སྤྱི་ཟླ་དང་པོའི་ཚེས22ཉིན། ཁུལ་ཉེན་མེད་ཐོན་སྐྱེད་ཨུ་ཡོན་ལྷན་ཁང(ཁུལ་གནོད་འགོག་གནོད་སྙུང་ཨུ་ཡོན་ལྷན་ཁང)2026ལོའི་ཚང་འཛོམས་གྲོས་ཚོགས་ཐེངས་དང་པོ་དར་མདོར་འཚོགས་པ་རེད། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཚོགས་འདུར་ཞུགས་ཤིང་གསུང་བཤད་གནང་། ཁོང་གིས་ཉེན་མེད་ཐོན་སྐྱེད་དང་གནོད་འགོག་གནོད་སྙུང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱས་བཤད་གལ་ཆེན་སློབ་སྦྱོང་དང་ལག་ལེན་མཐར་ཕྱིན་བསྟར་བ་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་། ཁུལ་ཨུ་བཅས་ཀྱི་ཐབས་ཇུས་བཀོད་སྒྲིག་ཁྱོན་ཡོངས་ནས་དོན་ལ་འཁྱོལ་ཏེ་ཉེན་མེད་ཐོན་སྐྱེད་ཀྱི་ཉེན་ཁའི་མངོན་མེད་རྐྱེན་ངན་ཞིབ་བཤེར་བཅོས་སྒྲིག་བྱེད་པའི“དགུན་དཔྱིད་བྱ་སྤྱོད”ལ་སྐུལ་ཏེ་ཤུགས་ཡོད་རྒུས་ཉེན་མེད་འགོག་སྲུང་འཛིང་རགས་བརྟན་པོར་བསྐྲུན་དགོས་ཞེས་ནན་གསུང་གནང་བ་རེད། ཁུལ་ཨུའི་རྒྱུན་ཨུ། ཁུལ་སྲིད་གཞུང་གི་རྒྱུན་ལས་ཁུལ་དཔོན་གཞོན་པ་ཡན་ལེ་ཡིས་ཚོགས་འདུ་གཙོ་སྐྱོང་བྱས།

ཧྥུང་ཧྥ་ཀུའེ་ཡིས་བསྟན་དོན། 2025ལོར་ཁུལ་ཡོངས་ཀྱི་གོང་འོག་ཚང་མས་མཉམ་དུ་འབད་བརྩོན་བྱས་པ་བརྒྱུད་གནོད་འཚེ་དང་དོན་རྐྱེན་སྔོན་འགོག་ལས་དོན་གྱིས“ལོ་ལྟར་སྔོན་འགོག་དང་ལོ་ལྟར་ཇེ་བཟང་དུ་འགྲོ་བའི”དམིགས་ཚད་མངོན་འགྱུར་བྱུང་ཡོད། ད་ལོའི་དགུན་ཁ་དང་སང་ལོའི་དཔྱིད་ཀར་གནོད་འཚེ་དང་དོན་རྐྱེན་སྔོན་འགོག་ལས་དོན་དམ་འཛིན་བྱེད་པའི་ལས་འགན་ལྕི་ཞིང་དཀའ་ཚེགས་ཆེ་བས། རིམ་པ་ཁག་དང་སྡེ་ཚན་སོ་སོས་ཐོག་མཐའ་བར་གསུམ་དུ་མི་དམངས་དང་ཚེ་སྲོག་གཙིགས་སུ་འཛིན་པ་རྒྱུན་འཁྱོངས་ཏེ། "དཀར་མཛེས་ཁུལ་གྱིས་བཏོན་པའི་དོན་ཚན་དྲུག"གི་བྱ་ཐབས་ལག་བསྟར་ནན་པོ་དང་། ནམ་ཡང་སེམས་སུ་འཛིན་པའི་འགན་འཁྲིའི་འདུ་ཤེས་ལ་བརྟེན་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་ཉེན་མེད་ཡོང་བར་འགན་ལེན་ཏན་ཏིག་བྱ་དགོས།

ཧྥུང་ཧྥ་ཀུའེ་ཡིས་ཆེད་ལས་དང་མང་ཚོགས་ཟུང་འབྲེལ་གྱིས་ཧྲིལ་སྐྱོང་ལེགས་འཁོར་ཡོང་བར་བྱས་ཏེ་གནོད་འཚེ་དང་དོན་རྐྱེན་སྔོན་འགོག་ནུས་པའི་ཆུ་ཚད་ཁྱོན་ཡོངས་ནས་མཐོ་རུ་གཏང་རྒྱུ་དང་།ལས་འགན་ཚང་མར་འགོ་མཇུག་ཡོད་ཅིང་ཞིབ་བཤེར་བྱ་ཆོག་ལ་གཞི་འཛིན་ས་ཡོད་པར་འགན་ལེན་བྱ་དགོས་ཞེས་ནན་གསུང་གནང་བ་རེད།།

( བདེ་སྐྱིད་ཀྱིས་བསྒྱུར།)