（ པར་ངོས་དང་པོར་མཐུད།）
ཚོགས་འདུར2025ལོའི་ཁུལ་ཡོངས་ཀྱི་དཔལ་འབྱོར་ལས་དོན་གྱི་ཕན་འབྲས་དང་མི་འདང་སར་ཕྱིར་དྲན་དང་ཕྱོགས་བསྡོམས་བྱས་ཤིང་། ད་ལོའི་དཔལ་འབྱོར་ལས་དོན་ལ་འཕྲད་པའི་གོ་སྐབས་དང་འགྲན་སློང་ལ་དབྱེ་ཞིབ་ཟབ་མོ་བྱས་པ་རེད། ཚོགས་འདུར་བསྟན་དོན། ཁུལ་ཨུ་སྐབས་བཅུ་གཉིས་པའི་ཚང་འཛོམས་གྲོས་ཚོགས་ཐེངས་བཅུ་པའི་ཐོག་རྒྱལ་ཡོངས་དང་ཞིང་ཆེན་ཡོངས་དང་དུས་མཉམ་དུ་སྤྱི་ཚོགས་རིང་ལུགས་དེང་རབས་ཅན་གཞི་རྩའི་ཐོག་མངོན་འགྱུར་བྱེད་པའི་རླབས་ཆེན་ཇུས་འགོད་གཏན་འཁེལ་བྱས་ཏེ། “ལོ་ལྔའི་འཆར་འགོད་བཅོ་ལྔ་པའི”དུས་སྐབས་ཀྱི་དཀར་མཛེས་ཁུལ་གྱི་དཔལ་འབྱོར་ལས་དོན་གྱི་དམིགས་འབེན་དང་ལས་འགན་གཏན་འཁེལ་བྱས་པ་རེད། ཁུལ་ཡོངས་ཀྱི་གོང་འོག་ཚང་མས་ངེས་པར་དུ་འཕྲལ་མར་འཐབ་འཛིང་གི་གནས་བབ་ལ་ཞུགས་ནས་སྔར་བས་དོ་དམ་དང་བབ་བསྟུན་འཕྲལ་སྒྲུབ་དང་རྗེས་སྙེག་མཆོང་སྐྱོད་ཀྱི་ལོ་རྒྱུས་ཀྱི་ལས་འགན་ལ་དམིགས་ནས། མྱུར་སྒྲུབ་ལ་བརྩི་མཐོང་།དངོས་སྒྲུབ་ལ་ཧུར་བརྩོན། དཀའ་སྒྲུབ་ལ་མི་སྐྲག། ཐབས་སྒྲུབ་ལ་མཁས་པ་བཅས་བྱས་ཏེ། ལས་ཀ་ཁག“སྒྲུབ་ཡོད་མེད”ནས“ཡག་པོར་སྒྲུབ་ཡོད་མེད་དང་ཆེས་ཡག་པོར་སྒྲུབ་ཡོད་མེད”ལ་རྩ་བ་ནས་བསྒྱུར་བར་བསྐུལ་དགོས། ཧུར་སེམས་ཉམས་ཤིང་སྒྱིད་ལུག་གི་བསམ་པའི་ངང་ཚུལ་བློ་བརྟན་འགྱུར་མེད་ངང་དོར་ནས། གོ་ལ་ཧྲིལ་པོའི་མཐོང་རྒྱ་དང་རྒྱལ་ཡོངས་ཀྱི་གནས་ཚད་ལ་དམིགས་ནས་འབྱུང་འགྱུར་འཕེལ་རྒྱས་ལ་ཞིབ་ལྟ་དང་འཆར་འགོད་བྱས་ཏེ། བསམ་བློའི་བཅིངས་འགྲོལ་ཆེན་པོས་དཀར་མཛེས་ཁུལ་གྱི་མཆོང་བརྒལ་ཆེན་པོར་སྣེ་ཁྲིད་བྱ་དགོས། ཞིང་ཆེན་ཏང་ཨུས་སྤྲད་པའི་འཐབ་ཇུས་ཚུགས་གནས་གཏན་འཁེལ་ལ་དམ་པོར་དམིགས་ནས། མ་སྐུལ་དང་བླངས་ཀྱིས་འགན་འཁྲི་དེ་བས་ཆེ་བ་ཁུར་ནས་སི་ཁྲོན་དེང་རབས་ཅན་གྱི་མངའ་ཁོངས་སུ་དཀར་མཛེས་ཁུལ་གྱི་གོ་གནས་བརྩོན་བསྒྲུབས་དང་དཀར་མཛེས་ཁུལ་གྱི་བྱས་རྗེས་མངོན་དགོས། སྤོབས་པ་ཆེན་པོས་ཐུན་མོང་མ་ཡིན་པའི་ཐོན་ཁུངས་ཕུན་སུམ་ཚོགས་པོ་དང་སྲིད་ཇུས་ཀྱི་གོ་སྐབས་དེ་མིག་མཐོང་ལག་ཟིན་དང་།རྒྱུན་སྲིང་ཐུབ་པའི་ལྟེ་བའི་འགྲན་རྩོད་ནུས་པ་དང་འཕེལ་རྒྱས་ཀྱི་སྒུལ་ཤུགས་སྟོབས་ལྡན་ལ་ལས་ཆོད་མཐོན་པོས་བསྒྱུར་ཏེ། དཀར་མཛེས་ཁུལ་གྱི་ཁྱད་ཆོས་དང་འཕེལ་རྒྱས་སྤུས་ཚད་མཐོན་པོའི་ལམ་གསར་ཞིག་དངོས་སུ་གཏོད་ཐུབ་པ་བྱ་དགོས།
ཚོགས་འདུར2026ལོའི་དཔལ་འབྱོར་ལས་དོན་ཐད་གཤམ་གསལ་གྱི་གཙོ་གནད་ལས་འགན་ལ་དམ་འཛིན་ཡག་པོ་བྱ་དགོས་པ་སྟེ།
གཅིག་ནས་ཤུགས་ཡོད་རྒུས་མ་འཇོག་རྒྱ་སྐྱེད་དང་འཛད་སྤྱོད་ལ་སྐུལ་དགོས། རྒྱལ་ཁབ་དང་ཞིང་ཆེན་གྱི་སྲིད་ཇུས་གལ་ཆེན་གྱི་གོ་སྐབས་དང“ལོ་ལྔའི་འཆར་འགོད་བཅོ་ལྔ་པའི”གྲོས་འགོའི་འགག་རྩར་དམ་འཛིན་བྱས་ཏེ། དཀར་མཛེས་ཁུལ་འཕེལ་རྒྱས་ཀྱི་དོན་དངོས་དང་མཐུན་པའི་ལས་གྲྭ་ཆེན་པོ་དང་ལས་གྲྭ་ལེགས་པོ་ཁག་གཅིག་ཇུས་འགོད་ཞིབ་ཚགས་དང་གྲབས་གསོག་བྱས་ནས། མགོ་ཁྲིད་ལས་བྱེད་པས་ལས་གྲྭ་གལ་ཆེན་དང་འབྲེལ་གཏུག་བྱེད་པའི་འགན་འཁྲི་དོན་ལ་ནན་པོ་འཁྱོལ་ཏེ། ཞིང་ཆེན་དང་ཁུལ་གྱི་གཙོ་གནད་ལས་གྲྭ་འཛུགས་སྐྲུན་ལ་ཤུགས་ཡོད་རྒུས་སྐུལ་དགོས། ཡོང་འབབ་མཐོར་གཏོང་དང་འཛད་སྤྱོད་ནུས་པ་ཆེ་རུ་གཏོང་བའི་ཆེད་དོན་བྱ་སྤྱོད་ལག་ལེན་བསྟར་ནས།“ལོ་ལྟར་གཙོ་དོན་ཡོད་པ་དང་། དུས་ཚིགས་རེ་རེར་འགྲན་བསྡུར་ཡོད་པ། ཟླ་བ་རེ་རེར་བྱེད་སྒོ་ཡོད་པ”