སྤྱི་ཟླ་དང་པོའི་ཚེས20ཉིན། དཀར་མཛེས་ཡན་ལག་དམག་ཁུལ་ཏང་ཨུའི་ཧྲུའུ་ཅི་དང་པོའི་འགན་བསྐོ་ཁྱབ་བསྒྲགས་ཚོགས་འདུ་འཚོགས་པ་རེད། ཞིང་ཆེན་དམག་ཁུལ་གྱི་ཧྲའོ་ཅང་དམག་སྤྱི་ལིའུ་སེན་ཚོགས་འདུར་ཞུགས་ཤིང་། ཞིང་ཆེན་དམག་ཁུལ་ཏང་ཨུའི་ལས་འགན་བསྐོ་བཞག་གཏན་འབེབས་སྒྲོག་སྦྱང་བྱས་པ་སྟེ། བློ་མཐུན་ཀྲའོ་པོ་ཡིས་དཀར་མཛེས་ཡན་ལག་དམག་ཁུལ་ཏང་ཨུའི་ཨུ་ཡོན་དང་། རྒྱུན་ལས་ཨུ་ཡོན།ཧྲུའུ་ཅི་དང་པོ་བཅས་ཀྱི་འགན་འཁུར་རྒྱུ་ཡིན་པ་རེད། ཁུལ་ཨུའི་ཧྲུའུ་ཅི། དཀར་མཛེས་ཡན་ལག་དམག་ཁུལ་ཏང་ཨུའི་ཧྲུའུ་ཅི་དང་པོ་ཀྲའོ་པོ་ཡིས་གཏམ་བཤད་གནང་བ་རེད།

ལིའུ་སེན་གྱིས་ཞིང་ཆེན་དམག་ཁུལ་ཏང་ཨུའི་ཚབ་ཞུས་ནས་བློ་མཐུན་ཀྲའོ་པོས་འགན་བསྐོ་པར་བཀྲ་ཤིས་སྨོན་འདུན་ཞུས་པ་དང་།དུས་ཡུན་རིང་པོར་རྒྱལ་སྲུང་དང་དམག་དཔུང་འཛུགས་སྐྱོང་ལ་སེམས་ཁུར་དང་རྒྱབ་སྐྱོར་བྱེད་མཁན་དཀར་མཛེས་ཁུལ་གྱི་རིམ་པ་ཁག་གི་ཏང་ཨུ་དང་སྲིད་གཞུང་། རྒྱ་ཆེའི་མི་དམངས་མང་ཚོགས་བཅས་ལ་སྙིང་ཐག་པ་ནས་ཐུགས་རྗེ་ཆེ་ཞུས་པ་རེད། ཁོང་གིས་དཀར་མཛེས་ཡན་ལག་དམག་ཁུལ་གྱིས་ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པར་སློབ་སྦྱོང་དང་ལག་ལེན་མཐར་ཕྱིན་བསྟར་ཞིང་། འགན་འཁྲིའི་འདུ་ཤེས་ཇེ་དྲག་ཏུ་གཏོང་བ་དང་ལམ་ལུགས་དོན་འཁྱོལ་ནན་པོ་བྱས་ཏེ་ཏང་གིས་དྲག་ཆས་དོ་དམ་བྱེད་པའི་ལམ་ལུགས་ཅན་དང་ཚད་ལྡན་ཅན་གྱི་ཆུ་ཚད་མཐོ་རུ་གཏང་དགོས་ཞེས་གསུངས།

ཀྲའོ་པོ་ཡིས་ཞིང་ཆེན་དམག་ཁུལ་ཏང་ཨུའི་ཆོད་དོན་ལ་བརྩི་སྲུང་མཐའ་གཅིག་ཏུ་བྱ་རྒྱུ་དང་། ཞིང་ཆེན་ཏང་ཨུ་དང་ཞིང་ཆེན་དམག་ཁུལ་ཏང་ཨུའི་འགོ་ཁྲིད་བརྟན་པོའི་འོག།དཀར་མཛེས་ཡན་ལག་དམག་ཁུལ་ཏང་ཨུ་ཚན་པར་མཐུན་སྒྲིལ་སྒོས་སྣེ་ཁྲིད་ནས་འབད་བརྩོན་དངོས་སྒྲུབ་དང་འགག་སྒྲོལ་དཀའ་སེལ་གྱིས་དཀར་མཛེས་ཁུལ་གྱི་ཏང་གིས་དྲག་ཆས་ལས་དོན་ལ་དོ་དམ་དང་རྒྱལ་སྲུང་རྗེས་གྲབས་སྟོབས་ཤུགས་འཛུགས་སྐྱོང་དེ་སླར་ཡང་སྐས་རིམ་གསར་པ་ཞིག་སླེབས་པར་སྐུལ་འདེད་བྱ་རྒྱུ་ཡིན་ཞེས་གསུངས་པ་རེད།།

（ ལྷ་འཛོམས་ཀྱིས་བསྒྱུར།）