྱོགས་བསྡུས་ཞབས་ཞུའི་ནུས་པ་ཇེ་དྲག་གཏོང་དགོས། ཁོངས་ལྔ་མཉམ་དར་འཕེལ་རྒྱས་གཏོང་བ་དང་། སྒུལ་ནུས་ལྡན་པའི་སྣེ་ཁྲིད་ནུས་པ་བསྐྲུན་པ། སྟོབས་ལྡན་ཞིང་ཆེན་གྱི་ས་ཁོངས་དཔལ་འབྱོར་ལྟེ་གནས་ཟུར་པ་དང་ས་ཁོངས་ལྟེ་གནས་གྲོང་ཁྱེར་བསྐྲུན་པ། གྲོང་ཁྱེར་འཕེལ་རྒྱས་ཀྱི་གསོན་ཤུགས་ཇེ་དྲག་བཏང་ནས། ས་ཁུལ་ཆེན་པོ་ལྔ་ཁྱད་ཆོས་ཅན་གྱིས་འཕེལ་རྒྱས་གཏོང་དགོས། རྫོང་ཁོངས་དཔལ་འབྱོར་འཕེལ་རྒྱས་དང་རྒྱ་སྐྱེད་པ། རིམ་པ་དུང་ཕྱུར་སྟོང་རིམ་པའི་སྟོབས་ལྡན་རྫོང་དང་སྟོབས་ལྡན་ཆུས་ཀྱི་གནས་བསྐྲུན་པ། ཁྱད་ལྡན་རྫོང་ཁོངས་འཕེལ་རྒྱས་རྒྱ་སྐྱེད་དེ། ལྟེ་གནས་གྲོང་རྡལ་ཇེ་དྲག་དང་ཇེ་ལེགས་སུ་གཏོང་དགོས།

ཚང་འཛོམས་གྲོས་ཚོགས་སུ་བཏོན་དོན། གྲོང་ཁྱེར་དང་གྲོང་གསེབ་མཉམ་དུ་འཕེལ་རྒྱས་ཡག་པོ་གཏོང་དགོས། སྤུས་ཚད་མཐོན་པོས་མི་གཙིགས་སུ་འཛིན་པའི་གྲོང་ཁྱེར་དང་གྲོང་རྡལ་ཅན་གསར་པ་འཛུགས་སྐྱོང་དང་། ཞིང་ལས་མི་འབོར་མགྱོགས་པོར་གྲོང་ཁྱེར་ནང་འདྲེས་པ། དེང་རབས་ཅན་གྱི་གྲོང་ཁྱེར་མ་ལག་ལེགས་བཅོས་བྱས་ནས། རྫོང་མཁར་གྱི་ཕྱོགས་བསྡུས་ཐེག་ཤུགས་ཆེ་རུ་གཏོང་དགོས། དེང་རབས་ཞིང་ལས་མགྱོགས་པོར་འཕེལ་རྒྱས་གཏོང་བ་དང་། འབྲུ་རིགས་སོགས་ཞིང་ལས་ཐོན་རྫས་མཁོ་འདོན་འགན་སྲུང་ནུས་པ་ཇེ་དྲག་ཏུ་གཏོང་ཞིང་། ཞིང་ལས་ཀྱི་ཐོན་ལས་མ་ལག་ཡོངས་རིམ་པ་སྤར་བ། ཞིང་ལས་ཚན་རྩལ་གསར་གཏོད་ཐད་ཤུགས་འདོན་དགོས། བདེ་སྡོད་ལས་བརྩོན་གྱི་འཆམ་མཐུན་གྲོང་གསེབ་འཛུགས་སྐྱོང་དང་། གྲོང་གསེབ་འཛུགས་སྐྲུན་གྱི་ཆུ་ཚད་རྒྱུན་ཆད་མེད་པར་མཐོར་འདེགས། ཞིང་པར་ཡུན་རིང་བོར་ཡོང་སྒོ་བརྟན་པོ་རག་བཅུག་ནས། སི་ཁྲོན་གྲོང་གསེབ་ཀྱི་དར་སྲོལ་གསར་པ་འཛུགས་སྐྱོང་བྱེད་པའི་བྱ་སྤྱོད་ལག་ལེན་བསྟར་དགོས། རྒྱུན་རྣམ་ཅན་གྱི་དབུལ་ལོག་དབུལ་འགྱུར་འགོག་པའི་ནང་རྐྱེན་གཅིག་བསྡུས་འཛུགས་སྐྱོང་བྱས་ནས། དར་རྒྱས་ཞན་པའི་རྫོང་ཁོངས་ལ་ཁྱོན་ཡོངས་རང་བཞིན་གྱི་རོགས་སྐྱོར་བྱེད་པ་དང་། གྲོང་ཁྱེར་དང་གྲོང་གསེབ་ཀྱི་རྒྱུ་ཆ་ཕན་ཚུན་མཉམ་འདྲེས་ཡོང་བར་སྐུལ་དགོས།

ཚང་འཛོམས་གྲོས་ཚོགས་སུ་བཏོན་དོན། བཅོས་བསྒྱུར་ཟབ་མོ་དང་ཆུ་ཚད་མཐོ་བའི་སྒོ་འབྱེད་ལ་གཅིག་གྱུར་འཆར་འགོད་བྱེད་པ་དང་། རྒྱལ་ཡོངས་ཀྱི་གཅིག་གྱུར་ཁྲོམ་ར་ཆེན་པོའི་ནང་ཞུགས་དགོས། ལས་རིགས་སོ་སོའི་ཚོང་གཉེར་མཁན་གྱི་གསོན་ཤུགས་འདོན་སྤེལ་གང་ཐུབ་དང་། རྒྱལ་དབང་རྒྱུ་ནོར་དང་རྒྱལ་དབང་ཁེ་ལས་ལ་བཅོས་བསྒྱུར་ཟབ་མོ། དམངས་གཉེར་ཁེ་ལས་ཀྱི་ཞབས་ཞུའི་མ་ལག་འཐུས་ཚང་། མ་རྩ་ཚོད་འཛིན་ལྟེ་བར་བཟུང་ནས་ཁྱོན་ཡོངས་ནས་ཚོང་གཉེར་ཁོར་ཡུག་ལེགས་བཅོས་བྱ་དགོས། ནང་མཁོའི་ཡུན་ཕན་ནང་རྐྱེན་འཐུས་ཚང་དང་རྒྱ་བསྐྱེད་པ། འཛད་སྤྱོད་གཏིང་ཤུགས་འདོན་སྤེལ་ཡག་པོ། བསྟུད་མར་ནུས་ལྡན་མ་འཇོག་རྒྱ་བསྐྱེད་དེ། ནོར་སྲིད་ཐོན་ཁུངས་ཀྱི་སྒྲིག་སྦྱོར་ནུས་ཆོད་མཐོར་འདེགས་གཏོང་དགོས། ནུབ་ཕྱོགས་སུ་སྒོ་འབྱེད་པའི་འཐབ་ཇུས་འཕེལ་ཁ་དར་ས་དང་རྒྱལ་སྤྱིའི་འགྲན་རྩོད་ཀྱི་རྟེན་གཞི་གསར་པ་འཛུགས་པའི་ནང་ཞུགས་ནས། སྒོ་འབྱེད་ཐབས་ལམ་དང་སྟེགས་བུ། ལྟེ་གནས་འཛུགས་སྐྱོང་བཅས་ལ་གཅིག་གྱུར་འཆར་འགོད་བྱས་ནས། སྒོ་འབྱེད་རང་བཞིན་གྱི་དཔལ་འབྱོར་གསར་གཏོད་དང་འཕེལ་རྒྱས་གཏོང་དགོས།

ཚང་འཛོམས་གྲོས་ཚོགས་སུ་བཏོན་དོན། དུས་རབས་གསར་པའི་རིག་གནས་དར་བའི་ཞིང་ཆེན་མགྱོགས་པོར་འཛུགས་དགོས། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་དར་སྤེལ་ལག་བསྟར་བྱེད་དགོས་ལ། བསམ་བློ་ཆབ་སྲིད་ཀྱི་སྣེ་ཁྲིད་ཇེ་དྲག་དང་། གཙོ་རྒྱུག་གླེང་ཕྱོགས་ཀྱི་སྣེ་ཁྲིད་