བཅས་ཀྱི་དམིགས་འབེན་དམ་འཛིན་བྱས་ནས། གངས་འཁྱགས་དཔལ་འབྱོར་དང་། ཚ་གཡོལ་དཔལ་འབྱོར། མཚན་མོའི་དཔལ་འབྱོར། འགྲན་བསྡུར་དཔལ་འབྱོར། འཁྲབ་སྟོན་དཔལ་འབྱོར་བཅས་འཕེལ་རྒྱས་བྱེད་ཤུགས་ཆེ་རུ་བཏང་སྟེ། སྤུས་ཚད་མཐོ་བའི་མགྲོན་ཁང་དང་། སྤུས་ལེགས་གནས་ཚང་། ཚོང་ལས་ཚོང་ར་བཅས་ཁག་གཅིག་མགྱོགས་སུ་བསྐྲུན་དགོས། མ་དངུལ་དང་ས་ཞིང་། ནུས་ཁུངས་སོགས་འགག་རྩའི་རྒྱུ་རྐྱེན་གཙོ་བོར་དམིགས་ནས་སྲིད་ཇུས་མཐུན་སྦྱོར་དང་རྒྱུ་རྐྱེན་གཙོ་བོའི་འགན་སྲུང་ལ་ཤུགས་བརྒྱབ་སྟེ། ལོ་འཁོར་གྱི་ས་ཞིང་མཁོ་སྤྲོད་འཆར་གཞི་ཚན་རིག་དང་མཐུན་པའི་སྒོས་བཟོ་འགོད་ལག་བསྟར་བྱེད་པ་དང་། རྨོ་ཞིང་སྲུང་སྐྱོང་དང་བཟུང་གསབ་དོ་མཉམ་བར་མཐོངས་འཆར་འགོད་ལེགས་གྲུབ་བྱས་ནས། གློག་ཤུགས་ཉར་འཇོག་སྲིད་ཇུས་ཤུགས་ཡོད་རྒུས་བརྩོན་ལེན་དང་དོན་དུ་འཁྱོལ་བ།ལས་གྲྭ་དོན་འཁྱོལ་དང་ཁྲོམ་ར་འཁོར་སྐྱོད་བྱེད་པའི་འགག་གནད་གཙང་སེལ་བྱས་ནས། མ་འཇོག་དང་འཛད་སྤྱོད་ཕྱོགས་གཉིས་ཀྱི་ནུས་པ་འདོན་སྤྲོད་དང་འཁོར་སྐྱོད་བཟང་པོ་མངོན་འགྱུར་བྱ་དགོས།
གཉིས་ནི་འབད་བརྩོན་ལྷོད་མེད་ཀྱིས་ཐོན་ལས་འདེགས་སྐྱོར་བྱ་དགོས། འཛམ་གླིང་གི་མིག་རྒྱང་དང་རྒྱལ་སྤྱིའི་ཚད་གཞི་མཐའ་འཁྱོངས་ཏེ།ཁྱོན་ཡོངས་ནས་ཞལ་སྟོང་གངས་དཀར་དང་། དར་ལམ་དཀར་མཛེས། ཤམ་བྷ་ལའི་ཞིང་ཁམས་བཅས་ཀྱི་རྒྱལ་སྤྱིའི་ཤུགས་རྐྱེན་ཆེ་རུ་གཏོང་བ་དང་། Aབཞི་རིམ་པ་དང་དེ་ཡན་གྱི་ལྗོངས་ཁུལ། ཞིམ་ཟས་སྤྲོ་གསེང་། དམངས་སྲོལ་གཟུགས་མེད་རིག་གནས་ཤུལ་བཞག་སོགས་ཀྱིས་མཚོན་པའི་དེང་རབས་ཡུལ་སྐོར་མ་ལག་གསོ་སྐྱོང་བྱས་ཏེ། ས་གནས་ཀྱི་གནས་ཚུལ་དང་བསྟུན་ནས་བཟའ་སྡོད་ཡུལ་