སྤྱི་ཟླ་དང་པོའི་ཚེས6ཉིན། ཁུལ་ཡོངས་ཀྱི་ཆོས་ལུགས་ལས་རིགས་ཀྱི་འཐུས་ཚབ་མི་སྣའི་བཞུགས་མོལ་ཚོགས་འདུ་འཚོགས། ཁུལ་ཨུའི་ཧྲུའུ་ཅི་ཀྲའོ་པོ་ཚོགས་འདུར་ཞུགས་པ་དང་འབྲེལ་གསུང་བཤད་ཀྱང་གནང་བ་རེད། ཁོང་གིས་བསྟན་དོན། ཆོས་ལུགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་ལེན་མཐར་ཕྱིན་བསྟར་བ་དང་དུས་རབས་གསར་པའི་ཏང་གི་ཆོས་ལུགས་ལས་དོན་གྱི་རིགས་པའི་གཞུང་ལུགས་དང་བྱེད་ཕྱོགས་སྲིད་ཇུས་ཕྱོགས་ཡོངས་ནས་དོན་ལ་འཁྱོལ་བ། ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་འདུ་ཤེས་བརྟན་པོར་འཆང་རྒྱུ་གཙོ་རྐང་དུ་བྱེད་པ་དང་། རང་རྒྱལ་ཆོས་ལུགས་ཀྲུང་གོ་ཅན་གྱི་ཁ་ཕྱོགས་མཐའ་འཁྱོངས་པ། ཆོས་ལུགས་ཞི་མཐུན་དང་སྤྱི་ཚོགས་འཆམ་མཐུན། མི་རིགས་མཐུན་འགྲིག་བཅས་ཡོང་བར་སྐུལ་འདེད་བཏང་ནས། དཀར་མཛེས་ཁུལ་ཡུན་རིང་བདེར་འཁོད་དང་འཕེལ་རྒྱས་སྤུས་ཚད་མཐོན་པོར་ཡོང་ཆེད་བློ་གྲོས་དང་སྟོབས་ཤུགས་འབུལ་དགོས།

ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཡིས་བཞུགས་མོལ་ཚོགས་འདུ་གཙོ་སྐྱོང་གནང་བ་དང་། ཁུལ་ཨུའི་ཧྲུའུ་ཅི་གཞོན་པ། སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀའོ་ཀྲན་བཞུགས་མོལ་ཚོགས་འདུར་ཞུགས་ཡོད་པ་རེད།

བཞུགས་མོལ་ཚོགས་འདུར་སྐུ་བཅར་ཡོན་ཏན་རྒྱ་མཚོ་དང་། ཚུལ་ཁྲིམས་བློ་གྲོས། ཆོས་ཀྱི་གྲགས་པ། རྒྱ་ནག་སྐུ་ཕྲེང་བཅུ་བཞི་པ། ཚེ་དབང་བསྟན་འཛིན། ཧོང་ཞུས་སུང་། ཞན་ཁོ་ཕིན། མ་ཡུས་ཡོན་བཅས་ཆོས་ལུགས་ལས་རིགས་ཀྱི་འཐུས་ཚབ་མི་སྣ8ཀྱིས་དོན་དངོས་དང་ཟུང་འབྲེལ་བྱས་ཏེ"རྒྱལ་ཁབ་ཀྱི་འདུ་ཤེས་དང་། སྤྱི་དམངས་ཀྱི་འདུ་ཤེས། ཁྲིམས་སྐྱོང་གི་འདུ་ཤེས"བཅས་ཀྱི་སློབ་གསོར་དམིགས་ནས་མྱོང་ཚོར་གླེང་སྟེ། ཁུལ་ཡོངས་ཀྱི་ཆོས་ལུགས་ལས་རིགས་འཐུས་ཚབ་མི་སྣས་སེམས་གཏིང་ནས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲངས་ནས་སྤྱི་ཚོགས་རིང་ལུགས་དེང་རབས་ཅན་གྱི་དཀར་མཛེས་ཁུལ་གསར་པ་འཛུགས་པའི་ཁྲོད་དུ་ཧུར་ཐག་གིས་ཞུགས་པའི་ཐུན་མོང་གི་བསམ་འདུན་མཚོན་ཡོད།