ཇེ་དྲག་བཏང་ནས། དུས་རབས་གསར་པའི་ཡ་རབས་སྤྱོད་བཟང་གསོ་སྐྱོང་བྱ་དགོས། སྤུས་ཚད་མཐོ་བའི་རིག་གནས་ཐོན་རྫས་དང་ཞབས་ཞུའི་འདོན་སྤྲོད་ཕུན་སུམ་ཇེ་ཚོགས་བཏང་ནས། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་འཛིན་སྐྱོང་སྤེལ་གསུམ་བྱེད་པ་དང་། རིག་རྩལ་བརྩམས་ཆོས་རྩེ་གྲ་གསར་རྩོམ་ཡག་པོ། སྤྱི་པའི་རིག་གནས་ཀྱི་ཞབས་ཞུའི་མ་ལག་འཐུས་ཚང་གཏོང་དགོས། རིག་གནས་དང་ཡུལ་སྐོར་མཉམ་དུ་འཕེལ་རྒྱས་ཡག་པོ་བཏང་ནས། མཛེས་པའི་ཐེན་ཧྥུའུ་དང་སྐྱིད་པའི་སི་ཁྲོན་ཞེས་པའི་རིག་གནས་ཡུལ་སྐོར་ཚོང་རྟགས་བསྐྲུན་གང་ཐུབ་བྱེད་དགོས་ལ། ལུས་རྩལ་སྟོབས་ལྡན་རྒྱལ་ཁབ་འཛུགས་སྐྱོང་བྱ་དགོས།

ཚང་འཛོམས་གྲོས་ཚོགས་སུ་བཏོན་དོན། འཕེལ་རྒྱས་བརྒྱུད་རིམ་ཁྲོད་དམངས་འཚོ་འགན་སྲུང་དང་ལེགས་བཅོས་རྒྱུན་འཁྱོངས་བྱེད་དགོས། སྤུས་ཚད་མཐོ་བའི་ལས་ཞུགས་མཁོ་འདོན་ཡག་པོ་དང་། ལས་ཞུགས་གཙིགས་འཛིན་གྱི་འཐབ་ཇུས་ལག་བསྟར་དོན་འཁྱོལ་བྱས་ནས། མི་ཚོགས་གཙོ་བོར་ལས་ཀ་རག་པར་ཤུགས་འདོན་པ་དང་། མི་འབོར་སྤུས་མཐོའི་འཕེལ་རྒྱས་གཏོང་བ་དང་། བུ་བཙའ་དང་ཕྲུ་གུ་དམར་འབྱར་གྱི་ཞབས་ཞུའི་རྒྱབ་སྐྱོར་ཇེ་དྲག་དང་། རྒན་གསོའི་ཞབས་ཞུའི་མ་ལག་འཛུགས་སྐྱོང་ཐད་ཤུགས་འདོན་དགོས། སྤུས་ལེགས་དོ་སྙོམས་ཀྱི་སྤྱི་པའི་ཞབས་ཞུ་མཁོ་འདོན་རྒྱ་བསྐྱེད་པ་དང་། མི་དམངས་ཡིད་ཚིམ་པའི་སློབ་གསོའི་ལས་དོན་སྒྲུབ་པ། བདེ་ཐང་སི་ཁྲོན་མགྱོགས་པོར་འཛུགས་པ། རིམ་པ་མང་བའི་སྤྱི་ཚོགས་འགན་སྲུང་མ་ལག་འཐུས་ཚང་བཏང་ནས། ཆུ་ཚད་སྔར་ལས་མཐོ་བའི་སྡོད་ཁང་བསྐྲུན་དགོས། ཐུན་མོང་འབྱོར་ཕྱུག་གི་ལག་ལེན་བྱ་ཐབས་འཚོལ་ཞིབ་ཡག་པོ་དང་། རིམ་པ་མང་བའི་ཡོང་སྒོ་བགོ་བཤའི་མ་ལག་འཛུགས་སྐྱོང་། ཕན་ཀྲི་ཧྭའི་ཐུན་མོང་ཕྱུག་འགྱུར་གྱི་ཚོད་ལྟ་ཁུལ་མགྱོགས་པོར་བཙུགས་ནས། སྣ་མང་ཕྱུག་འགྱུར་གྱི་ཐབས་ལམ་ནུས་ལྡན་འཚོལ་ཞིབ་བྱ་དགོས།