སྐོར་དང་། ཉོ་སྒྲུབ་རོལ་རྩེད་སོགས་ཀྱི་འབྲེལ་ཐག་ཧྲིལ་པོའི་འཛད་སྤྱོད་རྣམ་པ་སྦྲེལ་མཐུད་བྱས་ཏེ། “གནས་མཆོག་དཀར་མཛེས”ཕྱོགས་མང་རྒྱལ་སྤྱིའི་ཁྱབ་སྤེལ་མ་ལག་དང་ཚོང་གཉེར་ངོ་སྤྲོད་ཐབས་ལམ་ཧུར་ཐག་སྤེལ་ནས་རིག་གནས་དང་ཡུལ་སྐོར་མཉམ་འདྲེས་ཀྱི་སྒུལ་ཤུགས་གསར་པ་གཏོད་དགོས། སྐྲུན་བཞིན་པའི་ཆུ་གློག་ས་ཚུགས་དང་འོད་ཤུགས་ལས་གཞི་འཛུགས་པར་ཤུགས་ཡོད་རྒུས་སྐུལ་བ་དང་དཀར་མཛེས་ཁུལ་གྱི་ལྷོ་ཕྱོགས་དང་ནུབ་ཕྱོགས་སོགས་སྟོང་ཝུའུ500གློག་འདྲེན་སྒྱུར་ལས་གཞི་མགྱོགས་སུ་གཏོང་བར་སྐུལ་བ་དང་།སྦག་མེད་ནུས་ཐེག་ཐོན་ལས་དང་སྦག་མེད་གློག་སྤོ་སྒྱུར་ལས་གཞི་འཕེལ་རྒྱས་ཤུགས་ཆེར་གཏོང་བ། འཐབ་ཇུས་རང་བཞིན་གྱི་གཏེར་རྫས་ཐོན་ཁུངས་སྦག་མེད་གསར་སྤེལ་ལས་གྲྭ་ལག་ལེན་བསྟར་ནས་ནུས་ཁུངས་གཙང་མའི་ཀ་ཆེན་གསར་པ་སྲ་བརྟན་འཛུགས་དགོས། “གཙང་གསུམ་རྒྱུད་དྲུག”དེང་རབས་ཞིང་ལས་ཐོན་ལས་ཁུལ་འཛུགས་པ་དང་རྒྱལ་ཁབ་རིམ་པའི་ནོར་གནག་ཐོན་ལས་སོགས་མུ་མཐུད་སྲ་བརྟན་དང་རྒྱ་སྐྱེད་གཏོང་བ་དང་། “ལྷ་གཡག་དཀར་མཛེས”ས་ཁོངས་ཀྱི་སྤྱི་སྤྱོད་ཟོང་རྟགས་ཀྱི་འདུས་འདྲེས་ནུས་པ་དང་། སྣེ་ཁྲིད་ནུས་པ། ཤུགས་རྐྱེན་བཅས་ཁྱོན་ཡོངས་ནས་ཆེ་རུ་བཏང་སྟེ་ཁྱད་ལྡན་ཞིང་འབྲོག་གི་ཚད་གཞི་གསར་པ་གཏོད་དགོས། དར་མདོ་དང་ལྕགས་ཟམ་ཁ་གཞི་གཅིག་ཅན་གྱི་མཐུན་སྦྱོར་འཕེལ་རྒྱས་ཀྱི་སྣེ་ཁྲིད་ནུས་པ་འབུར་ཐོན་བྱ་རྒྱུ་དང་།ལི་ཐང་ནས་འབའ་ཐང་བར་ཁུལ་ཁོངས་ལྷོ་ཕྱོགས་ཀྱི་ལྟེ་གནས་དང་།དཀར་མཛེས་ནས་བྲག་མགོ་བར་ཁུལ་ཁོངས་བྱང་ཕྱོགས་ཀྱི་ལྟེ་གནས་བསྐྲུན་རྒྱུར་འབད་དེ། ལྟེ་གནས་གྲོང་རྡལ་འཛུགས་སྐྲུན་གྱི་སྤུས་ཚད་དང་ཞབས་ཞུའི་ནུས་པ་མཐོར་འདེགས་བཏང་ནས་ས་ཁོངས་འཕེལ་རྒྱས་ཀྱི་རྣམ་པ་གསར་པ་འཛུགས་དགོས།
