གཅིག ལུགས་དང་མཐུན་པའི་བཟའ་བཏུང་། དེ་ནི་འཚོ་བཅུད་འཛོམས་པའི་ཟས་རིགས་འདོན་སྤྲོད་བྱེད་པར་བསྟན་པ་ཡིན། ཟས་རིགས་མི་འདྲ་བའི་ནང་དུ་འཚོ་བཅུད་ཀྱང་འདྲ་མིན་སྣ་ཚོགས་འདུས། ལུས་པོ་བདེ་ཐང་ཡོང་དགོས་ན་ཟས་རིགས་སྣ་ཁ་གཅིག་གི་འཚོ་བཅུད་ལ་བརྟེན་པས་མི་ཆོག་པར། ཟས་རིགས་སྣ་མང་ཟོས་ན་ད་གཟོད་ལུས་ཡོངས་ཀྱི་འཚོ་བཅུད་ཆ་སྙོམས་ཡོང་སྟེ་བདེ་ཐང་ལ་ཡར་སྐུལ་གཏོང་ཐུབ།
གཉིས། འགུལ་སྐྱོད་ཚད་དང་རན་པ། འགུལ་སྐྱོད་ཚད་དང་རན་པ་བྱས་ན་ལུས་པོའི་ལྗིད་ཚད་ཚོད་འཛིན་བྱེད་ཐུབ་པར་མ་ཟད། ད་དུང་ཁྲག་རྩ་སྙོམ་པོར་གཏོང་ཐུབ། དེ་མིན་ད་དུང་གཟའ་གྲིབ་ཕོག་པ་དང་སྙིང་ནད་འབྱུང་བ། གཅིན་སྙི་ཟ་ཁུའི་ནད། རྩམ་ལོང་འབྲས་སྐྲན། ནུ་མའི་འབྲས་སྐྲན། རུས་སོབ་ནད་སོགས་ཕོག་པའི་ཉེན་ཁ་ཇེ་དམའ་རུ་གཏོང་ཐུབ། འགུལ་སྐྱོད་ཚད་དང་རན་པ་བྱས་ན། སེམས་ཁམས་བདེ་མོ་དང་གཉིད་སྐྱིད་པོ་ཡོང་བར་ཕན།
གསུམ། དུ་བ་གཅོད་པ་དང་ཆང་ཉུང་འཐུང་བྱེད་པ། དུ་བ་འཐེན་ན་བདེ་ཐང་ལ་གནོད་པ་ཚང་མས་ཤེས་པས། དུ་བ་སྔ་མོ་ནས་བཅད་ན་བཟང་ཆ་དེ་བཞིན་མང་ལ། ཆང་ཉུང་འཐུང་བྱེད་པ་དང་། ཏུའུ་དམའ་མོ་ཅན་གྱི་ཆང་འཐུང་རྒྱུ་ཡིད་ལ་འཇགས་དགོས།
བཞི། སེམས་ཁམས་དྭངས་མོ་ཡོང་བ། སེམས་ཁམས་དྭངས་མོ་ཡོང་བ་ཞེས་པ་ནི་སེམས་ཁམས་ཀྱི་འགྱུར་ལྡོག་བཟང་པོར་བསྟན་པ་ཡིན། རང་ཉིད་ཀྱི་བཟང་ངན་ལ་གདེང་འཇོག་ཡང་དག་དང་འཚོ་བའི་གནོན་ཤུགས་མེད་པར་གཏོང་བ། ནུས་ལྡན་སྒོས་བྱ་བ་སྒྲུབ་པ་དང་སློབ་སྦྱོང་བྱེད་པ། ཁྱིམ་ཚང་དང་སྤྱི་ཚོགས་ལ་བྱས་རྗེས་འཇོག་པ་བཅས་ཀྱི་སེམས་ཁམས་བཟང་པོ་ཡོད་དགོས། ད་དུང་མི་དང་མིའི་བར་ལ་འབྲེལ་བ་ལེགས་པོ་འཛུགས་པ་དང་སྤྱི་ཚོགས་ཀྱི་བྱ་འགུལ་སྣ་ཚོགས་ནང་ཞུགས་པ་སོགས་བྱས་ཚེ་སེམས་ཁམས་དྭངས་པར་ཕན་པ་ཡོད།།
（ ཀུན་དགས་བསྡུས་སྒྲིག་བྱས།）