སྤྱི་ཟླ་དང་པོའི་ཚེས19ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་སྲིད་གཞུང་གི་ཁུལ་དཔོན། ཏང་ཚན་ཁག་གི་ཧྲུའུ་ཅི་ཧྥུང་ཧྥ་ཀུའེ་ཡིས་ཁུལ་སྲིད་གཞུང་ཏང་ཚན་ཁག་གི2026ལོའི་ཚོགས་འདུ་ཐེངས་དང་པོ་གཙོ་སྐྱོང་གནང་ནས་འཚོགས་ཤིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་ལེན་མཐར་ཕྱིན་བསྟར་བ་དང་། ཀྲུང་དབྱང་སྒྲིག་ཨུ་སྐབས་ཉི་ཤུ་པའི་གྲོས་ཚོགས་ཐེངས་ལྔ་པ་དང་། ཀྲུང་དབྱང་དང་ཞིང་ཆེན་ཏང་ཨུའི་སྐོར་ལྟ་ལས་དོན་སྐོར་གྱི་འབྲེལ་ཡོད་ཚོགས་འདུ། ཞིང་ཆེན་སྲིད་གཞུང་གི་ཚང་འཛོམས་གྲོས་ཚོགས་ཐེངས་བདུན་པ་བཅས་ཀྱི་སྙིང་དོན་བརྒྱུད་སྦྱངས་བྱས་པ་དང་། གཙོ་གནད་ལས་ཀར་བཀོད་སྒྲིག་བྱས་པ་རེད།

ཚོགས་འདུར་བསྟན་དོན། མིག་སྔར་ཁུལ་ཡོངས་ཀྱི་ཉེན་མེད་དུས་བབ་ཛ་དྲག་དང་རྙོག་འཛིང་ཆེ་བ་དང་། ཉེན་ཁ་དང་མངོན་མེད་རྐྱེན་ངན་སྣ་ཚོགས་འདྲེས་སྦྱོར་བྱས་པས། རིམ་པ་ཁག་དང་སྡེ་ཚན་ཁག་གིས་ཐོག་མཐའ་བར་གསུམ་དུ་འགན་འཁྲི་འཁུར་ཤུགས་དང་བྱ་སྤྱོད་ནུས་པ་རྒྱུན་འཁྱོངས་ཏེ། མཐིལ་ཚད་བསམ་གཞིགས་དང་མཐར་ཐུག་གི་བསམ་གཞིགས་བརྟན་པོ་བཙུགས་ནས་འཕེལ་རྒྱས་དང་ཉེན་མེད་གཅིག་གྱུར་འཆར་འགོད་སྔར་ལས་ལེགས་པོ་བྱ་དགོས། རྫོང（གྲོང་ཁྱེར）ཁག་གིས་ཁུལ་ས་ཁོངས་བཅོས་སྐྱོང་ལྟེ་གནས་ཀྱི་འཁོར་སྐྱོད་བྱེད་སྟངས་དཔྱད་གཞིར་བྱས་ཏེ། མཉམ་འབྲེལ་ལས་རེས་དང་ཉིན་རེའི་ཞིབ་འཇུག་བརྡར་གཅོད་བཀོད་གཏོང་ལམ་སྲོལ་འཛུགས་པ་དང་འཐུས་ཚང་དུ་བཏང་ནས་རིམ་པ་ཁག་གི་ཚན་པ་སྣེ་ཁྲིད་པའི་མགོ་ཁྲིད་དང་། ལས་རེས་མི་སྣའི་འགན་འཁྲི་བཅས་དམ་ཟབ་བྱས་ནས་ཆ་འཕྲིན་ཤར་གཏོང་ཐུབ་པ་དང་། དང་ལེན་མགྱོགས་མྱུར། ཐག་གཅོད་ནུས་ཆེ་བཅས་འགན་ལེན་བྱས་ནས་ཉེན་མེད་སྲུང་ཡོལ་བརྟན་པོར་བསྐྲུན་དགོས་པ་རེད།།( བདེ་སྐྱིད་ཀྱིས་བསྒྱུར།)