ཚང་འཛོམས་གྲོས་ཚོགས་སུ་བཏོན་དོན། འབྲི་ཆུ་དང་རྨ་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཡོལ་བརྟན་པོར་འཛུགས་དགོས། འབག་བཙོག་འགོག་བཅོས་ཀྱི་འགག་སྒྲོལ་མུ་མཐུད་ནས་གོང་དུ་སྤེལ་བ་དང་། མཁའ་དབུགས་སྤུས་ཀ་མུ་མཐུད་ནས་ལེགས་བཅོས་གཏོང་བ། ཆུའི་སྐྱེ་ཁམས་ཁོར་ཡུག་ཕྱོགས་བསྡུས་བཅོས་སྐྱོང་ཇེ་ཟབ་བཏང་ནས། ས་རྒྱུ་འབག་བཙོག་ཉེན་ཁ་སྔོན་འགོག་ཚོད་འཛིན་ཇེ་དྲག་གཏོང་དགོས། སྐྱེ་ཁམས་མ་ལག་སྣ་མང་ཅན་དང་བརྟན་བརླིང་ཅན། རྒྱུན་མཐུད་ཅན་བཅས་བརྟན་པོས་གོང་མཐོར་གཏོང་དགོས། རྒྱལ་ཁབ་གླིང་ག་གཙོ་བོར་བྱས་པའི་རང་བྱུང་སྲུང་སྐྱོང་ཁུལ་གྱི་མ་ལག་མགྱོགས་པོར་འཛུགས་སྐྲུན་དང་། རི་ཆུ་ནགས་གསུམ་དང་། ཞིང་ས་དང་མཚེའུ། རྩྭ་ཐང་། བྱེ་ཐང་བཅས་གཞི་གཅིག་ཅན་གྱི་སྲུང་སྐྱོང་དང་མ་ལག་བཅོས་སྐྱོང་ལག་བསྟར་བྱེད་དགོས། ཁྱོན་ཡོངས་འཕེལ་རྒྱས་རྣམ་པའི་ཐོག་ནས་འབག་མེད་ཐཱན་ཉུང་ལུགས་སྒྱུར་གོང་དུ་སྤེལ་བ་དང་། ཐཱན་སྙོམས་འགྱུར་བརྟན་པོའི་ངང་གོང་སྤེལ་དང་མངོན་དུ་འགྱུར་བ། འབག་མེད་ཐོན་སྐྱེད་འཚོ་བ་སྐྱེལ་སྟངས་ཆགས་པར་བྱེད་དགོས།

ཚང་འཛོམས་གྲོས་ཚོགས་སུ་བཏོན་དོན། ཆུ་ཚད་སྔར་བས་མཐོ་བའི་བདེ་འཇགས་སི་ཁྲོན་དང་ཁྲིམས་སྐྱོང་སི་ཁྲོན་འཛུགས་སྐྲུན་བྱེད་དགོས། ཁྱོན་ཡོངས་ཁྲིམས་ལྟར་ཞིང་ཆེན་སྐྱོང་བ་གོང་སྤེལ་ཟབ་མོ་དང་། ཚན་རིག་དང་མཐུན་པའི་ཁྲིམས་འཛུགས་དང་། ཁྲིམས་འཛིན་ནན་མོ། ཁྲིམས་འཛིན་དྲང་བདེན། དམངས་ཡོངས་ཀྱིས་ཁྲིམས་སྲུང་བ་བཅས་མཐུན་སྦྱོར་གོང་སྤེལ་གཏོང་དགོས། བདེ་འཇགས་བཀོད་པ་གསར་པ་མགྱོགས་མྱུར་འཛུགས་པ་དང་། རྒྱལ་ཁབ་ཀྱི་ཆབ་སྲིད་བདེ་འཇགས་བློ་ཐག