ཀྲའོ་པོ་ཡིས་བསྟན་དོན། ད་ལོ་ནི"ལོ་ལྔའི་འཆར་འགོད་བཅོ་ལྔ་པ"འགོ་ཚུགས་པའི་ལོ་ཡིན་ལ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་ཐོག་འབྱུང་འགྱུར་ལོ་ལྔའི་རིང་གི་ཀྲུང་གོའི་འཕེལ་རྒྱས་ལ་རྩེ་རིམ་ཇུས་འགོད་དང་འཐབ་ཇུས་བཀོད་ཡོད། ཞིང་ཆེན་ཏང་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བརྒྱད་པས་མ་འོངས་པའི་ལོ་ལྔའི་རིང་གི་སི་ཁྲོན་ལག་ལེན་ལ་འཆར་རིས་བཀོད་པ་དང་བྱ་སྤྱོད་ཀྱི་རྩ་འཛིན་བཏོན་ཡོད། ཏང་ཀྲུང་དབྱང་དང་ཞིང་ཆེན་ཏང་ཨུས་གཏན་འབེབས་བྱས་པའི"ལོ་ལྔའི་འཆར་འགོད་བཅོ་ལྔ་པ"ཡི་གྲོས་འགོ་ཚང་མའི་ནང་རང་རྒྱལ་ཆོས་ལུགས་ཀྲུང་གོ་ཅན་གྱི་ཁ་ཕྱོགས་རྒྱུན་འཁྱོངས་དགོས་པ་བསྟན་ཡོད། ཁུལ་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བཅུ་པས་ཀྱང་ཆོས་ལུགས་ལས་རིགས་ཀྱི་འཐུས་ཚབ་མི་སྣའི་དཔུང་ཁག་འཛུགས་སྐྱོང་ལ་ཤུགས་རྒྱག་རྒྱུའི་ཐད་འཆར་འགོད་ཞིབ་ཕྲ་བྱས་ཡོད། ཁུལ་ཡོངས་ཀྱི་རྒྱ་ཆེའི་ཆོས་ལུགས་ལས་རིགས་མི་སྣས“ཆབ་སྲིད་ཐད་བློས་འགེལ་ཆོག་པ། ཆོས་ལུགས་ཐད་མཁྱེན་རྒྱ་ཡངས་པ། ཀུན་སྤྱོད་ཐད་མང་ཚོགས་ཀྱིས་ཁས་ལེན་པ། འགག་རྩའི་དུས་སུ་ནུས་པ་ཐོན་པ་བཅས”ཚད་གཞིར་བྱས་ཏེ་བསམ་བློ་དང་བྱ་སྤྱོད་དེ་ཏང་ཀྲུང་དབྱང་དང་ཞིང་ཆེན་ཏང་ཨུ། ཁུལ་ཨུའི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བར་བྱས་ནས་རང་རྒྱལ་ཆོས་ལུགས་ཀྲུང་གོ་ཅན་དཀར་མཛེས་ཁུལ་གྱི་ལག་ལེན་ལ་མཉམ་དུ་སྐུལ་བའི་ཐད་གོང་འཕེལ་གསར་པ་དེ་བས་ཆེན་པོ་ཡོང་བ་དང་། ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་བརྩམ་ཆེད་བྱས་རྗེས་དེ་བས་ཆེ་བ་གཞག་དགོས།

ཀྲའོ་པོ་ཡིས་ནན་གསུང་གནང་དོན། དུས་རབས་གསར་པར་བླང་བྱ་གསར་པ་ཡོད་པས་ཆོས་ལུགས་ལས་རིགས་ཀྱི་མི་སྣས་དུས་བསྟུན་མདུན་སྐྱོད་བྱས་ནས་རྒྱལ་ཁབ་དང་མི་དམངས་ཀྱིས་སྤྲད་པའི་ལས་འགན་དང་འགན་འཁྲི་ཡག་པོ་འཁུར་དགོས། （ པར་ངོས་བཞི་པར་གཟིགས།）