གསར་འགོད་པས་ཉེ་ཆར་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་ནས་ཤེས་རྟོགས་བྱུང་བར་གཞིགས་ན། 2025ལོར་སི་ཁྲོན་དུ་མྱུར་བགྲོད་གཞུང་ལམ་གྱི་ལས་གཞི（གཞུང་ལམ་དུམ་བུ）15བསྐྲུན་ནས་རླངས་འཁོར་ཤར་གཏོང་ཐུབ་རྒྱུ་ཡིན་ལ། ཁྱོན་སྤྱི་ལེ900ཡོད་པ་རེད། “ལོ་ལྔའི་འཆར་འགོད་བཅུ་བཞི་པ”ནས་བཟུང་སི་ཁྲོན་དུ་གསར་དུ་བསྐྲུན་པའི་མྱུར་བགྲོད་གཞུང་ལམ་སྤྱི་ལེ3000ལས་བརྒལ་ཡོད། ད་ལོའི་ལོ་མཇུག་ཏུ་སླེབས་སྐབས་ཞིང་ཆེན་ཡོངས་ཀྱི་མྱུར་བགྲོད་གཞུང་ལམ་ཤར་གཏོང་ལམ་ཐག་སྤྱི་ལེ་ཁྲི1.1ལ་ཟིན་ནས་རྒྱལ་ཡོངས་ཀྱི་མདུན་གྲས་གསུམ་པར་སླེབས་པ་རེད།

མྱུར་བགྲོད་གཞུང་ལམ་རེ་རེ་ལས་སི་ཁྲོན་ཀྱི་ལམ་བགྲོད་དཀའ་བ་ནས་ལམ་ཤར་བགྲོད་ཐུབ་པར་ར་སྤྲོད་བྱུང་ཞིང་།དེ་ནི་སི་ཁྲོན་གྱི་འགྲིམ་འགྲུལ་འཕོ་འགྱུར་གྱི་བསྡུས་རིས་ཡིན་ལ། སི་ཁྲོན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་མཆོང་བརྒལ་གསར་པ་མངོན་འགྱུར་བྱེད་པའི་འདེགས་སྐྱོར་གལ་ཆེན་ཞིག་ཀྱང་ཡིན།

རྒྱལ་ཁབ་ཀྱི་འཐབ་ཇུས་ལ་ཞབས་འདེགས་ཞུ་བས་ཁྲེང་ཏུའུ་དང་ཁྲུང་ཆིང་ས་ཁུལ་གྱི་གྲོང་ཁྱེར་གཉིས་ཀྱི་དཔལ་འབྱོར་འཁོར་སྐྱོད་འབྲེལ་མཐུད་སྔར་ལས་དམ་ཟབ་བྱུང་སྟེ། ཟླ་འདིའི་ཟླ་མཇུག་ཏུ་ཐུང་ཙི་མྱུར་བགྲོད་གཞུང་ལམ（ཁྲུང་ཆིང་ཐུང་ལིའང་ནས་སི་ཁྲོན་ཙི་ཀྲུང་བར）ལམ་ཐིག་ཧྲིལ་པོར་རླངས་འཁོར་ཤར་གཏོང་ཐུབ་རྒྱུ་ཡིན་པ་དང་།དེ་ནི་སི་ཁྲོན་ནས་ཁྲུང་ཆིང་བར་གྱི་མྱུར་བགྲོད་གཞུང་ལམ17པ་དེ་རེད།

（ པར་ངོས་གཉིས་པར་གཟིགས）