སྤྱི་ཟླ་དང་པོའི་ཚེས20ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་རྒྱལ་ཁབ་གློག་དྲྭ་དཀར་མཛེས་གློག་འདོན་སྤྱི་གཉེར་ཁང་དུ་གློག་འདྲེན་སྦྱོར་སྒྲིག་བཀོད་ཀྱི་ནགས་རྩྭ་མེ་ཟོན་མེ་གསོད་ལས་དོན་ལ་བརྟག་ཞིབ་གནང་བར་ཕེབས་ཤིང་།ཁོང་གིས་ནགས་རྩྭ་མེ་ཟོན་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་དང་མཆན་འགོད་ཀྱི་དགོངས་དོན་སློབ་སྦྱོང་དང་ལག་ལེན་མཐར་ཕྱིན་བསྟར་བ་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་།ཁུལ་ཨུ་དང་ཁུལ་སྲིད་གཞུང་བཅས་ཀྱི་བཀོད་སྒྲིག་བླང་བྱ་དོན་འཁྱོལ་མཐའ་གཅིག་ཏུ་བྱས་ཏེ། ཐོག་མཐའ་བར་གསུམ་དུ་འགན་འཁྲིའི་ནུས་པ་དང་བྱ་སྤྱོད་ནུས་པར་བརྟེན་ནས་གློག་དྲྭའི་ལམ་རྒྱུད་ཀྱི་ནགས་རྩྭ་མེ་ཟོན་ཉེན་མེད་སྲུང་ཡོལ་བརྟན་པོ་བསྐྲུན་དགོས་ཞེས་ནན་གསུང་གནང་བ་རེད།
ཧྥུང་ཧྥ་ཀུའེ་ཡིས་རང་ཁུལ་གྱི་ནགས་རྩྭ་ཁེབས་ཚད་རྒྱ་ཆེ་བ་དང་མེ་ཟོན་གྱི་འཐབ་ཕྱོགས་ཡུན་རིང་བ། ལོ་རྒྱུས་ཀྱི་བུ་ལོན་མང་བ། གློག་འདྲེན་སྦྱོར་སྒྲིག་ཆས་ཀྱི་ཉེན་ཁའི་གནས་མང་ལ་རྒྱ་ཆེ་བ། འགོག་ཟོན་ལ་དཀའ་ངལ་ཆེ་བ་བཅས་ཡིན་པས། རིམ་པ་ཁག་དང་སྡེ་ཚན་ཁག་གིས་མིག་སྔའི་ཁུལ་ཡོངས་ཀྱི་ནགས་རྩྭ་མེ་ཟོན་ལས་དོན་ལ་འཕྲད་པའི་ཛ་དྲག་དང་རྙོག་འཛིང་ཆེ་བའི་གནས་བབ་ལ་ངོས་འཛིན་གསལ་པོ་དང་། མེ་ཟོན་འགན་འཁྲི་ཏན་ཏིག་འཁུར་དགོས། འགོག་ཟོན་བྱ་ཐབས་ཞིབ་ཕྲ་དོན་འཁྱོལ་ཏེ་ཉེན་མེད་མཐིལ་ཚད་མཐའ་གཅིག་ཏུ་བསྲུང་དགོས། གཅིག་ནས་ས་གནས་དང་ཁེ་ལས་མཐུན་སྦྱོར་ལ་ཤུགས་བརྒྱག་དགོས་པ་དང་། གཉིས་ནས་ཚན་རྩལ་གྱི་ནུས་པ་སྤྲོད་ཤུགས་ཆེ་རུ་གཏང་དགོས་པ། གསུམ་ནས་མཐའ་མཇུག་གི་བཅོས་སྐྱོང་ལ་ཤུགས་བརྒྱག་དགོས་ཞེས་ནན་གསུང་གནང་བ་རེད།།( བདེ་སྐྱིད་ཀྱིས་བསྒྱུར།)