་རྦད་ཆོད་ཀྱིས་བརྟན་པོར་སྲུང་བ། དཔལ་འབྱོར་ཉེན་མེད་དང་། མི་དམངས་ཀྱི་ཚེ་སྲོག་ཉེན་མེད་ཡོང་བར་འགན་སྲུང་མཐའ་ཅིག་ཏུ་བྱེད་པ། སྤྱི་པའི་བདེ་འཇགས་མཐའ་ཅིག་ཏུ་སྲུང་སྐྱོང་བྱེད་དགོས། སྤྱི་ཚོགས་བཅོས་སྐྱོང་མ་ལག་འཐུས་ཚང་གཏོང་བ་དང་། སྤྱི་ཚོགས་བཅོས་སྐྱོང་དེང་རབས་ཅན་ལ་གཏོང་དགོས། བབ་བསྟུན་དོ་དམ་མ་ལག་དང་ནུས་པ་དེང་རབས་ཅན་ལ་འགྱུར་ཅི་ཐུབ་བྱེད་དགོས།

ཚང་འཛོམས་གྲོས་ཚོགས་སུ་ནན་པོར་བསྟན་དོན། སྟོབས་ཤུགས་གཅིག་ཏུ་བསྡུས་ཏེ་ལོ་ལྔའི་འཆར་འགོད་བཅོ་ལྔ་པ་འགྲུབ་ཆེད་འབད་དེ། ཏང་གི་ཁྱོན་ཡོངས་འགོ་ཁྲིད་རྒྱུན་འཁྱོངས་དང་ཇེ་དྲག་གཏོང་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་མཆན་འགོད་གལ་ཆེན་གྱི་དགོངས་དོན་ལག་བསྟར་ལྟ་སྐུལ་ནང་རྐྱེན་འཐུས་ཚང་དང་། དཔལ་འབྱོར་སྤྱི་ཚོགས་འཕེལ་རྒྱས་ཐད་འགོ་ཁྲིད་ནུས་པ་དང་ཆུ་ཚད་མཐོར་འདེགས། མུ་མཐུད་དེ་ཏང་གི་ཆབ་སྲིད་ལེགས་ཆ་དང་རྩ་འཛུགས་ལེགས་ཆ་འཕེལ་རྒྱས་མཐུན་རྐྱེན་དང་བཅོས་སྐྱོང་ནུས་ཆོད་དུ་བསྒྱུར་དགོས། རྒྱུན་འཁྱོངས་ལྷོད་དུ་མེད་པར་ཁྱོན་ཡོངས་ཏང་ནན་སྐྱོང་གཏོང་དགོས་པ། མུ་མཐུད་དེ་ཆབ་སྲིད་བརྡར་ཤ་ནུས་པ་དང་ཆབ་སྲིད་གོ་རྟོགས་ནུས་པ། ཆབ་སྲིད་ལག་ལེན་ནུས་པ་ཆེ་རུ་བཏང་ནས། བྱང་ཚད་མཐོན་པོའི་ལས་བྱེད་དཔུང་ཚོགས་འཛུགས་སྐྱོང་ཇེ་དྲག་དང་། ཏང་གི་ཀུན་སྤྱོད་འཛུགས་སྐྱོང་རྒྱུན་རྣམ་ཅན་དང་ཡུན་ཕན་ཅན་དུ་གཏོང་བ། བློ་བརྟན་འགྱུར་མེད་ཀྱིས་རུས་སུངས་ལ་ངོ་རྒོལ་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཁག་ཐེག་བརྟན་པོ་བྱ་དགོས། ཕྱོགས་སོ་སོའི་སྟོབས་ཤུགས་གཅིག་བསྡུས་བཀོད་སྒྲིག་དང་། འཆར་འགོད་གཏན་འབེབས་དང་ལག་ལེན་ནང་རྐྱེན་འཐུས་ཚང་། སྤྱི་ཚོགས་ཡོངས་ཀྱི་བརྩོན་སེམས་དང་རང་རྟོགས་གསར་གཏོད་ནུས་པ་ཡོངས་སུ་བཏོན་ནས། ཞིང་ཆེན་ཡོངས་ཀྱི་མི་རིགས་ཁག་གི་མི་དམངས་ཀྱི་ལས་སྒྲུབ་ལས་གཏོད་དང་གསར་གཏོད་བཟོ་བསྐྲུན་གྱི་ནུས་པ་ཡོངས་སུ་བསླང་དགོས།

ཚང་འཛོམས་གྲོས་ཚོགས་སུ་བསྟན་དོན། ཞིང་ཆེན་ཏང་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བརྒྱད་པའི་སྙིང་དོན་སློབ་སྦྱོང་དྲིལ་བསྒྲགས་དང་ལག་ལེན་དོན་འཁྱོལ་ནི་མིག་སྔ་དང་ཕྱིན་ཆད་དུས་སྐབས་ཞིག་ཏུ་ཞིང་ཆེན་གོང་འོག་ཡོངས་ཀྱི་ཆབ་སྲིད་ལས་འགན་གལ་ཆེན་ཡིན་པས། ཚ་ཚ་འུར་འུར་གྱིས་ཚང་འཛོམས་གྲོས་ཚོགས་ཀྱི་སྙིང་དོན་དྲིལ་བསྒྲགས་དང་ལག་ལེན་བསྟར་དགོས་ལ། ལོ་ལྔའི་འཆར་འགོད་བཅོ་ལྔ་པའི་རིང་གི་ལོ་རྒྱུས་གོ་གནས་དང་གནས་བབ་འགྱུར་ལྡོག་ཁོང་དུ་ཡང་དག་ཆུད་ཅིང་། ལོ་ལྔའི་འཆར་འགོད་བཅོ་ལྔ་པའི་དུས་ཀྱི་སི་ཁྲོན་འཕེལ་རྒྱས་ཀྱི་འགན་འཁྲི་གལ་ཆེན་དང་འཐབ་ཕྱོགས་ཁོང་དུ་ཡང་དག་ཆུད་པ། ལོ་ལྔའི་འཆར་འགོད་བཅོ་ལྔ་པའི་སྐབས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་མཐོ་རིམ་ཇུས་འགོད་དང་སྤྱིའི་ཇུས་འགོད་ཁོང་དུ་ཡང་དག་ཆུད་པ། ལོ་ལྔའི་འཆར་འགོད་བཅོ་ལྔ་པའི་དུས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་རྩ་བའི་འགན་སྲུང་ཁོང་དུ་ཡང་དག་ཆུད་དེ། རྒྱ་ཆེ་བའི་ཏང་ཡོན་ལས་བྱེད་ཀྱི་བསམ་བློ་ཏང་ཀྲུང་དབྱང་དང་ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་ཐོག་གཅིག་འགྱུར་བྱ་དགོས། ཚང་འཛོམས་གྲོས་ཚོགས་ཀྱི་སྙིང་དོན་ལག་ལེན་ཏན་ཏིག་བསྟར་ཞིང་། འབེན་ལ་དམིགས་ནས་དོན་ཐོག་འཁྱོལ་བར་དང་ལས་གཞི་ལ་དམིགས་ནས་དོན་ཐོག་འཁྱོལ་བ། ལས་འགན་ལ་དམིགས་ནས་དོན་འཁྱོལ་དང་རྒྱུ་རྐྱེན་ལ་དམིགས་ནས་དོན་ཐོག་འཁྱོལ་བ། འགན་འཁྲི་ལ་དམིགས་ནས་དོན་ལ་འཁྱོལ་ཏེ། དོ་དོ་ཏན་ཏན་གྱི་སྤྱོད་ཚུགས་ཀྱིས་ཞིང་ཆེན་ཏང་ཨུའི་བཀོད་སྒྲིག་ཁག་གཞི་རིམ་དུ་ཕན་འབྲས་ཐོན་པར་བྱས་ཏེ། མུ་མཐུད་དེ་སི་ཁྲོན་བཅོས་སྐྱོང་དར་རྒྱས་ཐད་བྱ་གཞག་འཕེལ་རྒྱས་ཀྱི་རྣམ་པ་གསར་པ་གཏོད་དགོས།

ཚང་འཛོམས་གྲོས་ཚོགས་སུ་ལོ་གསར་རྙིང་མཚམས་ཀྱི་ལས་ཀར་བླང་བྱ་བཏོན་ཏེ། ཤུགས་ཆེན་པོ་བརྒྱབ་སྟེ། དམིགས་ཚད་མཇུག་བསྒྲིལ་དང་སྲིད་ཇུས་མཇུག་བསྒྲིལ། མ་དངུལ་མཇུག་བསྒྲིལ། མ་གཏོང་མཇུག་བསྒྲིལ་སོགས་ཀྱི་ལས་ཀར་གཅིག་གྱུར་དམ་འཛིན་བྱས་ནས་ལོ་ཧྲིལ་པོའི་དམིགས་འབེན་འགྲུབ་གང་ཐུབ་བྱ་དགོས། ཚན་རིག་དང་མཐུན་པའི་སྒོ་ནས་སང་ལོའི་ལས་ཀ་འཆར་འགོད་དང་། དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱིའི་བསམ་ཕྱོགས་དང་དམིགས་འབེན་ལས་འགན། བྱེད་ཐབས་གལ་ཆེན། རྒྱུ་རྐྱེན་འགན་སྲུང་སོགས་ཀྱི་ཐད་བསམ་བློ་ཡག་པོ་གཏོང་བ་དང་འཆར་གཞི་ཡག་པོ་བཀོད་པ། ལས་ཞུགས་བརྟན་པོ་དང་ཁེ་ལས་བརྟན་པོ། ཁྲོམ་ར་བརྟན་པོ། སྔོན་དཔག་བརྟན་པོ་ཡོང་བའི་སྲིད་ཇུས་བྱེད་ཐབས་སྔོན་ལ་འཐུས་ཚང་ཡག་པོ་བཏང་ནས། དཔལ་འབྱོར་བརྟན་ཐོག་ཡར་འཕེལ་ཡོང་བའི་འཕེལ་ཕྱོགས་བརྟན་པོ་དང་རྒྱ་བསྐྱེད་དགོས། དམངས་འཚོ་འགན་སྲུང་དང་ལེགས་སུ་གཏང་བ་དང་། ཚོགས་སྤྱི་གཙོ་བོར་དམིགས་ནས་ལྟ་སྐྱོང་འཚམས་འདྲིའི་ལས་ཀ་ཡག་པོ་བསྒྲུབ་པ་དང་། ཞིང་པ་གླ་པའི་གླ་ཕོགས་དུས་ལས་འགྱངས་པ་བཅོས་སྐྱོང་ནན་ཏིག་བྱེད་ཅིང་། དམངས་འཚོའི་ཚོང་རྫས་ཐོན་སྐྱེད་དང་སིལ་ཚོང་མཁོ་འདོན་ལ་འགན་སྲུང་། དགུན་དུས་ནུས་ཁུངས་སྤྱོད་མང་དུས་ལ་འགན་སྲུང་སོགས་ཀྱི་ལས་ཀ་ཡག་པོ་བསྒྲུབས་ནས། མི་དམངས་མང་ཚོགས་ཀྱིས་དྲོད་ཁོལ་ངང་དགུན་སྐྱེལ་བ་དང་སྤྲོ་སྐྱིད་ངང་ལོ་སར་བར་འགན་སྲུང་བྱ་དགོས། སྤྱི་ཚོགས་ཀྱི་ཁྱོན་ཡོངས་བརྟན་པོར་ཡོང་བར་འགན་སྲུང་བྱེད་པ་དང་། ཉེན་མེད་ཐོན་སྐྱེད་ཀྱི་རྩ་བཅོས་འགག་སྒྲོལ་བྱ་སྤྱོད་མཐར་ཕྱིན་སྤེལ་བ། དུས་མཉམ་དུ་གཞུང་ལམ་ཉེན་མེད་དང་གྲོང་ཁྱེར་གྱི་སོལ་རླངས། གནོད་སེལ་རྒུད་སྐྱོབ་དང་། ནགས་རྩྭའི་མེ་ཟོན་མེ་གསོད་དང་། དངུལ་རྩའི་ཉེན་ཁ་འགོག་ཟོན་སོགས་ལས་ཀ་གཙོ་བོ་ཡག་པོ་བསྒྲུབ་ཅིང་། འགལ་བ་དང་ཉེན་ཁ་བསལ་ནས་སྤྱི་ཚོགས་བརྟན་བརླིང་སྲུང་སྐྱོང་གི་ཆེད་དོན་བཅོས་སྐྱོང་མཐར་ཕྱིན་སྤེལ་ཏེ་བདེ་འཇགས་ཆུ་ཚད་མཐོན་པོས་འཕེལ་རྒྱས་སྤུས་ཚད་མཐོན་པོར་ཡོང་བར་འགན་སྲུང་བྱ་དགོས།།

ཚང་འཛོམས་གྲོས་ཚོགས་སུ《ཀྲུང་གོ་གུང་ཁྲན་ཏང་གི་སྒྲིག་ཡིག》དང《ཀྲུང་གོ་གུང་ཁྲན་ཏང་གི་ས་གནས་ཨུ་ལྷན་གྱི་ལས་ཀའི་སྲོལ་ཡིག》གི་འབྲེལ་ཡོད་གཏན་འབེབས་གཞིར་བཟུང་ནས། བློ་མཐུན་ལི་ཝུན་ཆིན་དང་། ཞ་ཧྥུང་ཅན། ཡོན་ཧྥང་། ཧྲིན་དབྱང་བཅས་སི་ཁྲོན་ནས་ལས་གནས་གཞན་ལ་བརྗེས་ཏེ་ཞིང་ཆེན་ཏང་ཨུའི་ཨུ་ཡོན་གྱི་ལས་འགན་དགོངས་ཞུར་ཆོག་མཆན་སྤྲད་པ་དང་། བློ་མཐུན་ལི་ཝུན་ཞིན་སི་ཁྲོན་ནས་ལས་གནས་གཞན་ལ་བརྗེས་ཏེ་ཞིང་ཆེན་ཏང་ཨུའི་རྗེས་སྣོན་ཨུ་ཡོན་གྱི་ལས་འགན་དགོངས་ཞུར་ཆོག་མཆན་གནང་།

ཚང་འཛོམས་གྲོས་ཚོགས་སུ་ཞིང་ཆེན་གོང་འོག་ཡོངས་ཀྱིས་སྔར་བས་དམ་ཟབ་ཀྱི་སྒོ་ནས་བློ་མཐུན་ཞི་ཅིན་ཕིང་གིས་སྲོག་ཤིང་མཛད་པའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་བྱས་ཏེ། འགན་འཁྲི་ཕྲག་ཏུ་ལེན་པ་དང་། དཀའ་སྤྱད་སྡུག་རུས། འབད་པ་ལྷོད་མེད་ཀྱིས་དུས་རབས་ལ་ངོ་གནོང་མི་དགོས་པ་དང་། མི་དམངས་ལ་ངོ་གནོང་མི་དགོས་པའི་འཕེལ་རྒྱས་གྲུབ་འབྲས་གཏོད་ནས། ཀྲུང་གོའི་ལུགས་ཀྱི་དེང་རབས་ཅན་གྱི་སི་ཁྲོན་གྱི་ལེའུ་གསར་པ་གཏོད་པར་འབད་པ་ལྷོད་མེད་བྱེད་པའི་འབོད་སྐུལ་བཏང་བ་རེད།།

（ ཁམས་པའི་བརྙན་འཕྲིན་ལས་དྲངས། ）