གསུམ་ནི་གནད་འགག་ལ་དམིགས་ཏེ་བསྒྱུར་བཅོས་དང་སྒོ་འབྱེད་རྒྱ་སྐྱེད་དམ་འཛིན་བྱ་དགོས། ཚོང་ར་ཅན་གྱི་གཉེར་སྐྱོང་ལམ་སྲོལ་དང་རྒྱལ་ཁབ་ལ་དབང་བའི་རྒྱུ་ནོར་ལྟ་སྐུལ་དོ་དམ་སྒྲིག་སྲོལ་འཐུས་ཚང་དུ་གཏོང་བ་དང་། དམངས་གཉེར་དཔལ་འབྱོར་འཕེལ་རྒྱས་སྤུས་ཚད་མཐོན་པོ་ཡོང་བར་སྐུལ་བའི་སྲིད་ཇུས་ཀྱི་རྒྱབ་སྐྱོར་བྱེད་ཐབས་འཐུས་ཚང་དུ་གཏང་དགོས། ཤར་ནུབ་མཉམ་ལས་དང་། ཞིང་ཆེན་ནང་ཁུལ་གྱི་ཁ་གཏད་རོགས་སྐྱོར། “ཚོགས་པ་རྣམ་པའི”རོགས་སྐྱོར། འཚོ་སྐྱོང་དམའ་སྐྱོར་སོགས་ལམ་སྲོལ་གྱི་ཕན་ནུས་འདོན་སྤེལ་བྱས་ཏེ། དར་རྒྱས་ཆེ་བའི་ས་ཁུལ་གྱི་སྦག་མེད་རྩིས་རྒྱག་དང་། ནུས་རྒྱུ་གསར་པ་སོགས་ཐོན་ལས་དང་འཐབ་ཇུས་གྲབས་ཉར་ལས་གཞི་སྤོ་སྒྱུར་གོ་རིམ་ལྡན་པའི་སྒོ་ནས་དང་ལེན་བྱས་ཏེ། ཕྱི་ཕྱོགས་ཚོང་དོན་གྱི་སྣེ་ཁྲིད་ཁེ་ལས་གསོ་སྐྱོང་བྱེད་ཤུགས་ཆེ་རུ་གཏང་དགོས། ལས་གཞི་དང་ཐོན་ལས།ཚོང་འགུགས་བཅས་དམ་འཛིན་ཆེན་པོ་མཐའ་འཁྱོངས་ཏེ་ཚོང་གཉེར་ཁོར་ཡུག་མུ་མཐུད་དེ་ལེགས་སུ་གཏང་དགོས།
བཞི་ནི་བློ་རྩེ་གཅིག་སྒྲིམ་གྱིས་དམངས་ཕན་ཉེན་མེད་འགན་ལེན་བྱ་དགོས། ལས་ཞུགས་སྔོན་ལ་བཞག་པའི་ཕྱོགས་ཁྲིད་གཙོ་བོར་བྱས་ཏེ། རྒུད་གསབ་ལས་སྤྲོད་དང།ཐོན་སྐྱེད་བྱ་དགའི་ཁ་གསབ།ངལ་ནུས་ཕྱིར་གཏོང་སོགས་ཀྱི་བྱེད་སྟངས་ལ་བརྟེན་ནས་ཡོང་འབབ་དམའ་འབྲིང་གི་ཁྱུ་ཚོགས་ཀྱི་ཡོང་འབབ་འཕར་བར་མུ་མཐུད་དེ་སྐུལ་དགོས། གྲོང་སྡེའི་ཡོང་འབབ་དམའ་བའི་མི་འབོར་དང་དབུལ་ཐར་མི་འབོར་གྱི་གཞི་རྩའི་སྨན་བཅོས་འགན་བཅོལ་ཞུགས་ཚད་མུ་མཐུད་དེ་སྲ་བརྟན་གཏོང་བ་དང་། གཞི་རྩའི་རྒན་གསོ་ཞབས་ཞུའི་མཁོ་སྤྲོད་ལེགས་སུ་གཏང་དགོས། ཆབ་སྲིད་དང་ཆོས་ལུགས། སྤྱི་ཚོགས། སྐྱེ་ཁམས། དཔལ་འབྱོར་སོགས་ཁྱབ་ཁོངས་ཀྱི་ཉེན་མེད་ལས་དོན་གཅིག་གྱུར་འཆར་འགོད་ཡག་པོ་བྱས་ཏེ། མངོན་མེད་ཉེན་ཁ་ཚགས་བཤེར་ལས་དོན་རྒྱུན་ལྡན་ཅན་སྤེལ་ནས་མཉམ་སྐྲུན་མཉམ་བཅོས་མཉམ་སྤྱོད་བཅས་ཀྱི་གཞི་རིམ་བཅོས་སྐྱོང་གི་རྣམ་པ་གསར་པ་འཛུགས་དགོས། “མི་རིགས་མཐུན་སྒྲིལ་ཁྱིམ་ཚང་དུ་སྤེལ་བའི”ལག་ལེན་བྱ་སྤྱོད་མུ་མཐུད་དེ་གཏིང་ཟབ་གཏོང་བ་དང་། ཤུགས་ཡོད་རྒུས་མི་རིགས་ཁག་གི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་སྲུང་སྐྱོང་དང་། གསར་བརྗེའི་རིག་གནས་ཞིབ་འཇུག་འགྲེལ་བཤད་དང་དྲིལ་བསྒྲགས་སློབ་གསོའི་ཐད་ཤུགས་བསྣན་ཏེ་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་འདུ་ཤེས་བརྟན་པོ་བཅང་དགོས།
ཚོགས་འདུར་ནན་བཤད་གནང་དོན། ཁུལ་ཡོངས་ཀྱི་དཔལ་འབྱོར་ལས་དོན་ཡག་པོ་བསྒྲུབས་ཏེ། ཏང་གི་ཕྱོགས་ཡོངས་ཀྱི་འགོ་ཁྲིད་རྒྱུན་འཁྱོངས་དང་ཤུགས་སྣོན་པ་ནི་རྩ་བའི་འགན་ལེན་ཡིན། རིམ་པ་ཁག་གི་ཏང་ཨུ（ཏང་ཚན་ཁག）ཡིས་ཁྱོན་ཡོངས་ལ་སྤྱི་འདོམས་བྱེད་པ་དང་ཕྱོགས་ཁག་མཐུན་སྦྱོར་བྱེད་པའི་འགོ་ཁྲིད་ནུས་པ་བཏོན་ཏེ། དུས་ཐོག་ཏུ་འཕེལ་རྒྱས་འཐབ་ཇུས་འཆར་འགོད་བྱེད་པ་དང་། དུས་བཀག་ལྟར་དཔལ་འབྱོར་གྱི་དུས་བབ་ལ་ཞིབ་འཇུག་དང་བརྡར་གཅོད་བྱེད་པ། སྲིད་ཇུས་དང་བྱེད་ཐབས་གལ་ཆེན་ལ་ཞིབ་འཇུག་བྱེད་པ། ལྟ་སྐུལ་དང་ཕན་འབྲས་འདྲི་རྩད་བཅས་བྱས་ཏེ། ཏང་གིས་དཔལ་འབྱོར་ལས་དོན་ལ་འགོ་ཁྲིད་བྱེད་པ་དོན་ཐོག་ཏུ་འཁྱོལ་བར་ཁག་ཐེག་བྱ་དགོས། ཚད་གཞི་མཐོན་པོའི་སྒོས“ལོ་ལྔའི་འཆར་འགོད་བཅོ་ལྔ་པ”དང་ཆེད་དོན་འཆར་འགོད་བཟོས་ཏེ། དཔལ་འབྱོར་ལས་དོན་སྤུས་ཚད་མཐོན་པོ་དང་རྒྱུན་མཐུད་འཕེལ་རྒྱས་ཡོང་བར་སྐུལ་དགོས། མི་སྣ་བཀོལ་སྤྱོད་ཀྱི་ཕྱོགས་ཁྲིད་གསལ་པོ་བཟོས་ཏེ་དཔལ་འབྱོར་ཤེས་པ་དང་དོ་དམ་མཁས་པའི་ལས་བྱེད་པ་འདེམས་སྒྲུག་དང་བཀོལ་སྤྱོད་བྱས་ཏེ། རླབས་ཆེན་རྒྱང་སྐྱོད་ཀྱི་སྙིང་སྟོབས་དར་སྤེལ་བཏང་ནས་ལས་བྱེད་པས་འགན་འཁུར་ཕོད་པ་དང་ལས་དོན་སྒྲུབ་མཁས་པར་སྐུལ་མ་བཏང་སྟེ། དཔལ་འབྱོར་དང་སྤྱི་ཚོགས་འཕེལ་རྒྱས་སྤུས་ཚད་མཐོན་པོར་བསྐུལ་བར་འགན་སྲུང་བརྟན་པོ་བྱ་དགོས།
ཚོགས་འདུར་ཁུལ་ཡོངས་ཀྱི་གོང་འོག་ཚང་མས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་སྔར་བས་མཐུན་སྒྲིལ་དམ་ཟབ་བྱས་ཏེ། ཀྲུང་དབྱང་གི་སྲིད་ཇུས་བྱེད་ཕྱོགས་དང་། ཞིང་ཆེན་ཏང་ཨུའི་ཐབས་ཇུས་བཀོད་སྒྲིག་བཅས་མཐའ་གཅིག་ཏུ་ལག་ལེན་དོན་འཁྱོལ་བྱས་ནས“ལོ་ལྔའི་འཆར་འགོད་བཅོ་ལྔ་པ”འགོ་ཡག་པོ་བཙུགས་ནས་ཀྲུང་གོའི་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གྱི་ལེའུ་གསར་པ་ཤུགས་ཡོད་རྒུས་བརྩམ་དགོས།
ཁུལ་རིམ་པའི་མགོ་ཁྲིད་དང་། རྫོང（གྲོང་ཁྱེར）ཁག་གི་ཏང་ཨུ་དང་སྲིད་གཞུང་། ཁུལ་རིམ་པའི་སྡེ་ཚན་ཁག་གི་འགན་འཁུར་བློ་མཐུན། ཁུལ་ཁོངས་གཏོགས་ཀྱི་མཐོ་རིམ་སློབ་གྲྭ། ཁུལ་ནང་བཅའ་སྡོད་བྱེད་པའི་ལས་ཁུངས་ཁག་གཅིག། ཁུལ་རིམ་པའི་ཁེ་ལས་དང་དོན་ལས་སྡེ་ཁག་གི་འགན་འཁུར་བློ་མཐུན། དམངས་གཉེར་ཁེ་ལས་དང་ལས་རིགས་མཐུན་ཚོགས་ཚོང་ཚོགས་ཀྱི་འཐུས་མི་སོགས་ཚོགས་འདུའི་ནང་ཞུགས་པ་རེད།།
（ ལྷ་འཛོམས་དང་བདེ་སྐྱིད། ཀུན་དགའ། རྒྱ་མཚོ་བཅས་ཀྱིས་བསྒྱུར།）